FacebookTwitterg+Mail

ਜਨਮਦਿਨ ਮੌਕੇ ਜਾਣੋ ਅਨੁਸ਼ਕਾ ਸ਼ਰਮਾ ਬਾਰੇ ਕੁਝ ਹੈਰਾਨੀਜਨਕ ਅਤੇ ਅਣਸੁਣੇ ਰਾਜ਼

anushka sharma birthday special
01 May, 2018 01:26:53 PM

ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਅੱਜ ਆਪਣੇ ਫਿਲਮੀ ਕਰੀਅਰ 'ਚ ਸਫਲਤਾ ਦੀ ਪੌੜੀ ਚੜ੍ਹ ਰਹੀ ਹੈ। ਫਿਲਮ 'ਰਬ ਨੇ ਬਨਾ ਦੀ ਜੋੜੀ' ਨਾਲ ਅਭਿਨੈ ਦੀ ਸ਼ੁਰੂਆਤ ਕਰਨ ਵਾਲੀ ਅਨੁਸ਼ਕਾ ਦਾ ਜਨਮ 1 ਮਈ, 1988 ਨੂੰ ਅਯੋਧਿਆ 'ਚ ਹੋਇਆ ਸੀ। ਅਨੁਸ਼ਕਾ ਦਾ ਪਰਿਵਾਰ ਉਤਰਾਖੰਡ ਤੋਂ ਹੈ। ਉਨ੍ਹਾਂ ਦੇ ਪਿਤਾ ਅਜੈ ਕੁਮਾਰ ਸ਼ਰਮਾ ਇਕ ਆਰਮੀ ਅਫਸਰ ਹਨ ਅਤੇ ਉਨ੍ਹਾਂ ਦਾ ਭਰਾ ਕਰਣੇਸ਼ ਮਰਚੈਂਟ ਨੇਵੀ 'ਚ ਹਨ। ਅਨੁਸ਼ਕਾ ਨੇ ਵੀ ਆਰਮੀ ਸਕੂਲ ਤੋਂ ਪੜ੍ਹਾਈ ਕੀਤੀ ਹੈ ਅਤੇ ਬਚਪਨ ਤੋਂ ਉਨ੍ਹਾਂ ਦਾ ਸੁਪਨਾ ਇਕ ਮਾਡਲ ਬਣਨ ਦਾ ਸੀ। ਅਨੁਸ਼ਕਾ ਨੇ ਸਾਲ 2017 'ਚ ਭਾਰਤੀ ਕ੍ਰਿਕਟ ਟੀਮ ਦੇ ਕੈਪਟਨ ਵਿਰਾਟ ਕੋਹਲੀ ਨਾਲ ਵਿਆਹ ਕੀਤਾ। ਅੱਜ ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ 'ਤੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਉਨ੍ਹਾਂ ਦੇ ਜੀਵਨ ਨਾਲ ਜੁੜੀਆਂ ਕੁਝ ਅਣਸੁਣੀਆਂ ਗੱਲਾਂ—

Punjabi Bollywood Tadka

ਇਕ ਰਿਪੋਰਟ ਮੁਤਾਬਕ ਫਿਲਮ 'ਬਾਂਬੇ ਵੈਲਵੇਟ' ਦੀ ਸ਼ੂਟਿੰਗ ਦੌਰਾਨ ਰਣਬੀਰ ਨੇ ਅਨੁਸ਼ਕਾ ਨੂੰ ਰਵਾ ਦਿੱਤਾ ਸੀ। ਅਸਲ 'ਚ ਰਣਬੀਰ ਦੀ ਮਜ਼ਾਕ ਕਰਨ ਦੀ ਆਦਤ ਹੈ ਅਤੇ ਉਹ ਇਸ ਹੱਦ ਤੱਕ ਮਖੌਲ ਕਰਦੇ ਹਨ ਕਿ ਸਾਹਮਣੇ ਵਾਲਾ ਵਿਅਕਤੀ ਈਰੀਟੇਟ ਹੋ ਜਾਂਦਾ ਹੈ। ਇਸੇ ਕਾਰਨ ਫਿਲਮ ਦੀ ਸ਼ੂਟਿੰਗ ਦੌਰਾਨ ਅਨੁਸ਼ਕਾ, ਰਣਬੀਰ ਤੋਂ ਪਰੇਸ਼ਾਨ ਹੋ ਕੇ ਰੋਣ ਲੱਗ ਪਈ ਸੀ।

Punjabi Bollywood Tadka

ਅਨੁਸ਼ਕਾ ਨੂੰ ਫਿਲਮ 'ਬੈਂਡ ਬਾਜਾ ਬਾਰਾਤ' ਅਤੇ 'ਰਬ ਨੇ ਬਨਾ ਦੀ ਜੋੜੀ' 'ਚ ਸ਼ਾਨਦਾਰ ਅਭਿਨੈ ਲਈ ਸਰਾਹਿਆ ਜਾਂਦਾ ਹੈ। ਇਨ੍ਹਾਂ ਦੋਹਾਂ ਫਿਲਮਾਂ ਲਈ ਉਨ੍ਹਾਂ ਨੂੰ ਬੈਸਟ ਅਦਾਕਾਰਾ ਦੇ ਫਿਲਮਫੇਅਰ ਐਵਾਰਡ ਲਈ ਵੀ ਨਾਮਜ਼ਦ ਕੀਤਾ ਗਿਆ ਸੀ ਪਰ ਬਦਕਿਸਮਤੀ ਇਹ ਐਵਾਰਡ ਉਨ੍ਹਾਂ ਨੂੰ ਨਹੀਂ ਮਿਲਿਆ। ਇਸੇ ਕਾਰਨ ਉਹ ਬਹੁਤ ਦੁੱਖੀ ਹੋ ਗਈ ਅਤੇ ਵਾਪਸ ਆਉਂਦੇ ਸਮੇਂ ਰਸਤੇ 'ਚ ਹੀ ਰੋਣ ਲੱਗ ਪਈ।

