ਮੁੰਬਈ (ਬਿਊਰੋ)— ਆਪਣੀ ਪਹਿਲੀ ਹੀ ਫਿਲਮ ਅਤੇ ਐਕਟਿੰਗ ਨਾਲ 'ਗਦਰ' ਮਚਾਉਣ ਵਾਲੀ ਅਮੀਸ਼ਾ ਪਟੇਲ ਪਿਛਲੇ 5 ਸਾਲਾਂ ਤੋਂ ਸਿਲਵਰ ਸਕ੍ਰੀਨ ਤੋਂ ਦੂਰ ਹੈ। ਜਦੋਂ ਅਮੀਸ਼ਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ ਤਾਂ ਉਨ੍ਹਾਂ ਦੀ ਡੈਬਿਊ ਫਿਲਮ 'ਕਹੋ ਨਾ ਪਿਆਰ ਹੈ' ਨੂੰ 100 ਤੋਂ ਵੱਧ ਐਵਾਰਡ ਮਿਲੇ ਸਨ। ਅਮੀਸ਼ਾ ਨੇ ਬਾਲੀਵੁੱਡ ਤੋਂ ਇਲਾਵਾ ਕੁਝ ਤੇਲੁਗੂ ਫਿਲਮਾਂ 'ਚ ਵੀ ਕੰਮ ਕੀਤਾ ਹੈ।
ਜਦੋਂ ਅਮੀਸ਼ਾ ਨੂੰ 'ਕਹੋ ਨਾ ਪਿਆਰ ਹੈ' ਆਫਰ ਕੀਤੀ ਗਈ ਸੀ ਤਾਂ ਉਸ ਸਮੇਂ ਉਨ੍ਹਾਂ ਨੇ ਆਪਣਾ ਗ੍ਰੈਜੂਏਸ਼ਨ ਪੂਰਾ ਕੀਤਾ ਸੀ। ਉਹ ਯੂ. ਐੱਸ. 'ਚ ਅੱਗੇ ਪੜ੍ਹਾਈ ਕਰਨਾ ਚਾਹੁੰਦੀ ਸੀ, ਇਸ ਲਈ ਉਨ੍ਹਾਂ ਨੇ ਫਿਲਮ ਕਰਨ ਤੋਂ ਇਨਕਾਰ ਕਰ ਦਿੱਤੀ ਸੀ। ਫਿਰ ਇਹ ਫਿਲਮ ਕਰੀਨਾ ਕਪੂਰ ਨੂੰ ਆਫਰ ਕੀਤੀ ਗਈ। ਉੱਥੇ ਕਿਸੇ ਵਜ੍ਹਾ ਕਾਰਨ ਕਰੀਨਾ ਨੇ ਕੁਝ ਦਿਨਾਂ ਬਾਅਦ ਹੀ ਇਹ ਫਿਲਮ ਛੱਡ ਦਿੱਤੀ, ਜਿਸ ਤੋਂ ਬਾਅਦ ਇਹ ਆਫਰ ਫਿਰ ਤੋਂ ਅਮੀਸ਼ਾ ਕੋਲ ਪਹੁੰਚ ਗਿਆ।
ਇਸ ਵਾਰ ਅਮੀਸ਼ਾ ਨੇ ਫਿਲਮ ਲਈ ਹਾਂ ਕਰ ਦਿੱਤੀ ਅਤੇ ਬਾਲੀਵੁੱਡ ਨੂੰ ਸਾਲ ਦੀ ਸਭ ਤੋਂ ਵੱਡੀ ਹਿੱਟ ਦਿੱਤੀ। ਅਮੀਸ਼ਾ ਦੇ ਕਰੀਅਰ 'ਚ ਕਾਫੀ ਸੰਘਰਸ਼ ਭਰਿਆ ਰਿਹਾ। ਕਰੀਅਰ ਤੋਂ ਇਲਾਵਾ ਅਮੀਸ਼ ਦਾ ਪਰਿਵਾਰਕ ਜੀਵਨ ਵੀ ਕੁਝ ਵਧੇਰੇ ਖਾਸ ਨਹੀਂ ਰਿਹਾ। ਅਕਸਰ ਉਹ ਆਪਣੇ ਪਰਿਵਾਰ ਵਾਲਿਆਂ ਨਾਲ ਵਿਵਾਦਾਂ ਦੀਆਂ ਖਬਰਾਂ ਆਉਂਦੀਆਂ ਰਹੀਆਂ ਸਨ।
ਅਮੀਸ਼ਾ ਦੀ ਆਪਣੀ ਮਾਤਾ-ਪਿਤਾ ਨਾਲ ਬਿਲਕੁੱਲ ਨਹੀਂ ਬਣਦੀ ਸੀ ਅਤੇ ਸਾਲਾਂ ਪਹਿਲਾਂ ਪ੍ਰਾਪਟੀ ਨੂੰ ਲੈ ਕੇ ਵੀ ਇਨ੍ਹਾਂ ਵਿਚਕਾਰ ਕਾਫੀ ਵਿਵਾਦ ਹੋਇਆ ਸੀ। ਅਮੀਸ਼ਾ ਨੇ ਆਪਣੇ ਪਿਤਾ ਵਿਰੁੱਧ 12 ਕਰੋੜ ਰੁਪਏ ਦੀ ਹੇਰਾ-ਫੇਰੀ ਦਾ ਦੋਸ਼ ਵੀ ਲਗਾਇਆ ਸੀ। ਮੀਡੀਆ ਨੂੰ ਦਿੱਤੇ ਇਕ ਬਿਆਨ 'ਚ ਅਮੀਸ਼ਾ ਨੇ ਇਕ ਵਾਰ ਇਹ ਵੀ ਦੱਸ ਦਿੱਤਾ ਸੀ ਕਿ ਉਨ੍ਹਾਂ ਦੀ ਮਾਂ ਨੇ ਉਨ੍ਹਾਂ ਨੂੰ ਚੱਪਲਾਂ ਨਾਲ ਕੁੱਟ ਤੇ ਘਰੋਂ ਕੱਢ ਦਿੱਤਾ ਸੀ।
ਬਾਅਦ 'ਚ ਉਨ੍ਹਾਂ ਦੇ ਪਰਿਵਾਰ ਵਾਲਿਆਂ ਨਾਲ ਚੰਗਾ ਤਾਲਮੇਲ ਬਣ ਜਾਣ ਦੀਆਂ ਵੀ ਖਬਰਾਂ ਆਈਆਂ।