ਮੁੰਬਈ(ਬਿਊਰੋ)— ਬੀਤੇ ਦਿਨੀਂ ਮੁੰਬਈ 'ਚ 'ਨਾਇਕਾ ਫੈਮੀਨਾ ਬਿਊਟੀ ਐਵਾਰਡ' ਦਾ ਆਯੋਜਨ ਕੀਤਾ ਗਿਆ।
ਐਵਾਰਡ ਫੰਕਸ਼ਨ ਦੇ ਰੈੱਡ ਕਾਰਪੇਟ 'ਤੇ ਜਿਸ ਸਟਾਈਲ 'ਚ ਐਸ਼ਵਰਿਆ ਰਾਏ ਬੱਚਨ ਨੇ ਕਦਮ ਰੱਖਿਆ, ਉਹ ਬੇਹੱਦ ਕਾਤਿਲਾਨਾ ਸੀ।
ਉਸ ਦੌਰਾਨ ਸਾਰਿਆਂ ਦੀਆਂ ਨਜ਼ਰਾਂ ਉਨ੍ਹਾਂ 'ਤੇ ਹੀ ਟਿੱਕ ਗਈਆਂ। ਐਸ਼ਵਰਿਆ ਦੀਆਂ ਅਦਾਵਾਂ ਪੂਰੀ ਮਹਿਫਿਲ ਲੁੱਟ ਕੇ ਲੈ ਗਈਆਂ।
ਇਸ ਮੌਕੇ ਐਸ਼ਵਰਿਆ ਰਾਏ ਬਲੈਕ ਤੇ ਆਫ ਵਾਈਟ ਦੇ ਸਟਾਈਲਿਸ਼ ਗਾਊਨ 'ਚ ਨਜ਼ਰ ਆਈ। ਉਨ੍ਹਾਂ ਨੇ ਫੋਟੋਗਰਾਫਰਜ਼ ਸਾਹਮਣੇ ਵੱਖ-ਵੱਖ ਅੰਦਾਜ਼ 'ਚ ਪੋਜ਼ ਵੀ ਦਿੱਤੇ।
ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਤੋਂ ਇਲਾਵਾ ਇਸ ਐਵਾਰਡ ਫੰਕਸ਼ਨ 'ਚ ਰੇਖਾ ਗੋਲਡਨ ਸਾੜ੍ਹੀ 'ਚ ਨਜ਼ਰ ਆਈ। ਐਸ਼ਵਰਿਆ-ਰੇਖਾ ਤੋਂ ਇਲਾਵਾ ਮਲਾਇਕਾ ਅਰੋੜਾ, ਪੂਜਾ ਹੇਂਗੜੇ, 'ਅਦਿਤੀ ਰਾਓ ਹੈਦਰੀ, 'ਤਾਰਾ ਸ਼ਰਮਾ, ਦਿਸ਼ਾ ਪਟਾਨੀ, ਪੂਜਾ ਚੋਪੜਾ, ਐਵਲੀਨ ਸ਼ਰਮਾ, ਕਿਆਰਾ ਅਡਵਾਨੀ, ਨੁਸਰਤ ਭਰੂਚਾ, ਅਦਾ ਸ਼ਰਮਾ, ਸੁਰਵੀਨ ਚਾਵਲਾ, ਤਨਿਸ਼ਾ ਮੁਖਰਜੀ, ਸ਼ਿਬਾਨੀ ਡਾਂਡੇਕਰ ਤੋਂ ਇਲਾਵਾ ਅਰਜੁਨ ਕਪੂਰ, ਕਾਰਤਿਕ ਆਰੀਅਨ, ਅਕਸ਼ੈ ਓਬਰਾਏ, ਮਸਾਬਾ ਗੁਪਤਾ ਆਦਿ ਸੈਲੇਬਸ ਨਜ਼ਰ ਆਏ।