ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਾ ਚੰਕੀ ਪਾਂਡੇ ਦੀ ਬੇਟੀ ਅਨਨਿਆ ਪਾਂਡੇ 'ਸਟੂਡੈਂਟ ਆਫ ਦਿ ਈਅਰ 2' ਦੀ ਸ਼ੂਟਿੰਗ ਦੇਹਰਾਦੂਨ 'ਚ ਖਤਮ ਕਰਕੇ ਮੁੰਬਈ ਵਾਪਸ ਆ ਗਈ ਹੈ। ਐਤਵਾਰ ਨੂੰ ਅਨਨਿਆ ਆਪਣੇ ਪਿਤਾ ਚੰਕੀ ਪਾਂਡੇ ਅਤੇ ਮਾਂ ਭਾਵਨਾ ਨਾਲ ਲੰਚ ਕਰਨ ਰੈਸਟੋਰੈਂਟ 'ਚ ਪਹੁੰਚੀ।
ਦਰਸਅਲ, ਅਨਨਿਆ ਪਿਛਲੇ 45 ਦਿਨਾਂ ਤੋਂ ਦੇਹਰਾਦੂਨ 'ਚ ਸ਼ੂਟਿੰਗ ਕਰ ਰਹੀ ਸੀ। ਕੁਝ ਸਮੇਂ ਲਈ ਉਸਦੀ ਮਾਂ ਦੇਹਰਾਦੂਨ ਗਈ ਸੀ। ਇਸ ਦੌਰਾਨ ਅਨਨਿਆ ਡੇਨਿਮ ਸ਼ਾਰਟਸ ਅਤੇ ਸ਼ਰਟ ਪਹਿਨੇ ਕਾਫੀ ਖੂਬਸੂਰਤ ਲੱਗ ਰਹੀ ਸੀ।
ਦੱਸਣਯੋਗ ਹੈ ਕਿ 'ਸਟੂਡੈਂਟ ਆਫ ਦਿ ਈਅਰ 2' ਅਨਨਿਆ ਦੀ ਪਹਿਲੀ ਡੈਬਿਊ ਫਿਲਮ ਹੈ। ਇਸ ਫਿਲਮ 'ਚ ਉਸਦੇ ਨਾਲ ਅਭਿਨੇਤਾ ਟਾਈਗਰ ਸ਼ਰਾਫ ਅਤੇ ਅਦਾਕਾਰਾ ਤਾਰਾ ਸੁਤਾਰਿਆ ਅਹਿਮ ਭੂਮਿਕਾ 'ਚ ਹੈ। ਇਸ ਫਿਲਮ ਦਾ ਨਿਰਦੇਸ਼ਨ ਪੁਨੀਤ ਮਲਹੋਤਰਾ ਕਰ ਰਹੇ ਹਨ।
