ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੁਟੇਲਾ ਮਹਾਨਾਇਕ ਅਮਿਤਾਭ ਬੱਚਨ ਨਾਲ ਕੰਮ ਕਰਦੀ ਨਜ਼ਰ ਆ ਸਕਦੀ ਹੈ। ਚਰਚਾ ਹੈ ਕਿ ਉਰਵਸ਼ੀ ਰੌਤੇਲਾ ਅੱਬਾਸ-ਮਸਤਾਨ ਦੀ ਇਕ ਫਿਲਮ 'ਚ ਕੰਮ ਕਰੇਗੀ। ਅੱਬਾਸ-ਮਸਤਾਨ ਇਕ ਸਸਪੈਂਸ ਥ੍ਰਿਲਰ ਫਿਲਮ ਬਣਾਉਣ ਦੀ ਤਿਆਰੀ ਕਰ ਰਹੇ ਹਨ, ਜਿਸ ਲਈ ਉਰਵਸ਼ੀ ਰੌਤੇਲਾ ਨੂੰ ਲੀਡ ਰੋਲ ਲਈ ਚੁਣ ਲਿਆ ਗਿਆ ਹੈ। ਫਿਲਮ ਦੀ ਸ਼ੂਟਿੰਗ 20 ਜੂਨ ਤੋਂ ਸ਼ੁਰੂ ਹੋਵੇਗੀ। ਫਿਲਮ ਦਾ ਨਾਂ ਕੀ ਹੈ, ਇਸ ਗੱਲ ਦੀ ਜਾਣਕਾਰੀ ਨਹੀਂ ਮਿਲ ਸਕੀ ਹੈ। ਉਰਵਸ਼ੀ ਦੀ ਫਿਲਮ 'ਹੇਟ ਸਟੋਰੀ 4' ਹਾਲ ਹੀ 'ਚ ਰਿਲੀਜ਼ ਹੋਈ, ਜਿਸ 'ਚ ਉਸ ਦੇ ਕੰਮ ਦੀ ਕਾਫੀ ਸ਼ਲਾਘਾ ਕੀਤੀ ਗਈ। ਖਬਰਾਂ ਆ ਰਹੀਆਂ ਹਨ ਕਿ ਹਾਰਦਿਕ ਹੁਣ ਐਲੀ ਅਵਰਾਮ ਨੂੰ ਛੱਡ ਬਾਲੀਵੁੱਡ ਦੀ ਬੋਲਡ ਅਤੇ ਖੂਬਸੂਰਤ ਅਦਾਕਾਰਾ ਕਹੀ ਜਾਣ ਵਾਲੀ ਉਰਵਸ਼ੀ ਰੌਤੇਲਾ ਨਾਲ ਸਮਾਂ ਬਿਤਾ ਰਹੇ ਹਨ।ਪਿਛਲੇ ਦਿਨੀਂ ਐਲੀ ਨੂੰ ਹਾਰਦਿਕ ਨਾਲ ਕਈ ਇਵੈਂਟਜ਼ 'ਚ ਇੱਕਠੇ ਦੇਖਿਆ ਗਿਆ ਸੀ। ਐਲੀ, ਹਾਰਦਿਕ ਦੇ ਕਈ ਫੈਮਿਲੀ ਇਵੈਂਟਜ਼ 'ਚ ਵੀ ਦੇਖੀ ਜਾ ਚੁੱਕੀ ਹੈ ਪਰ ਇਸ ਲਵ ਸਟੋਰੀ 'ਚ ਹੁਣ ਟਵਿਸਟ ਆ ਗਿਆ ਹੈ।ਹਾਲ ਹੀ 'ਚ ਇਕ ਮਸ਼ਹੂਰ ਬਿਜ਼ਨੈੱਸਮੈਨ ਦੀ ਪਾਰਟੀ 'ਚ ਹਾਰਦਿਕ ਪੰਡਯਾ ਪੁੱਜੇ ਸਨ। ਇਸੇ ਪਾਰਟੀ 'ਚ ਉਰਵਸ਼ੀ ਵੀ ਆਈ ਹੋਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਪਾਰਟੀ 'ਚ ਦੋਹਾਂ ਵਿਚਕਾਰ ਕਾਫੀ ਚੰਗੀ ਕੈਮਿਸਟਰੀ ਦੇਖਣ ਨੂੰ ਮਿਲੀ।