ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਅਮਿਤਾਭ ਬੱਚਨ ਇਕ ਅਜਿਹੀ ਸਖਸ਼ੀਅਤ ਹੈ, ਜਿਨ੍ਹਾਂ ਨੂੰ ਲੈ ਕੇ ਫਿਲਮ ਇੰਡਸਟਰੀ ਦੇ ਅੰਦਰ ਅਤੇ ਬਾਹਰ ਫੈਨਜ਼ ਦੀ ਲੰਬੀ ਕਤਾਰ ਲੱਗੀ ਰਹਿੰਦੀ ਹੈ।
ਬਿੱਗ ਬੀ ਦਾ ਜਾਦੂ ਸਿਰਫ ਉਨ੍ਹਾਂ ਤੱਕ ਸੀਮਿਤ ਨਹੀਂ ਹੈ, ਬਲਕਿ ਅਸੀਂ ਕਹਿ ਸਕਦੇ ਹਾਂ ਕਿ ਬੱਚਨ ਪਰਿਵਾਰ ਬਾਲੀਵੁੱਡ ਦੇ ਸਭ ਤੋਂ ਵੱਧ ਮਸ਼ਹੂਰ ਪਰਿਵਾਰਾਂ 'ਚੋਂ ਇਕ ਹੈ। ਅੱਜ (11 ਅਕਤੂਬਰ) ਬਿੱਗ ਬੀ 75 ਸਾਲ ਦੇ ਹੋ ਚੁੱਕੇ ਹਨ।
ਅਜਿਹੇ 'ਚ ਲੋਕ ਉਨ੍ਹਾਂ ਦੀ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਬਾਰੇ 'ਚ ਕੁਝ ਨਾ ਕੁਝ ਜਾਣਨ-ਪੜ੍ਹਣ ਅਤੇ ਦੇਖਣ ਦੀ ਇੱਛਾ ਰੱਖਦੇ ਹਨ।
ਉਂਝ ਆਪਣੇ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਨਾ ਕਰਦੇ ਹੋਏ ਬਿੱਗ ਵੀ ਹਮੇਸ਼ਾ ਸੋਸ਼ਲ ਨੈਟਵਰਕਿੰਗ ਸਾਈਟਸ ਰਾਹੀਂ ਲਗਾਤਾਰ ਉਨ੍ਹਾਂ ਦੇ ਟੱਚ 'ਚ ਰਹਿੰਦੇ ਹਨ ਅਤੇ ਅਕਸਰ ਫੇਸਬੁੱਕ, ਟਵਿਟਰ ਅਤੇ ਇੰਸਟਾਗਰਾਮ ਵਰਗੀਆਂ ਸਾਈਟਸ 'ਤੇ ਆਪਣੇ ਅਤੇ ਫੈਮਿਲੀ ਦੀਆਂ ਤਸਵੀਰਾਂ ਸ਼ੇਅਰ ਕਰਦੇ ਰਹਿੰਦੇ ਹਨ।
ਅਮਿਤਾਭ ਬੱਚਨ ਦੀਆਂ ਕੁਝ ਰੇਅਰ ਅਤੇ ਅਣਦੇਖੀਆ ਤਸਵੀਰਾਂ ਨੂੰ Moses Sapir ਨਾਂ ਦੇ ਟਵਿਟਰ ਹੈਂਡਲ ਤੋਂ ਸ਼ੇਅਰ ਕੀਤੀਆਂ ਗਈਆਂ ਹਨ।
ਇਨ੍ਹਾਂ ਤਸਵੀਰਾਂ 'ਚ ਬਿੱਗ ਬੀ ਨੂੰ ਵੀ ਮੈਂਸ਼ਨ ਕੀਤਾ ਗਿਆ ਹੈ। ਸਾਰੀਆਂ ਤਸਵੀਰਾਂ ਬਿੱਗ ਬੀ ਦੇ ਅਤੀਤ ਦੀਆਂ ਯਾਦਾਂ ਤਾਜ਼ਾ ਕਰਾਉਂਦੀਆਂ ਹਨ।
ਇਨ੍ਹਾਂ 'ਚ ਉਨ੍ਹਾਂ ਦੇ ਵਿਆਹ ਦੇ ਰਿਸੈਪਸ਼ਨ ਪਾਰਟੀ ਦੀਆਂ ਵੀ ਕੁਝ ਤਸਵੀਰਾਂ ਮੌਜੂਦ ਹਨ। ਕਿਸੇ ਤਸਵੀਰ 'ਚ ਬਿੱਗ ਬੀ ਨੂੰ 1963 'ਚ ਪਲੇਅ ਕਰਦੇ ਦੇਖਿਆ ਜਾ ਸਕਦਾ ਹੈ ਤਾਂ ਕਿਤੇ ਉਹ 'ਅਮਰ ਅਕਬਰ ਐਂਥਨੀ' ਦੇ ਸੈੱਟ 'ਤੇ ਬੇਟੀ ਸ਼ਵੇਤਾ ਦੇ ਨਾਲ ਖੇਡਦੇ ਨਜ਼ਰ ਆ ਰਹੇ ਹਨ।