ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਅਤੇ ਅਭਿਨੇਤਰੀ ਤਾਪਸੀ ਪੰਨੂੰ ਕ੍ਰਾਈਮ ਥ੍ਰਿਲਰ ਫਿਲਮ ਵਿਚ ਕੰਮ ਕਰਨ ਜਾ ਰਹੇ ਹਨ। ਸ਼ੁਜੀਤ ਸਰਕਾਰ ਦੀ ਫਿਲਮ ਪਿੰਕ ਦੇ ਬਾਅਦ ਅਮਿਤਾਭ ਬੱਚਨ ਅਤੇ ਤਾਪਸੀ ਪੰਨੂੰ ਇਕ ਵਾਰ ਫਿਰ ਇਕੱਠੇ ਕੰਮ ਕਰਨ ਲਈ ਤਿਆਰ ਹਨ। ਇਸ ਫਿਲਮ ਦਾ ਨਿਰਦੇਸ਼ਨ ਸੁਜਾਏ ਘੋਸ਼ ਕਰਨਗੇ। ਨੈਸ਼ਨਲ ਐਵਾਰਡ ਜੇਤੂ ਫਿਲਮ 'ਪਿੰਕ' ਦੀ ਸ਼ੂਟਿੰਗ ਦੌਰਾਨ ਤਾਪਸੀ ਨੇ 13 ਪੇਜ ਦੇ ਸੀਨ ਨੂੰ ਇਕ ਹੀ ਟੇਕ ਵਿਚ ਪੂਰਾ ਕੀਤਾ ਸੀ, ਜਿਸ ਤੋਂ ਅਮਿਤਾਭ ਬਹੁਤ ਪ੍ਰਭਾਵਿਤ ਹੋਏ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਅਮਿਤਾਭ-ਤਾਪਸੀ ਦੀ ਜੋੜੀ ਨੂੰ ਸੁਨੀਰ ਖੇਤਰਪਾਲ ਪ੍ਰੋਡਿਊਸ ਕਰਨਗੇ ਤੇ ਇਸ ਦਾ ਟਾਈਟਲ ਬਦਲਿਆ ਵੀ ਜਾ ਸਕਦਾ ਹੈ। ਇਸ ਦੀ ਸ਼ੂਟਿੰਗ ਜੂਨ ਦੇ ਅੱਧ ਵਿਚ ਆਰੰਭ ਹੋ ਸਕਦੀ ਹੈ।