ਮੁੰਬਈ(ਬਿਊਰੋ)— 11 ਜਨਵਰੀ 1946 'ਚ ਜਨਮੀ ਅੰਜੂ ਮਹਿੰਦਰੂ ਨੇ 13 ਸਾਲ ਦੀ ਉਮਰ ਤੋਂ ਹੀ ਫਿਲਮਾਂ 'ਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਉਨ੍ਹਾਂ ਨੂੰ ਫਿਲਮਾਂ 'ਚ ਤਾਂ ਖਾਸ ਸਫਲਤਾ ਨਹੀਂ ਮਿਲੀ ਪਰ ਰਾਜੇਸ਼ ਖੰਨਾ ਨਾਲ ਉਨ੍ਹਾਂ ਦਾ ਰਿਸ਼ਤਾ ਫਿਲਮੀ ਇੰਡਸਟਰੀ 'ਚ ਹਮੇਸ਼ਾ ਚਰਚਾ 'ਚ ਰਿਹਾ। ਅੰਜੂ ਇਕ ਮਾਡਲ ਸੀ ਤੇ ਅਦਾਕਾਰਾ ਬਣਨਾ ਚਾਹੁੰਦੀ ਸੀ, ਉੱਥੇ ਦੂਜੇ ਪਾਸੇ ਕਈ ਫਿਲਮਾਂ 'ਚ ਉਨ੍ਹਾਂ ਨੂੰ ਸਾਈਡ ਰੋਲ ਕਰਦੇ ਹੋਏ ਵੀ ਦੇਖਿਆ ਗਿਆ ਹੈ।
60 ਦੇ ਦਹਾਕੇ 'ਚ ਜਦੋਂ ਰਾਜੇਸ਼ ਖੰਨਾ ਬਾਲੀਵੁੱਡ 'ਚ ਆਪਣਾ ਨਾਂ ਕਮਾਉਣ ਲਈ ਸਟ੍ਰਗਲ ਕਰ ਰਹੇ ਸਨ, ਉਸ ਦੌਰਾਨ ਅੰਜੂ ਵੀ ਇਕ ਸਟ੍ਰਗਲਰ ਹੁੰਦੀ ਸੀ। ਦੋਹਾਂ ਦੀ ਮੁਲਾਕਾਤ ਹੋਈ ਤਾਂ ਗੱਲ ਲਿਵ-ਇਨ-ਰਿਲੇਸ਼ਨ ਤੱਕ ਪਹੁੰਚ ਗਈ ਸੀ। ਵਿਆਹ ਤੋਂ ਪਹਿਲਾਂ ਦੋਹਾਂ ਨੇ ਲਿਵ-ਇਨ-ਰਿਲੇਸ਼ਨਸ਼ਿਪ 'ਚ ਰਹਿਣ ਦਾ ਫੈਸਲਾ ਕੀਤਾ ਸੀ।
ਉੱਥੇ ਜਦੋਂ ਡਿੰਪਲ ਨੇ ਬਾਲੀਵੁੱਡ 'ਚ ਇਕ ਜ਼ਬਰਦਸਤ ਹਿੱਟ ਐਂਟਰੀ ਮਾਰੀ ਤਾਂ ਪਹਿਲੀ ਹੀ ਮੁਲਾਕਾਤ 'ਚ ਰਾਜੇਸ਼ ਉਨ੍ਹਾਂ ਦੇ ਦਿਵਾਨੇ ਹੋ ਗਏ। ਡਿੰਪਲ ਤੇ ਰਾਜੇਸ਼ ਦੀ ਨੇੜਤਾ ਅਖਬਾਰਾਂ ਦੀਆਂ ਸੁਰਖੀਆਂ ਬਣਨ ਲੱਗੀਆਂ, ਜਿਸ ਕਾਰਨ ਅੰਜੂ ਨੇ ਰਾਜੇਸ਼ ਦਾ ਸਾਥ ਛੱਡ ਦਿੱਤਾ।
ਰਾਜੇਸ਼ ਖੰਨਾ ਦੀ ਜ਼ਿੰਦਗੀ 'ਚ ਅੰਜੂ ਨੇ ਇਕ ਦੋਸਤ ਵਾਂਗ ਹਮੇਸ਼ਾ ਸਾਥ ਦਿੱਤਾ। ਇੱਥੋਂ ਤੱਕ ਕਿ ਜਦੋਂ ਰਾਜੇਸ਼ ਨੇ ਆਖਿਰੀ ਸਾਹ ਲਿਆ ਸੀ ਤਾਂ ਵੀ ਡਿੰਪਲ ਨਾਲ ਅੰਜੂ ਮੌਜੂਦ ਸੀ। ਇਸ ਤੋਂ ਬਾਅਦ ਵੈਟਸਇੰਡੀਜ਼ ਦੇ ਬੈਟਸਮੈਨ ਦਾ ਦਿਲ ਭਾਰਤੀ ਅਦਾਕਾਰਾ ਅੰਜੂ ਮਹੇਂਦਰੂ 'ਤੇ ਆਇਆ ਸੀ।
ਦੋਵੇਂ ਆਪਣੇ ਰਿਸ਼ਤੇ ਨੂੰ ਲੈ ਕੇ ਗੰਭੀਰ ਸਨ ਪਰ ਇਸ ਰਿਸ਼ਤੇ ਨੂੰ ਵੀ ਖਾਸ ਸਫਲਤਾ ਨਾ ਮਿਲ ਸਕੀ। ਇਕ ਇੰਟਰਵਿਊ 'ਚ ਅੰਜੂ ਨੇ ਆਪਣੀ ਲਾਈਫਸਟਾਈਲ 'ਤੇ ਸਵਾਲ ਪੁੱਛੇ ਜਾਣ 'ਤੇ ਦੱਸਿਆ ਕਿ ਉਨ੍ਹਾਂ ਕੋਲ੍ਹ 200 ਗਲੀ ਦੇ ਕੁੱਤੇ ਹਨ, ਜਿਨ੍ਹਾਂ ਨੂੰ ਉਹ ਰੋਜ਼ਾਨਾ ਖਾਣਾ ਖਵਾਉਂਦੀ ਹੈ।
ਅੱਜਕਲ ਉਹ ਅੰਜੂ 'ਰਿਸ਼ਤੋਂ ਕਾ ਚਕਰਵਿਊ' ਸੀਰੀਅਲ 'ਚ ਅਹਿਮ ਕਿਰਦਾਰ ਨਿਭਾ ਰਹੀ ਹੈ।
