ਮੁੰਬਈ(ਬਿਊਰੋ)— 'ਆਸ਼ਿਕੀ' ਫਿਲਮ ਨਾਲ ਮਸ਼ਹੂਰ ਹੋਈ ਅਦਾਕਾਰਾ ਅਨੂ ਅਗਰਵਾਲ ਦਾ ਚਿਹਰਾ ਹੁਣ ਕਾਫੀ ਬਦਲ ਗਿਆ ਹੈ। ਗਲੈਮਰਸ ਲੁੱਕ 'ਚ ਨਜ਼ਰ ਆਉਣ ਵਾਲੀ ਅਨੂ ਅਗਰਵਾਲ ਦਾ ਜਨਮ 11 ਜਨਵਰੀ 1969 'ਚ ਹੋਇਆ ਸੀ। ਅਨੂ ਜਦੋਂ ਦਿੱਲੀ ਯੂਨੀਵਰਸਿਟੀ 'ਚ ਸਮਾਜ ਸ਼ਾਸਤਰ ਦੀ ਪੜ੍ਹਾਈ ਕਰ ਰਹੀ ਸੀ ਤਾਂ ਉਸ ਸਮੇਂ ਮਹੇਸ਼ ਭੱਟ ਨੇ ਉਨ੍ਹਾਂ ਨੂੰ 'ਆਸ਼ਿਕੀ' 'ਚ ਬ੍ਰੇਕ ਦਿੱਤਾ ਸੀ, ਜਿਸ ਤੋਂ ਬਾਅਦ ਅਨੂ ਨੇ 'ਗਜ਼ਬ ਤਮਾਸ਼ਾ', 'ਖਲਨਾਇਕਾ', 'ਕਿੰਗ ਅੰਕਲ', 'ਕੰਨਿਆਦਾਨ' ਤੇ 'ਰਿਟਰਨ ਟੂ ਜਵੈਲ ਥੀਫ' 'ਚ ਕੰਮ ਕੀਤਾ ਪਰ ਇਹ ਫਿਲਮਾਂ ਫਲਾਪ ਰਹੀਆਂ।
ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਸਾਰੀ ਸੰਪਤੀ ਦਾਨ 'ਚ ਦੇ ਕੇ ਸੰਨਿਆਸ ਦਾ ਮਾਰਗ ਅਪਨਾ ਲਿਆ। ਰਾਤੋਂ-ਰਾਤ ਸਟਾਰ ਬਣੀ ਅਨੂ ਅਗਰਵਾਲ ਕਾਫੀ ਸਮੇਂ ਤੋਂ ਫਿਲਮੀ ਦੁਨੀਆ ਤੋਂ ਦੂਰ ਰਹੀ ਹੈ। ਫਿਲਮਾਂ ਛੱਡਣ ਤੋਂ ਬਾਅਦ ਅਨੂ ਅਗਰਵਾਲ ਬਹੁਤ ਸਿੰਪਲ ਜੀਵਨ ਬਤੀਤ ਕਰਦੀ ਦਿਖੀ ਸੀ।
ਉਨ੍ਹਾਂ ਦਾ ਲੁੱਕ ਸਟਾਈਲ ਸਭ ਇੰਨਾ ਬਦਲ ਚੁੱਕਾ ਹੈ ਕਿ ਉਨ੍ਹਾਂ ਨੂੰ ਪਛਾਣਨਾ ਬੇਹੱਦ ਮੁਸ਼ਕਿਲ ਹੋ ਗਿਆ ਹੈ। ਅਸਲ 'ਚ ਇਕ ਹਾਦਸੇ ਨੇ ਉਨ੍ਹਾਂ ਦੀ ਜ਼ਿੰਦਗੀ ਅਜਿਹੀ ਬਦਲੀ ਕਿ ਉਹ ਫਿਲਮ ਇੰਡਸਟਰੀ ਤੋਂ ਗੁੰਮਨਾਮ ਹੋ ਗਈ ਤੇ ਲੋਕਾਂ ਨੇ ਵੀ ਉਨ੍ਹਾਂ ਦੀ ਖੋਜ-ਖਬਰ ਲੈਣੀ ਬੰਦ ਕਰ ਦਿੱਤੀ।
ਇੱਥੇ ਇਹ ਦੱਸਣਯੋਗ ਹੈ ਕਿ 1999 'ਚ ਅਨੂ ਅਗਰਵਾਲ ਦਾ ਬਹੁਤ ਭਿਆਨਕ ਐਕਸੀਡੈਂਟ ਹੋਇਆ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਯਾਦਦਾਸ਼ਤ ਚਲੀ ਗਈ ਤੇ ਉਹ 29 ਦਿਨਾਂ ਤੱਕ ਕੋਮਾ 'ਚ ਰਹੀ।
ਅਨੂ ਅਗਰਵਾਲ ਨੇ ਆਪਣੀ ਆਤਮ-ਕਥਾ An 'Anusual' Memoir of a girl, who came back from the death 'ਚ ਸ਼ੇਅਰ ਕੀਤੀ ਸੀ। ਇਹ ਉਨ੍ਹਾਂ ਦੀ ਜ਼ਿੰਦਗੀ ਦਾ ਸਭ ਤੋਂ ਬੁਰਾ ਪੜਾਅ ਸੀ, ਕਿਉਂਕਿ ਕਿਸੇ ਨੂੰ ਨਹੀਂ ਪਤਾ ਸੀ ਕਿ ਉਹ ਕਿੱਥੇ ਤੇ ਕਿਸ ਹਾਲਤ 'ਚ ਰਹਿ ਰਹੀ ਹੈ।
ਫਿਰ ਇਕ ਦਿਨ ਪਤਾ ਲੱਗਾ ਕਿ ਅਨੂ ਅਗਰਵਾਲ ਸਟਾਰਡਮ ਤੇ ਫਿਲਮੀ ਦੁਨੀਆ ਤੋਂ ਕਾਫੀ ਦੂਰ ਬਿਹਾਰ ਦੇ ਮੁੰਗੇਰ ਇਲਾਕੇ 'ਚ ਆਪਣੀ ਜ਼ਿੰਦਗੀ ਬਿਤਾ ਰਹੀ ਹੈ।