ਮੁੰਬਈ (ਬਿਊਰੋ)— ਆਮਿਰ ਖਾਨ ਅੱਜ 53 ਸਾਲਾਂ ਦੇ ਹੋ ਗਏ ਹਨ। ਮਿਸਟਰ ਪਰਫੈਕਸ਼ਨਿਸਟ ਦੇ ਨਾਂ ਨਾਲ ਮਸ਼ਹੂਰ ਆਮਿਰ ਫਿਲਹਾਲ ਫਿਲਮ 'ਠਗਸ ਆਫ ਹਿੰਦੋਸਤਾਨ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ। ਜਿਥੇ ਉਹ ਸਿਰਫ 4 ਸਾਲ ਦੀ ਉਮਰ 'ਚ ਹੀ ਫਿਲਮ 'ਯਾਦੋਂ ਕੀ ਬਾਰਾਤ' ਕਰ ਚੁੱਕੇ ਸਨ, ਉਥੇ ਉਨ੍ਹਾਂ ਦੇ ਦੋਵੇਂ ਵੱਡੇ ਬੱਚੇ ਜੁਨੈਦ ਤੇ ਇਰਾ ਹੁਣ ਤਕ ਬਾਲੀਵੁੱਡ ਤੋਂ ਦੂਰ ਹਨ। ਲਗਭਗ 21 ਸਾਲ ਦੀ ਆਮਿਰ ਦੀ ਬੇਟੀ ਇਰਾ ਫਿਲਹਾਲ ਬਾਲੀਵੁੱਡ ਤੋਂ ਦੂਰ ਹੈ। ਉਸ ਨੂੰ ਪੇਂਟਿੰਗ ਦਾ ਸ਼ੌਕ ਹੈ ਤੇ ਉਹ ਬਹੁਤ ਹੀ ਸ਼ਾਨਦਾਰ ਪੇਂਟਿੰਗ ਬਣਾਉਂਦੀ ਹੈ। ਉਹ ਅਕਸਰ ਬਾਲੀਵੁੱਡ ਪਾਰਟੀਜ਼ 'ਚ ਵੀ ਨਜ਼ਰ ਆਉਂਦੀ ਹੈ। ਇਹੀ ਨਹੀਂ ਆਮਿਰ ਨਾਲ ਵੀ ਕਈ ਥਾਵਾਂ 'ਤੇ ਦਿਖਣ ਵਾਲੀ ਇਰਾ ਦੀ ਪਿਤਾ ਨਾਲ ਕਾਫੀ ਚੰਗੀ ਬਾਂਡਿੰਗ ਹੈ। ਇਰਾ ਨੂੰ ਬਚਪਨ ਤੋਂ ਹੀ ਸੰਗੀਤ ਨਾਲ ਲਗਾਅ ਰਿਹਾ ਹੈ। ਉਹ ਸੰਗੀਤ 'ਚ ਕ੍ਰਿਏਟਿਵ, ਪ੍ਰੋਡਕਸ਼ਨ ਤੇ ਮੈਨੇਜਮੈਂਟ ਕਰਨ ਲਈ ਰਾਮ ਸੰਪਤ ਨਾਲ ਡੈਬਿਊ ਵੀ ਕਰ ਰਹੀ ਹੈ। ਇਰਾ ਦੇ ਵੱਡੇ ਭਰਾ ਤੇ ਆਮਿਰ ਦੇ ਬੇਟੇ ਜੁਨੈਦ ਐਕਟਿੰਗ ਵਰਲਡ 'ਚ ਸਰਗਰਮ ਹਨ। ਫਿਲਹਾਲ ਉਨ੍ਹਾਂ ਨੇ ਡੈਬਿਊ ਤਾਂ ਨਹੀਂ ਕੀਤਾ ਹੈ ਪਰ ਉਹ ਥਿਏਟਰ ਸਿੱਖ ਚੁੱਕੇ ਹਨ। ਐੱਚ. ਆਰ. ਕਾਲਜ ਤੋਂ ਗ੍ਰੈਜੂਏਸ਼ਨ ਕਰ ਚੁੱਕੇ 25 ਸਾਲ ਦੇ ਜੁਨੈਦ ਨੇ ਅਮਰੀਕਨ ਅਕੈਡਮੀ ਤੇ ਡ੍ਰਾਮੈਟਿਕ ਆਰਟ ਤੋਂ ਡਿਗਰੀ ਲਈ ਹੈ। ਜੁਨੈਦ ਨਾ ਸਿਰਫ ਰਾਜਕੁਮਾਰ ਹਿਰਾਨੀ ਨਾਲ 'ਪੀਕੇ' 'ਚ ਅਸਿਸਟੈਂਟ ਦੇ ਤੌਰ 'ਤੇ ਕੰਮ ਕਰ ਚੁੱਕੇ ਹਨ, ਸਗੋਂ ਉਹ ਜਗਦੀਪ ਜ਼ਾਫਰੀ ਦੀ ਬੇਟੀ ਮੁਸਕਾਨ ਨਾਲ ਵੀ ਕੰਮ ਕਰ ਚੁੱਕੇ ਹਨ। ਜੁਨੈਦ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਚਰਚਾ 'ਚ ਹਨ। ਉਹ ਫਿਲਹਾਲ ਸੋਨਮ ਨਾਂ ਦੀ ਲੜਕੀ ਨੂੰ ਡੇਟ ਕਰ ਰਹੇ ਹਨ, ਜੋ ਕਿ ਉਨ੍ਹਾਂ ਨਾਲ ਹੀ ਪੜ੍ਹੀ ਹੋਈ ਹੈ। ਦੱਸਣਯੋਗ ਹੈ ਕਿ 20 ਸਾਲ ਦੀ ਉਮਰ 'ਚ ਜੁਨੈਦ ਤੇ ਸੋਨਮ ਦੀ ਮੁਲਾਕਾਤ ਐੱਚ. ਆਰ. ਕਾਲਜ 'ਚ ਹੋਈ ਸੀ। ਇਸ ਤੋਂ ਬਾਅਦ ਦੋਵਾਂ ਨੇ ਮੀਡੀਆ ਸਟੱਡੀ 'ਚ ਇਕੱਠਿਆਂ ਐੱਮ. ਬੀ. ਏ. ਕੀਤੀ ਹੈ। ਸੋਨਮ, ਜੁਨੈਦ ਦੇ ਪਰਿਵਾਰ ਨਾਲ ਵੀ ਮਿਲ ਚੁੱਕੀ ਹੈ।