ਮੁੰਬਈ— ਬੀਤੇ ਦਿਨੀਂ ਖਬਰ ਸੀ ਕਿ ਬਾਲੀਵੁੱਡ ਦੇ ਮਿਸਟਰ ਪਰਫੈਕਸ਼ਨਿਸਟ ਆਮਿਰ ਖਾਨ ਸਵਾਈਨ ਫਲੂ ਦਾ ਸ਼ਿਕਾਰ ਹੋ ਗਏ ਹਨ। ਹੁਣ ਲੱਗਦਾ ਹੈ ਕਿ ਉਨ੍ਹਾਂ ਦੀ ਹਾਲਤ ਪਹਿਲਾਂ ਨਾਲੋਂ ਕਾਫੀ ਬਿਹਤਰ ਹੈ। ਹਾਲ ਹੀ 'ਚ ਆਮਿਰ ਮੁੰਬਈ ਦੇ ਅੰਧੇਰੀ 'ਚ ਫੈਨਜ਼ ਨਾਲ ਸੈਲਫੀ ਖਿੱਚਵਾਉਂਦੇ ਨਜ਼ਰ ਆਏ। ਹਾਲਾਂਕਿ ਆਮਿਰ ਇਕੱਲੇ ਹੀ ਸਵਾਈ ਫਲੂ ਨਾਲ ਪੀੜਤ ਨਹੀਂ ਸਨ। ਆਮਿਰ ਦੀ ਪਤਨੀ ਕਿਰਣ ਰਾਵ ਨੂੰ ਵੀ ਸਵਾਈਨ ਫਲੂ ਨੇ ਆਪਣੀ ਲਪੇਟ 'ਚ ਲਿਆ ਸੀ। ਇਸ ਬੀਮਾਰੀ ਕਾਰਨ ਆਮਿਰ ਜਲ ਰੱਖ-ਰਖਾਅ ਨਾਲ ਜੁੜੇ ਇਕ ਪ੍ਰੋਗਰਾਮ 'ਚ ਵੀ ਸ਼ਾਮਲ ਨਹੀਂ ਹੋ ਸਕੇ ਸਨ। ਇਸ 'ਚ ਉਨ੍ਹਾਂ ਦੀ ਭਰਪਾਈ ਸ਼ਾਹਰੁਖ ਖਾਨ ਨੇ ਕੀਤੀ ਸੀ। ਛੇਤੀ ਹੀ ਆਮਿਰ ਵੱਡੇ ਪਰਦੇ 'ਤੇ ਮੁੜ ਦਸਤਕ ਦੇਣਗੇ। 18 ਅਕਤੂਬਰ ਨੂੰ ਫਿਲਮ 'ਸੀਕ੍ਰੇਟ ਸੁਪਰਸਟਾਰ' ਰਿਲੀਜ਼ ਹੋਣ ਜਾ ਰਹੀ ਹੈ। ਹਰ ਫਿਲਮ ਦੀ ਤਰ੍ਹਾਂ ਇਸ ਫਿਲਮ 'ਚ ਵੀ ਉਹ ਇਕ ਵੱਖਰੇ ਅੰਦਾਜ਼ 'ਚ ਨਜ਼ਰ ਆਉਣ ਵਾਲੇ ਹਨ। ਹਾਲ ਹੀ 'ਚ 'ਸੀਕ੍ਰੇਟ ਸੁਪਰਸਟਾਰ' ਦਾ ਟਰੇਲਰ ਲਾਂਚ ਕੀਤਾ ਗਿਆ ਸੀ।