ਮੁੰਬਈ(ਬਿਊਰੋ)— ਸਾਲ 2004 'ਚ ਰਿਲੀਜ਼ ਹੋਈ ਫਿਲਮ 'ਇਤਰਾਜ਼' ਦਾ ਸੀਕਵਲ ਬਣਾਉਣਾ ਲਗਭਗ ਤੈਅ ਹੈ। ਫਿਲਮਕਾਰ ਸੁਭਾਸ਼ ਘਈ ਨੇ ਖੁਦ ਇਸ ਦਾ ਐਲਾਨ ਕੀਤਾ ਹੈ। ਅਕਸ਼ੈ ਕੁਮਾਰ, ਪ੍ਰਿਯੰਕਾ ਚੋਪੜਾ ਤੇ ਕਰੀਨਾ ਕਪੂਰ ਸਟਾਰਰ ਇਹ ਫਿਲਮ ਕਾਫੀ ਬੋਲਡ ਮੁੱਦੇ 'ਤੇ ਬਣੀ ਸੀ। ਫਿਲਮ 'ਚ ਪ੍ਰਿਯੰਕਾ 'ਸੋਨੀਆ ਰਾਏ' ਦੇ ਨੈਗੇਟਿਵ ਕਿਰਦਾਰ 'ਚ ਨਜ਼ਰ ਆਈ ਸੀ, ਜਿਸ ਨਾਲ ਉਨ੍ਹਾਂ ਨੂੰ ਕਾਫੀ ਵਾਹਾਵਾਹੀ ਮਿਲੀ ਸੀ। ਖਬਰਾਂ ਦੀ ਮੰਨੀਏ ਤਾਂ ਸੁਭਾਸ਼ ਘਈ ਕੋਲ੍ਹ ਇਸ ਫਿਲਮ ਦੀ ਸਕ੍ਰੀਪਟ ਪਿਛਲੇ ਦੋ ਸਾਲ ਤੋਂ ਪਈ ਸੀ ਪਰ ਹੁਣ ਇਸ ਫਿਲਮ ਦਾ ਫਾਈਨਲ ਡ੍ਰਾਫਟ ਤਿਆਰ ਹੈ।
ਖਬਰਾਂ ਦੀ ਮੰਨੀਏ ਤਾਂ ਸੁਭਾਸ਼ ਘਈ ਨੇ ਪ੍ਰਿਯੰਕਾ ਨੂੰ ਇਸ ਫਿਲਮ ਨੂੰ ਸਾਈਨ ਕਰਨ ਦਾ ਮਨ ਬਣਾ ਲਿਆ ਹੈ। ਪ੍ਰਿਯੰਕਾ ਵੀ ਇਸ ਸੀਕਵਲ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ। ਫਿਲਹਾਲ ਆਪਣੇ ਹਾਲੀਵੁੱਡ ਪ੍ਰੋਜੈਕਟਸ 'ਚ ਬਿਜ਼ੀ ਪ੍ਰਿਯੰਕਾ ਅੱਜਕਲ 'ਕਵਾਂਟਿਕੋ' ਸੀਜ਼ਨ 3 ਨੂੰ ਸ਼ੂਟ ਕਰ ਰਹੀ ਹੈ, ਤਾਂ ਉੱਥੇ ਦੂਜੇ ਪਾਸੇ ਉਹ ਫਿਲਮ 'ਏ ਕਿੱਡ ਲਾਈਕ ਜੈਕ' 'ਚ ਨਜ਼ਰ ਆਵੇਗੀ। ਫਿਲਮ 'ਇਤਰਾਜ਼' ਦੀ ਸ਼ੂਟਿੰਗ ਦੌਰਾਨ ਅਕਸ਼ੈ ਕੁਮਾਰ ਤੇ ਪ੍ਰਿਯੰਕਾ ਚੋਪੜਾ ਦੇ ਅਫੇਅਰ ਦੀਆਂ ਖਬਰਾਂ ਮੀਡੀਆ 'ਚ ਕਾਫੀ ਗਰਮ ਸਨ।
