ਮੁੰਬਈ— ਟੀ. ਵੀ. ਸ਼ੋਅ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਦੀ ਅਦਾਕਾਰ ਬਬਿਤਾ ਅਸਲ ਜ਼ਿੰਦਗੀ 'ਚ ਮੁਨਮੁਨ ਦੱਤਾ ਦੇ ਨਾਂ ਨਾਲ ਜਾਣੀ ਜਾਂਦੀ ਹੈ। ਹਾਲ ਹੀ 'ਚ ਉਨ੍ਹਾਂ ਦੇ ਰਿਸ਼ਤੇ ਨੂੰ ਲੈ ਕੇ ਇਕ ਖਬਰ ਆਈ ਹੈ। ਜੇਕਰ ਇਨ੍ਹਾਂ ਖਬਰਾਂ ਦੀ ਮੰਨੀਏ ਤਾਂ ਮੁਨਮੁਨ ਦੱਤਾ ਬਾਲੀਵੁੱਡ ਦੇ ਇਕ ਐਕਟਰ ਨਾਲ ਰਿਸ਼ਤੇ 'ਚ ਰਹਿ ਚੁੱਕੀ ਹੈ ਪਰ ਇਹ ਰਿਲੇਸ਼ਨਸ਼ਿਪ ਜ਼ਿਆਦਾ ਦੇਰ ਤੱਕ ਨਹੀਂ ਚਲਿਆ ਅਤੇ ਉਨ੍ਹਾਂ ਦਾ ਬ੍ਰੇਕਅੱਪ ਹੋ ਗਿਆ।
ਇਹ ਕਹਾਣੀ ਕੋਈ ਇਕ-ਦੋ ਸਾਲ ਪੁਰਾਣੀ ਨਹੀਂ ਹੈ। ਸਾਲ 2008 'ਚ ਦੋਹਾਂ ਨੇ ਇਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ ਸੀ। ਇਸੀ ਸਾਲ ਦੋਵਾਂ ਦਾ ਬ੍ਰੇਕਅੱਪ ਵੀ ਹੋ ਗਿਆ। ਮੁਨਮੁਨ ਦਾ ਬੁਆਏਫਰੈਂਡ ਅਰਮਾਨ ਕੋਹਲੀ ਸੀ।
ਦੱਸਿਆ ਜਾਂਦਾ ਹੈ ਕਿ ਮੁਨਮੁਨ ਦੇ ਉਸ ਨਾਲ ਬ੍ਰੇਕਅੱਪ ਦਾ ਕਾਰਨ ਸੀ ਅਰਮਾਨ ਦਾ ਗੁੱਸਾ ਸੀ। ਸੁਣਨ 'ਚ ਤਾਂ ਇੱਥੋਂ ਤੱਕ ਆਉਂਦਾ ਹੈ ਕਿ ਵੈਲੇਨਟਾਈਨ ਡੇ 'ਤੇ ਅਰਮਾਨ ਕੋਹਲੀ ਨੇ ਮੁਨਮੁਨ ਨੂੰ ਇਨ੍ਹੀ ਬੂਰੀ ਤਰ੍ਹਾਂ ਕੁੱਟਿਆ ਸੀ, ਜਿਸ ਦਾ ਹਾਲ ਹੀ 'ਚ ਡਾਲੀ ਬਿੰਦਰਾ ਨੇ ਖੁਲਾਸਾ ਕੀਤਾ ਹੈ।
ਉਨ੍ਹਾਂ ਨੇ ਤਾਂ ਇਹ ਵੀ ਕਿਹਾ ਕਿ ਅਰਮਾਨ ਮੁਨਮੁਨ ਦੇ ਨਾਲ ਹਮੇਸ਼ਾ ਗਲਤ ਵਿਵਹਾਰ ਕਰਦਾ ਸੀ।
ਡਾਲੀ ਦਾ ਇਹ ਵੀ ਕਹਿਣਾ ਹੈ ਕਿ ਉਨ੍ਹਾਂ ਨੇ ਅਤੇ ਉਨ੍ਹਾਂ ਦੇ ਪਤੀ ਕੈਜਾਦਾ ਨੇ ਮੁਨਮੁਨ ਅਤੇ ਅਰਮਾਨ ਦਾ ਰਿਸ਼ਤਾ ਬਚਾਉਣ ਲਈ ਕਾਫੀ ਕੋਸ਼ਿਸ਼ ਕੀਤੀ ਪਰ ਅਜਿਹਾ ਮੁਮਕਿਨ ਨਹੀਂ ਹੋ ਪਾਇਆ।
ਪਰੇਸ਼ਾਨ ਮੁਨਮੁਨ ਨੂੰ ਅਰਮਾਨ ਦੇ ਵਿਰੁੱਧ ਪੁਲਸ 'ਚ ਸ਼ਿਕਾਇਤ ਵੀ ਦਰਜ ਕਰਾਉਣੀ ਪਈ। ਪੁਲਸ ਨੇ ਇਸ 'ਤੇ ਐਕਸ਼ਨ ਲਿਆ।