ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਆਲੀਆ ਭੱਟ 15 ਮਾਰਚ ਨੂੰ 25 ਸਾਲ ਦੀ ਹੋ ਗਈ ਹੈ। ਉਹ ਜਲਦ ਹੀ ਆਪਣੀ ਆਉਣ ਵਾਲੀ ਫਿਲਮ 'ਰਾਜ਼ੀ' ਅਤੇ 'ਡ੍ਰੈਗਨ' 'ਚ ਨਜ਼ਰ ਆਉਣ ਵਾਲੀ ਹੈ।
ਬਹੁਤ ਘੱਟ ਲੋਕ ਜਾਣਦੇ ਹੋਣਗੇ ਕਿ ਫਿਲਮਾਂ 'ਚ ਆਉਣ ਤੋਂ ਪਹਿਲਾਂ ਆਲੀਆ ਕਾਫੀ ਮੋਟੀ ਸੀ ਅਤੇ ਉਸਦਾ ਭਾਰ ਕਰੀਬ 67 ਕਿਲੋ ਸੀ। ਖਾਸ ਤੌਰ 'ਤੇ ਆਲੀਆ ਨੇ ਆਪਣੀ ਡੈਬਿਊ ਫਿਲਮ 'ਸਟੂਡੈਂਟ ਆਫ ਦਿ ਈਅਰ' (2012) ਲਈ 16 ਕਿਲੋ ਭਾਰ ਘਟਾਇਆ ਸੀ।
ਆਲੀਆ ਬਾਲੀਵੁੱਡ ਦੇ ਮਸ਼ਹੂਰ ਫਿਲਮਕਾਰ ਮਹੇਸ਼ ਭੱਟ ਦੀ ਬੇਟੀ ਹੈ। ਆਲੀਆ ਨੇ 6 ਸਾਲ ਦੀ ਉਮਰ 'ਚ ਹੀ ਫਿਲਮ 'ਸੰਘਰਸ਼' 'ਚ ਪ੍ਰਿਟੀ ਜਿੰਟਾ ਦੇ ਬਚਪਨ ਦਾ ਕਿਰਦਾਰ ਨਿਭਾਇਆ ਸੀ।
'ਸਟੂਡੈਂਟ ਆਫ ਦਿ ਈਅਰ' ਨਾਲ ਧਮਾਕੇਦਾਰ ਡੈਬਿਊ ਕਰਨ ਤੋਂ ਬਾਅਦ ਉਹ 'ਹਾਈਵੇਅ', 'ਕਪੂਰ ਐਂਡ ਸੰਨਜ਼', 'ਉੜਤਾ ਪੰਜਾਬ', 'ਏ ਦਿੱਲ ਹੈ ਮੁਸ਼ਕਿਲ', 'ਬਦਰੀਨਾਥ ਕੀ ਦੁਲਹਨੀਆ' 'ਚ ਕੰਮ ਕਰ ਚੁੱਕੀ ਹੈ।