ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਸਭ ਤੋਂ ਖੂਬਸੂਰਤ ਤੇ ਸਭ ਦੇ ਦਿਲਾਂ 'ਤੇ ਰਾਜ਼ ਕਰਨ ਵਾਲੀ ਐਸ਼ਵਰਿਆ ਰਾਏ, ਹੁਣ ਬੱਚਨ ਪਰਿਵਾਰ ਦੀ ਨੂੰਹ ਹੈ ਤੇ ਅਭਿਸ਼ੇਕ ਬੱਚਨ ਨਾਲ ਵਿਆਹ ਤੋਂ ਬਾਅਦ ਉਨ੍ਹਾਂ ਦੀ ਇਕ ਬੇਟੀ ਵੀ ਹੈ, ਜਿਸ ਦਾ ਨਾਂ ਹੈ ਅਰਾਧਿਆ। ਉਹ ਇਸ ਸਮੇਂ ਖੁਸ਼ਹਾਲ ਵਿਆਹੁਤਾ ਜ਼ਿੰਦਗੀ ਬਿਤਾ ਰਹੀ ਹੈ। ਵਿਆਹ ਤੋਂ ਪਹਿਲਾਂ ਐਸ਼ਵਰਿਆ ਰਾਏ ਦਾ ਸਲਮਾਨ ਖਾਨ ਨਾਲ ਲਵ ਅਫੇਅਰ ਤਾਂ ਸਾਰਿਆ ਨੂੰ ਹੀ ਪਤਾ ਹੈ।
ਉਨ੍ਹਾਂ ਦੇ ਸੰਬੰਧ ਨੂੰ ਲੈ ਕੇ ਕਈ ਖਬਰਾਂ ਸੁਣਨ 'ਚ ਆਈਆਂ ਸਨ। ਇਸ ਤੋਂ ਬਾਅਦ ਐਸ਼ਵਰਿਆ ਰਾਏ ਦਾ ਵਿਵੇਕ ਓਬਰਾਏ ਨਾਲ ਅਫੇਅਰ ਰਿਹਾ।
ਹਾਲਾਂਕਿ ਇਸ ਨੂੰ ਐਸ਼ ਨੇ ਕਦੇ ਖੁੱਲ੍ਹ ਕੇ ਸਵੀਕਾਰ ਨਹੀਂ ਕੀਤਾ ਤੇ ਆਖੀਰ 'ਚ ਐਸ਼ਵਰਿਆ ਨੂੰ ਅਭਿਸ਼ੇਕ ਬੱਚਨ ਨਾਲ ਪਿਆਰ ਹੋ ਗਿਆ ਤੇ ਫਿਰ ਉਨ੍ਹਾਂ ਨੇ ਉਨ੍ਹਾਂ ਨਾਲ ਵਿਆਹ ਕਰ ਲਿਆ ਪਰ ਘੱਟ ਹੀ ਲੋਕ ਜਾਣਦੇ ਹਨ ਕਿ ਕਰੀਅਰ ਦੇ ਸ਼ੁਰੂਆਤ ਦੌਰ 'ਚ ਮਸ਼ਹੂਰ ਮਾਡਲ ਰਾਜੀਵ ਮੂਲਚੰਦਾਨੀ ਉਨ੍ਹਾਂ ਦੀ ਜ਼ਿੰਦਗੀ 'ਚ ਪਿਆਰ ਬਣ ਕੇ ਆਏ ਸਨ ਪਰ 1994 'ਚ ਐਸ਼ਵਰਿਆ ਰਾਏ ਮਿਸ ਵਰਲਡ ਬਣੀ ਤੇ ਉਨ੍ਹਾਂ ਕੋਲ੍ਹ ਫਿਲਮਾਂ ਦੇ ਕਈ ਆਫਰ ਆਉਣੇ ਸ਼ੁਰੂ ਹੋ ਗਏ।
ਰਾਜੀਵ-ਐਸ਼ ਦੇ ਅਫੇਅਰ ਦੇ ਚਰਚੇ ਉਸ ਸਮੇਂ ਕਾਫੀ ਸੁਰਖੀਆਂ 'ਚ ਸਨ। ਪਰ ਐਸ਼ਵਰਿਆ ਵੀ ਮਾਡਲਿੰਗ ਤੋਂ ਵੱਧ ਫਿਲਮਾਂ 'ਚ ਕੰਮ ਕਰਨ ਨੂੰ ਲੈ ਕੇ ਉਤਸ਼ਾਹਿਤ ਸੀ।
ਅਜਿਹਾ ਕਿਹਾ ਜਾਂਦਾ ਹੈ ਕਿ ਐਸ਼ਵਰਿਆ ਰਾਏ ਨੇ ਫਿਰ ਰਾਜੀਵ ਨੂੰ ਛੱਡ ਦਿੱਤਾ। ਉਂਝ ਸਿਰਫ ਐਸ਼ਵਰਿਆ ਰਾਏ ਨੇ ਹੀ ਨਹੀਂ, ਬਲਕਿ ਇਕ ਹੋਰ ਖੂਬਸੂਰਤ ਅਦਾਕਾਰਾ ਨੇ ਰਾਜੀਵ ਦਾ ਦਿਲ ਤੋੜਿਆ ਸੀ ਤੇ ਉਹ ਅਦਾਕਾਰਾ ਸੀ ਮਨੀਸ਼ਾ ਕੋਈਰਾਲਾ।
