ਮੁੰਬਈ (ਬਿਊਰੋ)— ਅਰਜੁਨ ਕਪੂਰ ਉਨ੍ਹਾਂ ਨੌਜਵਾਨ ਪੀੜ੍ਹੀ 'ਚੋਂ ਹਨ ਜਿਨ੍ਹਾਂ ਨੇ ਘੱਟ ਸਮੇਂ ਵਿਚ ਇੰਡਸਟਰੀ ਵਿਚ ਆਪਣੀ ਇਕ ਪਹਿਚਾਣ ਬਣਾਈ ਹੈ। ਅਰਜੁਨ ਕਪੂਰ ਛੇਤੀ ਹੀ ਆਪਣੀ ਅਗਲੀ ਫਿਲਮ 'ਨਮਸਤੇ ਇੰਗਲੈਂਡ' ਵਿਚ ਨਜ਼ਰ ਆਉਣਗੇ। ਇਸ ਫਿਲਮ ਦੀ ਸ਼ੂਟਿੰਗ ਵੀ ਸ਼ੁਰੂ ਹੋ ਚੁੱਕੀ ਹੈ। ਹੁਣ ਖਬਰ ਇਹ ਹੈ ਕਿ ਇਸ ਫਿਲਮ ਲਈ ਅਰਜੁਨ 18-18 ਘੰਟੇ ਲਗਾਤਾਰ ਸ਼ੂਟ ਕਰ ਰਹੇ ਹਨ। ਦੱਸ ਦਈਏ ਕਿ ਪਿੱਛਲੇ ਦਿਨੀਂ ਸ਼੍ਰੀਦੇਵੀ ਦੇ ਦਿਹਾਂਤ ਦੇ ਚਲਦੇ ਅਰਜੁਨ ਕਪੂਰ ਨੇ 'ਨਮਸਤੇ ਇੰਗਲੈਂਡ' ਦੀ ਸ਼ੂਟਿੰਗ ਤੋਂ ਬ੍ਰੇਕ ਲੈ ਲਿਆ ਸੀ। ਉਨ੍ਹਾਂ ਨੇ ਸ਼੍ਰੀਦੇਵੀ ਦੀ ਮੌਤ ਤੋਂ ਬਾਅਦ ਆਪਣੇ ਪਰਿਵਾਰ ਵਾਲਿਆਂ ਨਾਲ ਸਮਾਂ ਬੀਤਾਉਣ ਲਈ ਸ਼ੂਟਿੰਗ ਤੋਂ 7 ਦਿਨ ਦੀ ਛੁੱਟੀ ਲਈ ਸੀ। ਸ਼੍ਰੀਦੇਵੀ ਦੇ ਦਿਹਾਂਤ ਤੋਂ ਬਾਅਦ ਉਨ੍ਹਾਂ ਨੇ ਆਪਣੇ ਪਿਤਾ ਬੋਨੀ ਕਪੂਰ ਨਾਲ ਸਮਾਂ ਬਿਤਾਉਣ ਲਈ ਫਿਲਮ ਦੇ ਨਿਰਮਾਤਾ ਵਿਪੁਲ ਸ਼ਾਹ ਕੋਲੋਂ ਇਕ ਹਫਤੇ ਦੀ ਛੁੱਟੀ ਮੰਗੀ ਸੀ, ਜੋ ਉਨ੍ਹਾਂ ਨੂੰ ਦੇ ਦਿੱਤੀ ਗਈ ਸੀ। ਹੁਣ ਅਰਜੁਨ 'ਨਮਸਤੇ ਇੰਗਲੈਂਡ' ਦੇ ਸ਼ੂਟਿੰਗ ਸੈੱਟ 'ਤੇ ਵਾਪਿਸ ਆ ਚੁੱਕੇ ਹਨ ਅਤੇ ਹੁਣ ਆਪਣਾ ਪੂਰਾ ਧਿਆਨ ਸ਼ੂਟਿੰਗ 'ਤੇ ਲਗਾ ਰਹੇ ਹਨ। ਰਿਪੋਰਟਸ ਦੀ ਮੰਨੀਏ ਤਾਂ ਅਰਜੁਨ ਇਸ ਫਿਲਮ ਲਈ ਦਿਨ ਰਾਤ ਮਿਹਨਤ ਕਰ ਰਹੇ ਹਨ। ਉਹ ਪਿੱਛਲੇ ਕੁਝ ਦਿਨਾਂ ਤੋਂ ਲਗਾਤਾਰ 18-18 ਘੰਟੇ ਸ਼ੂਟਿੰਗ ਕਰ ਰਹੇ ਹਨ। ਸੂਤਰਾਂ ਮੁਤਾਬਕ, ਅਰਜੁਨ ਨੇ 'ਨਮਸਤੇ ਇੰਗਲੈਂਡ' ਦੇ ਪ੍ਰੋਡਿਊਸਰ ਵਿਪੁਲ ਨਾਲ ਫਿਲਮ ਦੀ ਸ਼ੂਟਿੰਗ ਸਮੇਂ 'ਤੇ ਪੂਰੀ ਕਰਨ ਦੀ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਹ ਚਾਹੁੰਦੇ ਹੈ ਕਿ ਫਿਲਮ ਦੀ ਸ਼ੂਟਿੰਗ ਸਮੇਂ 'ਤੇ ਪੂਰੀ ਹੋ ਜਾਵੇ ਤਾਂਕਿ ਕਿਸੇ ਨੂੰ ਹੋਰ ਦਿਨ ਕੰਮ ਨਾ ਕਰਨਾ ਪਵੇ। ਦਰਅਸਲ ਅਰਜੁਨ ਨਹੀਂ ਚਾਹੁੰਦੇ ਦੀ ਉਨ੍ਹਾਂ ਦੀ ਦੇਰੀ ਜਾਂ ਅਤੇ ਕਿਸੇ ਵੀ ਵਜ੍ਹਾ ਨਾਲ ਪ੍ਰੋਡਿਊਸਰਸ ਦਾ ਵਾਧੂ ਖਰਚਾ ਹੋਵੇ। ਇਸ ਤੋਂ ਇਲਾਵਾ ਉਨ੍ਹਾਂ ਦੇ ਪਿਤਾ ਬੋਨੀ ਕਪੂਰ ਵੀ ਅਰਜੁਨ ਦੇ ਕਰਿਅਰ ਦਾ ਖਿਆਲ ਰੱਖਦੇ ਹਨ। ਉਹ ਵੀ ਚਾਹੁੰਦੇ ਹਨ ਕਿ ਹੁਣ ਅਰਜੁਨ ਦਾ ਪਰਿਵਾਰ ਵਿਚ ਹੋਏ ਇਸ ਵੱਡੇ ਹਾਦਸੇ ਦਾ ਉਨ੍ਹਾਂ ਦੇ ਕੰਮ 'ਤੇ ਜ਼ਿਆਦਾ ਅਸਰ ਨਾ ਪਏ ਅਤੇ ਉਹ ਫਿਲਮ ਵਿਚ ਆਪਣਾ ਸੌ ਪ੍ਰਤੀਸ਼ਤ ਦੇ ਸਕੇ। ਦੱਸ ਦਈਏ ਸ਼੍ਰੀਦੇਵੀ ਦੇ ਦਿਹਾਂਤ ਤੋਂ ਬਾਅਦ ਅਰਜੁਨ ਕਪੂਰ ਫਿਲਮ ਦੀ ਸ਼ੂਟਿੰਗ ਛੱਡ ਕੇ ਪਿਤਾ ਦੇ ਸਪੋਰਟ ਲਈ ਦੁਬਈ ਰਵਾਨਾ ਹੋਏ ਸਨ। ਇਹੀ ਨਹੀਂ ਉਨ੍ਹਾਂ ਨੇ ਇਸ ਮੁਸ਼ਕਲ ਸਮੇਂ ਵਿਚ ਆਪਣੇ ਪਿਤਾ ਅਤੇ ਪਰਿਵਾਰ ਨਾਲ ਖੜ੍ਹੇ ਨਜ਼ਰ ਆਏ ਸਨ।