ਜਲੰਧਰ— ਪੰਜਾਬ ਦੇ 80 ਦੇ ਦਹਾਕੇ ਦੇ ਪ੍ਰਸਿੱਧ ਪੰਜਾਬੀ ਗਾਇਕ ਅਮਰ ਸਿੰਘ ਚਮਕੀਲਾ ਅਤੇ ਉਨ੍ਹਾਂ ਦੀ ਪਤਨੀ ਅਮਰਜੋਤ ਦੀ 1988 ਵਿਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। 8 ਮਾਰਚ ਦੀ ਦੁਪਹਿਰ 2 ਵਜੇ ਚਮਕੀਲਾ ਅਤੇ ਉਨ੍ਹਾਂ ਦੀ ਪਤਨੀ ਪੰਜਾਬ ਦੇ ਜਲੰਧਰ ਸ਼ਹਿਰ ਦੇ ਪਿੰਡ ਮਹਸਾਮਪੁਰ ਵਿਚ ਇਕ ਸਟੇਜ ਸ਼ੋਅ ਲਈ ਪੁੱਜੇ ਸਨ। ਜਿਵੇਂ ਹੀ ਉਹ ਗੱਡੀ ਤੋਂ ਉਤਰੇ ਉਨ੍ਹਾਂ 'ਤੇ ਇਕ ਮੋਟਰਸਾਇਕਲ ਗਰੁੱਪ ਨੇ ਅੰਨੇਵਾਹ ਗੋਲੀਆਂ ਬਰਸਾ ਦਿੱਤੀਆਂ ਸਨ। ਇਸ ਵਿਚ ਚਮਕੀਲਾ ਅਤੇ ਉਨ੍ਹਾਂ ਦੀ ਪਤਨੀ ਅਮਰਜੋਤ ਨਾਲ ਦੋ ਹੋਰ ਲੋਕ ਮਾਰੇ ਗਏ ।
ਦੱਸਣਯੋਗ ਹੈ ਕਿ ਚਮਕੀਲਾ ਅਤੇ ਉਨ੍ਹਾਂ ਦੀ ਪਤਨੀ ਦੇ ਮਰਡਰ ਦੀ ਗੁੱਥੀ ਹੁਣ ਤੱਕ ਨਹੀਂ ਸੁਲਝ ਪਾਈ ਹੈ। ਜਦੋਂ ਅਮਰਜੋਤ ਦੀ ਹੱਤਿਆ ਕੀਤੀ ਗਈ ਉਸ ਸਮੇਂ ਉਹ ਗਰਭਵਤੀ ਸੀ। ਉਥੇ ਹੀ ਗਾਇਕ ਚਮਕੀਲਾ, ਗਿੱਲ ਸੁਰਜੀਤ ਅਤੇ ਢੋਲਕ ਵਜਾਉਣ ਵਾਲੇ ਰਾਜੇ ਦੇ ਸੀਨੇ 'ਤੇ ਵੀ ਕਈ ਗੋਲੀਆਂ ਦਾਗੀ ਗਈਆਂ ਸਨ ।
ਸਿਰਫ਼ 10 ਸਾਲ ਦੇ ਗਾਇਕੀ ਦੇ ਕਰੀਅਰ ਵਿਚ ਚਮਕੀਲਾ ਨਿਡਰ ਹੋ ਕੇ ਸਮਾਜ ਦੀ ਗੱਲ ਕਹਿੰਦੇ ਸਨ। ਇਹੀ ਵਜ੍ਹਾ ਸੀ ਬੇਹੱਦ ਘੱਟ ਸਮੇਂ ਵਿੱਚ ਉਨ੍ਹਾਂਨੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਵਿੱਚ ਇੱਕ ਵੱਖ ਪਹਿਚਾਣ ਬਣਾਈ ਸੀ।ਚਮਕੀਲਾ ਆਪਣੇ ਗੀਤਾਂ ਵਿੱਚ ਉਨ੍ਹਾਂ ਚੀਜਾਂ ਦਾ ਜ਼ਿਕਰ ਕਰਦੇ ਸਨ ਜੋ ਉਨ੍ਹਾਂ ਨੇ ਆਪਣੇ ਆਲੇ-ਦੁਆਲੇ ਅਤੇ ਜੀਵਨ ਵਿਚ ਦੇਖੀ ਸੀ।
ਚਮਕੀਲਾ ਸਮਾਜ 'ਚ ਅਤੇ ਪੰਜਾਬ ਵਿਚ ਫੈਲੇ ਨਸ਼ੇ ਵਰਗੇ ਮੁੱਦਿਅਆਂ ਨੂੰ ਆਪਣੇ ਗੀਤਾਂ ਦੇ ਰਾਹੀ ਚੁੱਕਦੇ ਸਨ। ਇਹੀ ਵਜ੍ਹਾ ਸੀ ਕਿ ਉਨ੍ਹਾਂ ਨੂੰ ਪਸੰਦ ਕਰਨ ਵਾਲੀਆਂ ਦੇ ਨਾਲ–ਨਾਲ ਪਿੱਠ ਪਿੱਛੇ ਉਨ੍ਹਾਂ ਦੀ ਬੁਰਾਈ ਕਰਨ ਵਾਲੀਆਂ ਦੀ ਤਾਦਾਦ ਵੀ ਕਾਫ਼ੀ ਹੋ ਗਈ ਸੀ।
ਚਮਕੀਲਾ ਦਾ ਜਦੋਂ ਕਰੀਅਰ ਸ਼ਿਖਰ 'ਤੇ ਸੀ ਤਾਂ ਉਨ੍ਹਾਂ ਦੇ ਵਲੋਂ ਗਾਏ ਇਨਕਲਾਬੀ ਗੀਤ ਹੀ ਉਨ੍ਹਾਂ ਦੀ ਜਾਨ ਦੇ ਦੁਸ਼ਮਣ ਬਣ ਗਏ। ਇੱਥੇ ਤੱਕ ਕਿ ਉਨ੍ਹਾਂ ਨੂੰ ਅੱਤਵਾਦੀਆਂ ਨੇ ਕਈ ਵਾਰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਵੀ ਦਿੱਤੀਆਂ ਸਨ।