ਮੁੰਬਈ(ਬਿਊਰੋ)— ਬਾਲੀਵੁੱਡ ਤੇ ਟੀ. ਵੀ. ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਨਰਿੰਦਰ ਝਾਅ ਦਾ 55 ਸਾਲ ਦੀ ਉਮਰ 'ਚ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ। ਦਰਜਨਾਂ ਫਿਲਮਾਂ ਤੇ 20 ਤੋਂ ਜ਼ਿਆਦਾ ਟੀ. ਵੀ. ਸ਼ੋਅਜ਼ 'ਚ ਕੰਮ ਕਰ ਚੁੱਕੇ ਨਰਿੰਦਰ ਨੇ ਆਪਣੇ ਬਲਬੂਤੇ 'ਤੇ ਫਿਲਮ ਇੰਡਸਟਰੀ 'ਚ ਕਾਮਯਾਬੀ ਹਾਸਲ ਕੀਤੀ ਸੀ। ਉਨ੍ਹਾਂ ਨੇ ਸ਼ਾਹਰੁਖ ਖਾਨ, ਸਲਮਾਨ ਖਾਨ ਵਰਗੇ ਵੱਡੇ ਸਿਤਾਰਿਆਂ ਨਾਲ ਸਕ੍ਰੀਨ ਸ਼ੇਅਰ ਕਰ ਚੁੱਕੇ ਸਨ।
ਕਈ ਬਾਲੀਵੁੱਡ ਤੇ ਟੀ. ਵੀ. ਸਿਤਾਰਿਆਂ ਨੇ ਉਨ੍ਹਾਂ ਦੀ ਮੌਤ 'ਤੇ ਦੁੱਖ ਜ਼ਾਹਰ ਕੀਤਾ ਹੈ। 3 ਸਾਲ ਪਹਿਲਾਂ ਕਰਵਾਇਆ ਸੀ ਵਿਆਹ 3 ਸਾਲ ਪਹਿਲਾਂ ਹੀ ਨਰਿੰਦਰ ਨੇ ਸੈਂਸਰ ਬੋਰਡ ਦੀ ਸਾਬਕਾ ਸੀ. ਈ. ਓ. ਪੰਕਜਾ ਠਾਕੁਰ ਨਾਲ ਵਿਆਹ ਕਰਵਾਇਆ ਸੀ। 11 ਮਈ 2015 ਨੂੰ ਦੋਵਾਂ ਨੇ ਨਾਸਿਕ 'ਚ ਗੁਪਤ ਵਿਆਹ ਕਰਵਾਇਆ ਸੀ। ਦੱਸ ਦੇਈਏ ਕਿ ਇਹ ਪੰਕਜਾ ਦਾ ਦੂਜਾ ਵਿਆ ਹੈ। ਪਹਿਲੇ ਪਤੀ ਤੋਂ ਉਸ ਦੀ ਇਕ ਬੇਟੀ ਵੀ ਹੈ। ਇੰਟਰਵਿਊ ਦੌਰਾਨ ਨਰਿੰਦਰ ਨੇ ਖੋਲ੍ਹੇ ਸੀ ਰਿਲੇਸ਼ਨ ਦੇ ਕਈ ਕਿੱਸੇ ਇਕ ਇੰਟਰਵਿਊ ਦੌਰਾਨ ਨਰਿੰਦਰ ਨੇ ਦੱਸਿਆ ਸੀ ਕਿ, ''ਮੈਂ ਪੰਕਜਾ ਨੂੰ ਉਦੋਂ ਤੋਂ ਜਾਣਦਾ ਸੀ, ਜਦੋਂ ਅਸੀਂ ਦਿੱਲੀ 'ਚ ਸੀ। ਮੈਂ ਉਸ ਨਾਲ ਸਾਲ 2007 'ਚ ਮਿਲਿਆ ਸੀ। ਸਾਲ 2009 'ਚ ਮੈਂ ਉਸ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਸੀ। ਪੰਕਜਾ ਨੂੰ ਮੇਰਾ ਪ੍ਰਪੋਜਸ ਸਵੀਕਾਰ ਕਰਨ 'ਚ 1 ਸਾਲ ਲੱਗਾ ਸੀ।