ਖਬਰਾਂ 'ਚ ਇਨ੍ਹਾਂ ਦੇ ਪਿਆਰ ਦੇ ਕਿੱਸੇ ਤਾਂ ਕਾਫੀ ਛਪੇ ਪਰ ਇਨ੍ਹਾਂ ਦੋਹਾਂ ਨੇ ਆਪਣੇ ਪਿਆਰ ਨੂੰ ਕਦੇ ਸਵੀਕਾਰ ਨਹੀਂ ਕੀਤਾ। ਇਸ ਦਾ ਕਾਰਨ ਇਹ ਸੀ ਕਿ ਅਕਸ਼ੈ ਕੁਮਾਰ ਪਹਿਲਾਂ ਤੋਂ ਹੀ ਵਿਆਹੁਤਾ ਸਨ। ਪ੍ਰਿਯੰਕਾ ਤੋਂ ਖੁਦ ਨੂੰ ਦੂਰ ਰੱਖਣਾ ਅਕਸ਼ੈ ਲਈ ਕਾਫੀ ਔਖਾ ਸੀ। ਇਕ ਖਬਰ ਮੁਤਾਬਕ ਜਦੋਂ ਟਵਿੰਕਲ ਨੇ ਆਪਣੇ ਪਤੀ ਦੇ ਅਫੇਅਰ ਦਾ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਅਕਸ਼ੈ ਨੂੰ ਤਲਾਕ ਦੇਣ ਦੀ ਧਮਕੀ ਦਿੱਤੀ ਸੀ।
ਬਾਲੀਵੁੱਡ ਦੇ ਇਸ ਕੱਪਲ ਨੇ ਇਨ੍ਹਾਂ ਖਬਰਾਂ ਨੂੰ ਝੂਠਾ ਦੱਸਿਆ ਸੀ। ਖਬਰਾਂ ਇਹ ਵੀ ਸਨ ਕਿ ਵਿਆਹ ਦੇ ਟੁੱਟਣ ਦੇ ਡਰ ਕਾਰਨ ਅਕਸ਼ੈ ਨੇ ਪ੍ਰਿਯੰਕਾ ਤੋਂ ਦੂਰੀ ਬਣਾ ਲਈ ਸੀ। ਬਾਅਦ 'ਚ ਟਵਿੰਕਲ ਨੇ ਇਸ ਸ਼ਰਤ 'ਤੇ ਉਨ੍ਹਾਂ ਦੀ ਜ਼ਿੰਦਗੀ 'ਚ ਵਾਪਸੀ ਕੀਤੀ ਸੀ ਕਿ ਉਹ ਪ੍ਰਿਯੰਕਾ ਨਾਲ ਫਿਲਮਾਂ ਨਹੀਂ ਕਰਨਗੇ। ਸਾਲ 2005 'ਚ ਆਈ ਫਿਲਮ 'ਵਕਤ' 'ਚ ਆਖਰੀ ਵਾਰ ਇੱਕਠੇ ਦਿਖੇ ਸਨ ਤੇ ਇਸ ਗੱਲ ਨੂੰ ਲਗਭਗ 13 ਸਾਲ ਹੋ ਗਏ ਹਨ। ਜੇਕਰ ਦੋਵੇਂ ਇੱਕਠੇ ਇਸ ਸੀਕਵਲ 'ਚ ਕੰਮ ਕਰਦੇ ਹਨ ਤਾਂ ਦਰਸ਼ਕਾਂ ਲਈ ਇਨ੍ਹਾਂ ਨੂੰ ਇੱਕਠੇ ਦੇਖਣਾ ਕਿਸੇ ਸੁਪਨੇ ਤੋਂ ਘੱਟ ਨਹੀਂ ਹੋਵੇਗਾ।