ਮੁੰਬਈ(ਬਿਊਰੋ)— ਅੱਜ ਬਾਲੀਵੁੱਡ ਦੀ ਖੂਬਸੂਰਤ ਅਦਾਕਾਰਾ ਤੇ ਸਾਬਕਾ ਮਿਸ ਵਰਲਡ ਐਸ਼ਵਰਿਆ ਰਾਏ ਬੱਚਨ ਦਾ ਅੱਜ 44ਵਾਂ ਜਨਮਦਿਨ ਹੈ।
ਕਹਿੰਦੇ ਹਨ ਕਿ ਹਰ ਵਿਅਕਤੀ ਦਾ ਆਪਣਾ ਇੱਕ ਹਮਸ਼ਕਲ ਹੁੰਦਾ ਹੈ।
ਫਿਰ ਉਹ ਭਾਵੇਂ ਜੌੜਾ ਹੋਵੇ ਜਾਂ ਫਿਰ ਰਲਦੇ-ਮਿਲਦੇ ਚਿਹਰ।
ਇਹ ਗੱਲ ਲਾਗੂ ਹੁੰਦੀ ਹੈ ਵਿਸ਼ਵ ਸੁੰਦਰੀ ਤੇ ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ 'ਤੇ।
ਐਸ਼ਵਰਿਆ ਰਾਏ ਬੱਚਨ ਕਿਸੇ ਜਾਣ-ਪਛਾਣ ਦੀ ਮੋਹਤਾਜ਼ ਨਹੀਂ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਉਸ ਦੀ ਇੱਕ ਹਮਸ਼ਕਲ ਵੀ ਹੈ।
ਆਓ ਉਸ ਦੀ ਜਾਣ-ਪਛਾਣ ਤੁਹਾਨੂੰ ਕਰਵਾ ਦਿੰਦੇ ਹਾਂ।
ਜੀ ਹਾਂ, ਅਸੀਂ ਤੁਹਾਨੂੰ ਮਿਲਾਉਣ ਜਾ ਰਹੇ ਹਾਂ ਇਰਾਨੀ ਮਾਡਲ ਮਹਿਲਾਘਾ ਜ਼ਬੇਰੀ ਨਾਲ।
ਮਹਿਲਾਘਾ ਜ਼ਬੇਰੀ ਬਿਲਕੁਲ ਐਸ਼ਵਰਿਆ ਦੀ ਹਮਸ਼ਕਲ ਹੈ।
ਅਸੀਂ ਤੁਹਾਨੂੰ ਵਿਖਾ ਰਹੇ ਹਾਂ ਉਸ ਦੀਆਂ ਕੁਝ ਤਸਵੀਰਾਂ ਤੇ ਦੇ ਰਹੇ ਹਾਂ ਉਸ ਬਾਰੇ ਸੰਖੇਪ ਜਾਣਕਾਰੀ।
ਜੇਕਰ ਤੁਸੀਂ ਧਿਆਨ ਨਾਲ ਵੇਖੋਗੇ ਤਾਂ ਮਹਿਲਾਘਾ ਜ਼ਬੇਰੀ ਤੇ ਐਸ਼ਵਰਿਆ ਰਾਏ ਬੱਚਨ ਦੀਆਂ ਅੱਖਾਂ ਤੇ ਚਿਹਰਾ ਇੱਕਦਮ ਰਲਦਾ-ਮਿਲਦਾ ਹੈ।
ਜ਼ਬੇਰੀ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਕਈ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹੋਈਆਂ ਹਨ।
ਜ਼ਿਕਰਯੋਗ ਹੈ ਕਿ ਇੰਸਟਾਗ੍ਰਾਮ 'ਤੇ ਉਸ ਦੇ 2.3 ਮਿਲੀਅਨ ਫਾਲੋਅਰਜ਼ ਹਨ।
ਮਹਿਲਾਘਾ ਜ਼ਬੇਰੀ ਨੇ ਆਪਣੇ ਕਈ ਫੋਟੋਸ਼ੂਟ ਦੀਆਂ ਤਸਵੀਰਾਂ ਇੰਸਟਾਗ੍ਰਾਮ 'ਤੇ ਪਾਈਆਂ ਹੋਈਆਂ ਹਨ, ਜਿਨ੍ਹਾਂ ਵਿੱਚ ਉਹ ਬਿਲਕੁਲ ਐਸ਼ਵਰਿਆ ਰਾਏ ਬੱਚਨ ਵਰਗੀ ਦਿੱਸ ਰਹੀ ਹੈ।
ਮਹਿਲਾਘਾ ਜ਼ਬੇਰੀ ਇਰਾਨ ਵਿੱਚ ਪੈਦਾ ਹੋਈ ਸੀ ਪਰ ਫਿਲਹਾਲ ਉਹ ਅਮਰੀਕਾ ਦੇ ਸੈਨ ਡਿਐਗੋ ਨਾਲ ਸਬੰਧ ਰੱਖਦੀ ਹੈ।
ਮਹਿਲਾਘਾ ਨੇ ਗਣਿਤ ਤੇ ਭੌਤਿਕ ਵਿਗਿਆਨ ਦੀ ਪੜ੍ਹਾਈ ਕੀਤੀ ਹੋਈ ਹੈ। ਅੱਜ ਉਹ ਇੱਕ ਸਫਲ ਮਾਡਲ ਹੈ।