ਮੁੰਬਈ (ਬਿਊਰੋ)— 16 ਨਵੰਬਰ ਨੂੰ ਐਸ਼ਵਰਿਆ-ਅਭਿਸ਼ੇਕ ਦੀ ਲਾਡਲੀ ਆਰਾਧਿਆ ਦਾ ਜਨਮਦਿਨ ਸੀ। ਬੇਟੀ ਦੇ ਇਸ ਦਿਨ ਨੂੰ ਸਪੈਸ਼ਲ ਬਣਾਉਣ ਲਈ ਅਭਿਸ਼ੇਕ-ਐਸ਼ਵਰਿਆ ਨੇ ਮੁੰਬਈ ਦੇ ਇਕ ਹੋਟਲ 'ਚ ਬਰਥਡੇ ਪਾਰਟੀ ਦਾ ਆਯੋਜਨ ਕੀਤਾ, ਜਿਸ 'ਚ ਪਰਿਵਾਰ ਦੇ ਸਭ ਲੋਕ ਮੌਜੂਦ ਸਨ।
ਪਾਰਟੀ 'ਚ ਜਾਂਦੇ ਸਮੇਂ ਆਰਾਧਿਆ ਆਪਣੇ ਮੰਮੀ-ਪਾਪਾ ਨਾਲ ਕੈਮਰੇ 'ਚ ਕੈਦ ਹੋਈ ਜਿਸ ਦੌਰਾਨ ਉਹ ਕੈਮਰੇ ਸਾਹਮਣੇ ਮਸਤੀ ਕਰਦੀ ਦਿਖੀ। ਉਸਦੇ ਇਸ ਚੁੱਲਬੁਲੇ ਅੰਦਾਜ਼ ਦੇ ਫੈਨਜ਼ ਅਕਸਰ ਦੀਵਾਨੇ ਹੋ ਜਾਂਦੇ ਹਨ।
ਇਸ ਦੌਰਾਨ ਪਿੰਕ ਕਲਰ ਦੀ ਡਰੈੱਸ 'ਚ ਉਹ ਸੁਪਰ ਕਿਊਟ ਲੱਗ ਰਹੀ ਸੀ। ਸਿਰ 'ਤੇ ਉਸਨੇ ਪਿੰਕ ਕਲਰ ਦਾ ਬੋ ਪਹਿਣਿਆ ਹੋਇਆ ਸੀ। ਛੋਟੀ ਜਿਹੀ ਆਰਾਧਿਆ ਨੂੰ ਬਚਪਨ ਤੋਂ ਹੀ ਬੋ ਪਹਿਣਨ ਦਾ ਕਾਫੀ ਸ਼ੌਕ ਹੈ।
ਇਸ ਮੌਕੇ ਅਭਿਸ਼ੇਕ ਅਤੇ ਐਸ਼ਵਰਿਆ ਕੈਜ਼ੁਅਲ ਲੁੱਕ 'ਚ ਨਜ਼ਰ ਆਏ। ਅਭਿਸ਼ੇਕ ਨੇ ਬਲੈਕ ਪ੍ਰਿੰਟ ਦੀ ਸਵੈਟਸ਼ਰਟ ਪਹਿਣੀ ਹੋਈ ਸੀ, ਉੱਥੇ ਹੀ ਐਸ਼ਵਰਿਆ ਨੇ ਬਲੂ ਕਲਰ ਦੀ ਡਰੈੱਸ ਪਹਿਣੇ ਨਜ਼ਰ ਆਈ।
ਬਿੱਗ ਨੇ ਆਰਾਧਿਆ ਨੂੰ ਜਨਮਦਿਨ ਦੀ ਵਿਸ਼ ਕਰਦੇ ਹੋਏ ਆਪਣੇ ਟਵਿਟਰ ਅਕਾਊਂਟ 'ਤੇ ਉਸਦੀ ਇਕ ਤਸਵੀਰ ਸ਼ੇਅਰ ਕੀਤੀ ਸੀ ਜਿਸ 'ਚ ਉਹ ਬੇਹੱਦ ਕਿਊਟ ਦਿਖਾਈ ਦੇ ਰਹੀ ਸੀ।