Punjabi Bollywood Tadka

ਅਨੁਸ਼ਕਾ ਦਾ ਸੁਪਨਾ ਇਕ ਬਿਹਤਰੀਨ ਮਾਡਲ ਬਣਨ ਦਾ ਸੀ ਪਰ ਖੁਦ ਅਨੁਸ਼ਕਾ ਖੁਦ ਨੂੰ ਇਕ ਚੰਗੀ ਮਾਡਲ ਨਹੀਂ ਮੰਨਦੀ। ਅਨੁਸ਼ਕਾ ਮੁਤਾਬਕ ਰੈਂਪ 'ਤੇ ਚੱਲਦੇ ਸਮੇਂ ਉਨ੍ਹਾਂ ਤੋਂ ਬਲੈਂਖ ਫੇਸ ਕਰਨ ਲਈ ਕਿਹਾ ਜਾਂਦਾ ਹੈ ਅਤੇ ਇਹ ਉਨ੍ਹਾਂ ਤੋਂ ਨਹੀਂ ਹੋ ਪਾਉਂਦਾ ਸੀ। ਹਰ ਵਾਰ ਉਹ ਰੈਂਪ ਵਾਕ ਕਰਦੇ-ਕਰਦੇ ਮੁਸਕਰਾ ਦਿੰਦੀ ਸੀ। 
Punjabi Bollywood Tadka

ਵੱਡੀਆਂ-ਵੱਡੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਅਨੁਸ਼ਕਾ ਜਦੋਂ ਨਵੀਂ-ਨਵੀਂ ਆਈ ਸੀ ਤਾਂ ਸ਼ਾਹਰੁਖ ਨਾਲ ਪਹਿਲਾ ਸੀਨ ਕਰਦੇ ਸਮੇਂ ਉਹ ਕਾਫੀ ਅਸਹਿਜ ਹੋ ਗਈ ਸੀ। ਬਾਅਦ 'ਚ ਸ਼ਾਹਰੁਖ ਨੇ ਉਨ੍ਹਾਂ ਦਾ ਹੌਂਸਲਾ ਵਧਾਇਆ ਤਾਂ ਕਿ ਉਹ ਸਹਿਜ ਮਹਿਸੂਸ ਕਰ ਸਕੇ। ਅਜਿਹੀ ਹੀ ਇਕ ਘਟਨਾ ਅਨੁਸ਼ਕਾ ਦੇ ਦਿੱਗਜ ਅਦਾਕਾਰ ਪੰਕਜ ਕਪੂਰ ਨਾਲ ਕੰਮ ਕਰਨ ਸਮੇਂ ਵੀ ਵਾਪਰੀ ਸੀ।

Punjabi Bollywood Tadka

ਫਿਲਮ 'ਬੈਂਡ ਬਾਜਾ ਬਾਰਾਤ' 'ਚ ਆਪਣੇ ਅਭਿਨੈ ਲਈ ਉਨ੍ਹਾਂ ਦੀ ਕਾਫੀ ਸ਼ਲਾਘਾ ਹੋਈ ਸੀ ਅਤੇ ਉਨ੍ਹਾਂ ਨੇ ਆਪਣੀ ਸ਼ਾਨਦਾਰ ਪਰਫਾਰਮੈਂਸ ਲਈ 19 ਵੱਖ-ਵੱਖ ਸਨਮਾਨਾਂ ਲਈ ਨਾਮਜ਼ਦ ਕੀਤਾ ਗਿਆ ਸੀ, ਜਿਨ੍ਹਾਂ 'ਚੋਂ 10 ਐਵਾਰਡ ਉਹ ਜਿੱਤਣ 'ਚ ਸਫਲ ਰਹੀ।

Punjabi Bollywood Tadka

ਅਨੁਸ਼ਕਾ ਸ਼ਰਮਾ ਨੇ ਲਿੱਪ ਸਰਜਰੀ ਕਰਵਾ ਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਸੀ ਅਤੇ ਇਸ ਲਈ ਉਨ੍ਹਾਂ ਨੂੰ ਟਰੋਲ ਵੀ ਕੀਤਾ ਗਿਆ ਸੀ। ਕੁਝ ਲੋਕਾਂ ਨੂੰ ਜਿੱਥੇ ਉਨ੍ਹਾਂ ਦਾ ਨਵਾਂ ਲੁੱਕ ਚੰਗਾ ਲੱਗਾ ਸੀ ਉੱਥੇ ਦੂਜੇ ਪਾਸੇ ਕਈ ਲੋਕਾਂ ਨੇ ਉਨ੍ਹਾਂ ਦੇ ਇਸ ਲੁੱਕ ਦਾ ਮਜ਼ਾਕ ਵੀ ਉਡਾਇਆ ਸੀ।


Tags: Anushka Sharma BirthdayVirat KohliRanbir KapoorInteresting FactsShah Rukh KhanBand Baaja Baaraat

Edited By

Chanda Verma

Chanda Verma is News Editor at Jagbani.