ਮੁੰਬਈ (ਬਿਊਰੋ)— ਬਾਲੀਵੁੱਡ ਐਕਟਰ ਅਰਜੁਨ ਰਾਮਪਾਲ ਅਤੇ ਉਨ੍ਹਾਂ ਦੀ ਪਤਨੀ ਮਿਹਰ ਨੇ 20 ਸਾਲ ਦੇ ਵਿਆਹ ਤੋਂ ਬਾਅਦ ਵੱਖ ਹੋਣ ਦਾ ਫੈਸਲਾ ਕਰ ਲਿਆ ਹੈ। ਭਾਵੇਂ ਅੱਜ ਇਹ ਜੋੜੀ ਵੱਖ ਹੋਣ ਜਾ ਰਹੀ ਹੈ ਪਰ ਇਨ੍ਹਾਂ ਦੀ ਲਵ ਸਟੋਰੀ ਬੇਹੱਦ ਖੂਬਸੂਰਤ ਰਹੀ ਹੈ। ਅਰਜੁਨ ਰਾਮਪਾਲ ਨੇ ਇੰਟਰਵਿਊ ਦੌਰਾਨ ਦੱਸਿਆ ਕਿ ਜਦੋਂ ਪਹਿਲੀ ਵਾਰ ਉਨ੍ਹਾਂ ਨੇ ਰੈਂਪ ਵਾਕ ਕੀਤਾ ਸੀ ਤਾਂ ਉਨ੍ਹਾਂ ਨੇ ਉਨ੍ਹਾਂ ਨਾਲ ਰੈਂਪ ਵਾਕ ਕਰ ਰਹੀ ਮਾਡਲ ਮਿਹਰ ਦਾ ਡਰ ਕਾਰਨ ਹੱਥ ਫੜ੍ਹ ਲਿਆ ਸੀ।
ਉਨ੍ਹਾਂ ਨੇ ਦੱਸਿਆ ਸੀ ਕਿ ਜਦੋਂ ਮੈਂ ਕਰੀਅਰ ਦੀ ਸ਼ੁਰੂਆਤ ਕੀਤੀ ਤਾਂ ਉਸ ਸਮੇਂ ਮਿਹਰ ਮਾਡਲਿੰਗ ਇੰਡਸਟਰੀ ਦਾ ਸਫਲ ਨਾ ਬਣ ਚੁੱਕਾ ਸੀ।
ਅਰਜੁਨ ਨੇ ਮਿਹਰ ਬਾਰੇ ਇਸ ਗੱਲ ਦਾ ਵੀ ਖੁਲਾਸਾ ਕੀਤਾ ਕਿ ਜਦੋਂ ਉਹ ਹੋਸਟਲ 'ਚ ਰਹਿੰਦੇ ਸਨ ਤਾਂ ਉਨ੍ਹਾਂ ਦੇ ਕਮਰੇ 'ਚ ਮਿਹਰ ਦਾ ਪੋਸਟਰ ਲੱਗਾ ਹੋਇਆ ਸੀ, ਜਿਸ ਨੂੰ ਦੇਖ ਕੇ ਅਰਜੁਨ ਕਹਿੰਦੇ ਹੁੰਦੇ ਸਨ ਕਿ ਪਤਨੀ ਹੋਵੇ ਤਾਂ ਅਜਿਹੀ।
ਅਰਜੁਨ ਦੀ ਇਹ ਗੱਲ ਅੱਗੇ ਜਾ ਕੇ ਸੱਚ ਹੋਈ ਅਤੇ ਉਨ੍ਹਾਂ ਨੇ ਹੋਸਟਲ ਦੀ ਪੋਸਟਰ ਗਰਲ ਭਾਵ ਸੁਪਰਮਾਡਲ ਮਿਹਰ ਨਾਲ ਵਿਆਹ ਕਰ ਲਿਆ।
ਮਿਹਰਨ ਮਿਸ ਇੰਡਿਆ ਵੀ ਰਹਿ ਚੁੱਕੀ ਹੈ। ਫੈਮਿਨਾ ਮਿਸ ਇੰਡਿਆ ਬਣਨ ਤੋਂ ਬਾਅਦ ਹੀ ਮਿਹਰ ਨੇ ਮਾਡਲਿੰਗ ਕਰਨੀ ਸ਼ੁਰੂ ਕੀਤੀ ਸੀ।
ਅਰਜੁਨ ਨੇ ਸਾਲ 1998 'ਚ ਮਿਹਰ ਜੈਸੀਆ ਨਾਲ ਵਿਆਹ ਕੀਤਾ ਅਤੇ ਇਨ੍ਹਾਂ ਦੀਆਂ 2 ਬੇਟੀਆਂ ਮਾਇਰਾ ਅਤੇ ਮਹਿਕਾ ਹਨ।
ਅਰਜੁਨ ਨੇ ਮਿਹਰ ਲਈ ਇਕ ਪੇਂਟਹਾਊਸ ਵੀ ਖਰੀਦਿਆ ਸੀ। ਮਿਹਰ ਨੇ ਦੱਸਿਆ ਕਿ ਇਹ ਉਨ੍ਹਾਂ ਦੀ ਜ਼ਿੰਦਗੀ ਦੇ ਇਮੋਸ਼ਨਲ ਪਲਾਂ 'ਚੋਂ ਇਕ ਪਲ ਸੀ।