ਮੁੰਬਈ (ਬਿਊਰੋ)— 'ਬਿੱਗ ਬੌਸ' ਦੇ ਸੀਜ਼ਨ 11 'ਚ ਬੰਦਗੀ ਕਾਲਰਾ ਇਸ ਹਫਤੇ ਘਰ 'ਚ ਬੇਘਰ ਹੋ ਚੁੱਕੀ ਹੈ। ਇਸਦੇ ਨਾਲ ਹੀ ਬਿੱਗ ਬੌਸ ਨੇ ਘਰ 'ਚ ਹਰ ਹਫਤੇ ਦੀ ਤਰ੍ਹਾਂ ਇਸ ਹਫੇਤ ਵੀ ਲਗਜ਼ਰੀ ਬਜਟ ਟਾਸਕ ਦਿੱਤਾ ਹੈ। ਇਸ ਲਗਜ਼ਰੀ ਬਜਟ ਟਾਸਕ ਤੋਂ ਬਾਅਦ ਘਰ ਦਾ ਮਾਹੋਲ ਕਾਫੀ ਮਜ਼ੇਦਾਰ ਹੋ ਗਿਆ ਹੈ। ਇਸ ਟਾਸਕ ਦੇ ਮੁਤਾਬਕ, ਘਰ 'ਚ ਮਹਿਲਾਵਾਂ ਦਾ ਰਾਜ ਹੋਵੇਗਾ ਅਤੇ ਘਰ 'ਚ ਮੌਜੂਦ ਸਾਰੇ ਪੁਰਸ਼ ਉਨ੍ਹਾਂ ਦੇ ਸੇਵਕ ਬਣਨਗੇ। ਘਰ ਦੀਆਂ ਮਹਿਲਾਵਾਂ ਪੁਰਸ਼ਾਂ ਨੂੰ ਆਦੇਸ਼ ਦੇਣਗੀਆਂ ਅਤੇ ਉਨ੍ਹਾਂ ਨੂੰ ਸਭ ਹੁਕਮ ਮੰਨਣੇ ਪੈਣਗੇ।
ਹਿਨਾ ਖਾਨ ਨੇ ਇਸ ਟਾਸਕ ਦਾ ਸਹਾਰਾ ਲੈਂਦੇ ਹੋਏ ਵਿਕਾਸ ਗੁਪਤਾ ਅਤੇ ਹਿਤੇਨ ਤੇਜ਼ਵਾਨੀ ਕੋਲੋਂ ਅਜਿਹੇ ਕੰਮ ਕਰਵਾਏ, ਜਿਸ ਨਾਲ ਉਹ ਸ਼ਰਮ ਨਾਲ ਪਾਣੀ-ਪਾਣੀ ਹੁੰਦੇ ਨਜ਼ਰ ਆਏ। ਪਹਿਲਾਂ ਤਾਂ ਉਨ੍ਹਾਂ ਵਿਕਾਸ ਅਤੇ ਹਿਤੇਨ 'ਤੇ ਲੋਸ਼ਨ ਲਗਾਉਣ ਦਾ ਆਦੇਸ਼ ਦਿੱਤਾ। ਅਰਸ਼ੀ ਇੱਥੇ ਹੀ ਨਹੀਂ ਰੁੱਕੀ ਅਤੇ ਆਪਣੇ ਦਿਲ ਦੀ ਇੱਛਾ ਪੂਰੀ ਕਰਦੇ ਹੋਏ ਵਿਕਾਸ ਨੂੰ ਆਦੇਸ਼ ਦਿੱਤਾ ਕਿ ਉਹ ਸਵੀਮਿੰਗ ਪੂਲ 'ਚ ਛਲਾਂਗ ਲਗਾਉਣ ਅਤੇ ਉਨ੍ਹਾਂ ਨੂੰ ਇਮਪ੍ਰੈਸ ਕਰਨ।
ਸ਼ਿਲਪਾ ਸ਼ਿੰਦੇ ਨੇ ਟਾਸਕ ਦੇ ਦੌਰਾਨ ਕਿਹਾ ਕਿ ਪ੍ਰਿਆਂਕ ਅਤੇ ਆਕਾਸ ਉਨ੍ਹਾਂ ਦੇ ਪਿਛੇ ਘੁੰਮਣਗੇ। ਸ਼ਿਲਪਾ ਪ੍ਰਿਆਂਕ ਅਤੇ ਆਕਾਸ਼ ਨੂੰ ਘਰ ਦੀ ਸਫਾਈ ਕਰਨ ਲਈ ਕਹਿੰਦੀ ਹੈ। ਪ੍ਰਿਆਂਕ ਭਾਂਡੇ ਸਾਫ ਕਰਦਾ ਹੈ ਅਤੇ ਆਕਾਸ਼ ਝਾੜੂ ਲਗਾਉਂਦਾ ਹੈ, ਉੱਥੇ ਹੀ ਲਵ ਤਿਆਰੀ ਹਿਨਾ ਦੇ ਸਾਹਮਣੇ ਸ਼ੀਸ਼ਾ ਲੈ ਕੇ ਖੜਾ ਹੁੰਦਾ ਹੈ ਤਾਂ ਜੋ ਉਹ ਮੇਕਅੱਪ ਕਰੇ। ਇਸ ਤੋਂ ਬਾਅਦ ਹਿਨਾ ਲਵ ਅਤੇ ਪੁਨੀਸ਼ ਦਾ ਮੇਕਅੱਪ ਕਰਦੀ ਹੈ ਅਤੇ ਦੋਵਾਂ ਨੂੰ ਸਾੜੀ ਪਹਿਣਾਉਂਦੀ ਹੈ।