ਪੰਕਜਾ ਨੇ ਸਾਲ 2010 'ਚ ਮੁੜ ਵਿਆਹ ਕਰਵਾਉਣ ਦਾ ਮਨ ਬਣਾਇਆ ਪਰ ਮੇਰੇ ਤੋਂ ਸਮਾਂ ਮੰਗਿਆ ਸੀ। ਉਸ ਦੇ ਪਹਿਲੇ ਪਤੀ ਦੀ ਇਕ ਬੇਟੀ ਵੀ ਹੈ ਤੇ ਉਹ ਨਹੀਂ ਚਾਹੁੰਦੀ ਸੀ ਕਿ ਕੋਈ ਮੇਰੀ ਜ਼ਿੰਦਗੀ 'ਚ ਆ ਕੇ ਮੈਨੂੰ ਪਰੇਸ਼ਾਨ ਕਰੇ।'' ਨਰਿੰਦਰ ਸੀ ਕਾਫੀ ਮਸ਼ਹੂਰ ਕਲਾਕਾਰ ਨਰਿੰਦਰ ਝਆ ਨੇ ਬਾਲੀਵੁੱਡ ਦੇ ਕਈ ਵੱਡੇ ਸਿਤਾਰਿਆਂ ਨਾਲ ਕੰਮ ਕੀਤਾ। ਉਨ੍ਹਾਂ ਨੇ ਸ਼ਾਹਿਦ ਕਪੂਰ ਦੀ 'ਹੈਦਰ', ਸ਼ਾਹਰੁਖ ਖਾਨ ਦੀ 'ਰਈਸ', ਸੰਨੀ ਦਿਓਲ ਦੀ 'ਘਾਇਲ ਵਨਸ ਅਗੇਨ', ਰਿਤਿਕ ਰੌਸ਼ਨ ਦੀ 'ਕਾਬਿਲ' ਤੋਂ ਇਲਾਵਾ 'ਹਮਾਰੀ ਅਧੂਰੀ ਕਹਾਣੀ', 'ਫੋਰਸ 2' ਸਮੇਤ ਕਾਫੀ ਫਿਲਮਾਂ 'ਚ ਕੰਮ ਕੀਤਾ ਸੀ। ਦੱਸ ਦੇਈਏ ਕਿ ਨਰਿੰਦਰ ਝਆ ਸਲਮਾਨ ਖਾਨ ਤੇ ਬੌਬੀ ਦਿਓਲ ਦੀ ਸਟਾਰਰ ਫਿਲਮ 'ਰੇਸ 3' 'ਚ ਵੀ ਕੰਮ ਕਰ ਰਹੇ ਸਨ। ਸਾਲ 1992 'ਚ ਕੀਤੀ ਸੀ ਕਰੀਅਰ ਦੀ ਸ਼ੁਰੂਆਤ ਨਰਿੰਦਰ ਝਆ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਸਾਲ 1992 'ਚ ਕੀਤੀ ਸੀ। ਦਿੱਲੀ 'ਚ ਐਕਟਿੰਗ ਕੋਰਸ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਮੁੰਬਈ ਵੱਲ ਰੁਖ ਕਰ ਲਿਆ। ਮਾਇਆ ਨਗਰੀ 'ਚ ਉਨ੍ਹਾਂ ਨੇ ਮਾਡਲਿੰਗ ਨਾਲ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਕਈ ਵਿਗਿਆਪਨਾਂ 'ਚ ਕੰਮ ਕੀਤਾ ਤੇ ਉਹ ਵਿਗਿਆਪਨਾਂ ਦਾ ਮਸ਼ਹੂਰ ਚਿਹਰਾ ਬਣ ਗਏ।