ਲਾਸ ਏੇਂਜਲਸ(ਭਾਸ਼ਾ)— ਹਾਲੀਵੁੱਡ ਅਭਿਨੇਤਰੀ ਐਂਜੇਲੀਨਾ ਜੋਲੀ ਨੇ ਕਿਹਾ ਕਿ ਆਪਣੀ ਸਵਰਗੀ ਮਾਂ ਮਾਰਸ਼ਲੀਨ ਬਟਰੇਂਡ ਦੇ ਖਰਚਿਆਂ ਦਾ ਭੁਗਤਾਨ ਕਰ ਲਈ ਤੇ ਉਸ ਦੀ ਸਹਾਇਤਾ ਕਰਨ ਲਈ ਉਸ ਨੇ ਅਭਿਨੈ ਦੀ ਦੁਨੀਆ 'ਚ ਕਦਮ ਰੱਖਿਆ ਸੀ। ਅਕਾਦਮੀ ਐਵਾਰਡ ਜੇਤੂ ਅਭਿਨੇਤਰੀ ਨੇ ਕਿਹਾ ਕਿ ਉਹ ਅਭਿਨੈ ਖੇਤਰ 'ਚ ਆਈ ਅਤੇ ਆਪਣੇ ਕੈਰੀਅਰ ਦੌਰਾਨ ਉਸ ਨੇ ਜੋ ਸਫਲਤਾ ਹਾਸਲ ਕੀਤੀ, ਉਸ ਦੇ ਬਾਵਜੂਦ ਉਹ ਕਦੇ ਕੈਮਰੇ ਦੇ ਸਾਹਮਣੇ ਸਹਿਜ ਮਹਿਸੂਸ ਨਹੀਂ ਕਰ ਪਾਈ।
ਉਨ੍ਹਾਂ ਕਿਹਾ, 'ਮੇਰੇ ਸੁਭਾਅ 'ਚ ਅਭਿਨੇਤਰੀ ਬਣਨ ਵਰਗੀ ਕੋਈ ਗੱਲ ਨਹੀਂ ਸੀ। ਮੈਂ ਬਹੁਤ ਖੁਸ਼ ਹਾਂ ਕਿ ਮੈਂ ਇਸ 'ਚ ਸਮਰੱਥ ਹੋ ਸਕੀ। ਮੈਂ ਇਸ ਮਾਮਲੇ 'ਚ ਬਹੁਤ ਕਿਸਮਤ ਵਾਲੀ ਹਾਂ ਪਰ ਜਦ ਉਨ੍ਹਾਂ ਦਾ ਦਿਹਾਂਤ ਹੋਇਆ ਤਾਂ ਮੈਨੂੰ ਮਹਿਸੂਸ ਹੋਇਆ ਕਿ ਇਹ ਸਭ ਮੇਰੀ ਮਾਂ ਲਈ ਹੀ ਤਾਂ ਸੀ ਕਿਉਂਕਿ ਉਨ੍ਹਾਂ ਦੇ ਗੁਜ਼ਰਨ ਤੋਂ ਬਾਅਦ ਮੈਨੂੰ ਬਹੁਤ ਵੱਖਰਾ ਜਿਹਾ ਮਹਿਸੂਸ ਹੋਇਆ।