ਮੁੰਬਈ (ਬਿਊਰੋ)— ਵੀਰਵਾਰ ਨੂੰ ਦਿੱਲੀ 'ਚ ਜਵਾਹਰ ਲਾਲ ਨਹਿਰੂ ਸਟੇਡੀਅਮ 'ਚ 'ਐਮਾਜ਼ਾਨ ਇੰਡੀਆ ਫੈਸ਼ਨ ਵੀਕ' (AIFW 2018) ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ ਸੀ ਜਿਸ 'ਚ ਕਈ ਬਾਲੀਵੁੱਡ ਸਟਾਰਜ਼ ਨੇ ਸ਼ਿਰਕਤ ਕੀਤੀ।
ਇਸ ਦੌਰਾਨ ਰੈਂਪ 'ਤੇ ਬਿਪਾਸ਼ਾ ਬਾਸੂ ਰੈੱਡ ਕਲਰ ਦੀ ਡਰੈੱਸ ਪਹਿਨ ਬੇਹੱਦ ਖੂਬਸੂਰਤ ਦਿਖਾਈ ਦਿੱਤੀ। ਇਸ ਫੈਸ਼ਨ ਵੀਕ 'ਚ ਬਿਪਾਸ਼ਾ, ਡਿਜ਼ਾਈਨਰ ਕਰਿਸ਼ਮਾ ਅਤੇ ਦੀਪਾ ਸੋਂਧੀ ਦੀ ਸਮਰ ਕਲੈਕਸ਼ਨ ਲਈ ਸ਼ੋਅ ਸਟਾਪਰ ਰਹੀ।
ਉੱਥੇ ਹੀ ਡਾਇਨਾ ਪੇਂਟੀ ਰੈਂਪ 'ਤੇ ਹੁਸਨ ਦੇ ਜਲਵੇ ਬਿਖੇਰਦੀ ਦਿਖਾਈ ਦਿੱਤੀ। ਡਾਇਨਾ, ਡਿਜ਼ਾਈਨਰ ਸ਼ਿਆਮਲ ਅਤੇ ਭੂਮਿਕਾ ਵਲੋਂ ਡਿਜ਼ਾਈਨ ਕੀਤੀ ਗਈ ਡਰੈੱਸ 'ਚ ਕਾਫੀ ਗਲੈਮਰਸ ਨਜ਼ਰ ਆ ਰਹੀ ਸੀ।
ਵਾਣੀ ਕਪੂਰ ਡਿਜ਼ਾਈਨਰ ਆਸ਼ੀਸ਼ ਐੱਨ ਸੋਨੀ, ਗੌਰੀ ਅਤੇ ਨਾਇਕਾ ਵਲੋਂ ਡਿਜ਼ਾਈਨ ਕੀਤੀ ਡਰੈੱਸ 'ਚ ਰੈਂਪਵਾਕ ਕਰਦੀ ਦਿਖਾਈ ਦਿੱਤੀ।
ਫਿਲਮ 'ਸੋਨੂੰ ਕੇ ਟੀਟੂ ਕੀ ਸਵੀਟੀ' ਦੇ ਅਭਿਨੇਤਾ ਕਾਰਤਿਕ ਆਰਯਨ ਇਸ ਦੌਰਾਨ ਰੈਂਪਵਾਕ ਕਰਦੇ ਦਿਖਾਈ ਦਿੱਤੇ।