ਮੁੰਬਈ— 'ਬਿੱਗ ਬੌਸ 5' ਦੀ ਪ੍ਰਤੀਯੋਗੀ ਰਹਿ ਚੁੱਕੀ ਅਦਾਕਾਰਾ ਮਹਿਕ ਚਾਹਲ ਬਾਲੀਵੁੱਡ ਦੀ ਹੌਟ ਅਦਾਕਾਰਾ ਅਮੀਸ਼ਾ ਪਟੇਲ ਦੀ ਭਾਬੀ ਬਣਨ ਜਾ ਰਹੀ ਹੈ। ਮਹਿਕ ਨੇ ਅਮੀਸ਼ਾ ਦੇ ਛੋਟੇ ਭਰਾ ਅਭਿਨੇਤਾ ਅਸ਼ਿਮਤ ਪਟੇਲ ਨਾਲ ਮੰਗਣੀ ਕਰ ਲਈ ਹੈ।
ਸੂਤਰਾਂ ਮੁਤਾਬਕ ਮਹਿਕ ਤੇ ਅਸ਼ਿਮਤ ਯੂਰਪ 'ਚ ਛੁੱਟੀਆਂ ਮਨਾ ਰਹੇ ਸਨ। ਉਥੇ ਹੀ ਅਸ਼ਿਮਤ ਨੇ ਰੋਮਾਂਟਿਕ ਅੰਦਾਜ਼ 'ਚ ਮਹਿਕ ਨੂੰ ਰਿੰਗ ਪਾ ਦਿੱਤੀ। ਦੱਸਿਆ ਜਾ ਰਿਹਾ ਹੈ ਕਿ 6 ਮਹੀਨਿਆਂ 'ਚ ਉਨ੍ਹਾਂ ਦਾ ਵਿਆ ਵੀ ਹੋ ਜਾਵੇਗਾ।
ਅਸ਼ਿਮਤ ਤੇ ਮਹਿਕ ਪਿਛਲੇ 12 ਸਾਲਾਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਸਨ। ਹਾਲਾਂਕਿ ਉਨ੍ਹਾਂ ਦਾ ਪਿਆਰ ਲਾਈਮਲਾਈਟ 'ਚ ਪਹਿਲੀ ਵਾਰ ਸਾਲ 2015 'ਚ ਰਿਐਲਿਟੀ ਸ਼ੋਅ 'ਪਾਵਰ ਕਪਲ' ਦੌਰਾਨ ਆਇਆ।
ਦਿਲਚਸਪ ਗੱਲ ਇਹ ਹੈ ਕਿ ਦੋਵੇਂ 'ਬਿੱਗ ਬੌਸ' ਦੇ ਪ੍ਰਤੀਭਾਗੀ ਰਹਿ ਚੁੱਕੇ ਹਨ।
ਅਸ਼ਿਮਤ 'ਬਿੱਗ ਬੌਸ 4' 'ਚ ਟਾਪ 3 'ਚ ਪਹੁੰਚ ਕੇ ਬਾਹਰ ਹੋ ਗਿਆ ਸੀ ਤੇ ਮਹਿਲ 'ਬਿੱਗ ਬੌਸ 5' ਦੀ ਰਨਰਅੱਪ ਰਹੀ ਹੈ।
ਦੱਸਣਯੋਗ ਹੈ ਕਿ ਅਸ਼ਿਮਤ ਕਾਫੀ ਸਮੇਂ ਤੋਂ ਪਰਦੇ ਤੋਂ ਗਾਇਬ ਹਨ। ਉਨ੍ਹਾਂ ਨੂੰ ਆਖਿਰੀ ਵਾਰ ਫਿਲਮ 'ਪਾਵਰ ਕਪਲ' 'ਚ ਦੇਖਿਆ ਗਿਆ ਸੀ।
ਇਸ ਤੋਂ ਬਾਅਦ ਉਨ੍ਹਾਂ ਨੇ 'ਇਨਤਹਾਂ', 'ਮਰਡਰ' ਤੇ 'ਜੈ ਹੋ' ਵਰਗੀਆਂ ਫਿਲਮਾਂ 'ਚ ਕੰਮ ਕੀਤਾ ਹੈ।