ਮੁੰਬਈ(ਬਿਊਰੋ)— ਬਿਹਾਰ ਦੇ ਭਾਗਲਪੁਰ ਸ਼ਹਿਰ ਦੇ ਆਦਮਪੁਰ ਮੁਹੱਲੇ 'ਚ 13 ਅਕਤੂਬਰ 1911 ਨੂੰ ਪੈਦਾ ਹੋਏ ਆਸ਼ੋਕ ਕੁਮਾਰ ਉਰਫ ਦਾਦਾਮੁਨੀ ਸਾਰੇ ਭੈਣ-ਭਰਾਵਾਂ 'ਚ ਵੱਡੇ ਸਨ। ਉਸ ਦੇ ਪਿਤਾ ਕੁੰਜਲਾਲ ਗਾਂਗੁਲੀ ਮੱਧ ਪ੍ਰਦੇਸ਼ ਦੇ ਖੰਡਵਾ 'ਚ ਵਕੀਲ ਸਨ। ਲਗਭਗ 6 ਦਹਾਕੇ ਭੂਮਿਕਾਵਾਂ ਨਾਲ ਦਰਸ਼ਕਾਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੇ ਆਸ਼ੋਕ ਕੁਮਾਰ 10 ਦਸੰਬਰ 2001 ਨੂੰ ਇਸ ਦੁਨੀਆ ਨੂੰ ਅਲਵਿਦਾ ਆਖ ਗਏ ਸਨ। ਆਸ਼ੋਕ ਕੁਮਾਰ ਜਦੋਂ ਪਹਿਲੀ ਵਾਰ ਫਿਲਮੀ ਦੁਨੀਆ 'ਚ ਆਏ, ਤਾਂ ਉਸ ਦੀ ਮਹੀਨੇ ਦੀ ਤਨਖਾਹ 75 ਰੁਪਏ ਸੀ।
ਉਨ੍ਹਾਂ ਦਿਨਾਂ ਨੂੰ ਯਾਦ ਕਰਦੇ ਹੋਏ ਆਸ਼ੋਕ ਨੇ ਇਕ ਵਾਰ ਆਪਣੇ ਪਰਮ ਮਿੱਤਰ ਸਆਦਤ ਹਸਨ ਮੰਟੋ ਨੂੰ ਦੱਸਿਆ ਸੀ , 'ਬਾਈ ਗਾਡ, ਤਨਖਾਹ 'ਚ ਇਸ ਵਾਧੇ ਨਾਲ ਮੇਰੀ ਹਾਲਤ ਅਜੀਬੋ-ਗਰੀਬ ਹੋ ਗਈ ਸੀ। 250 ਰੁਪਏ ਦਫਤਰ ਦੇ ਖਜਾਨੀ ਤੋਂ ਜਦੋਂ ਪਹਿਲੀ ਵਾਰ ਮੈਂ ਇੰਨੀ ਵੱਡੀ ਰਕਮ ਲਈ, ਤਾਂ ਮੇਰੇ ਹਥ ਅਚਾਨਕ ਕੰਬਣ ਲੱਗੇ ਸਨ। ਸਮਝ ਨਹੀਂ ਆ ਰਿਹਾ ਸੀ ਕਿ ਇੰਨੇ ਪੈਸੇ ਮੈਂ ਆਖਿਰ ਕਿੱਥੇ ਰੱਖਾਂਗਾ?
ਅਸ਼ੋਕ ਕੁਮਾਰ ਨੇ ਕਿਹਾ, ਮੇਰਾ ਘਰ ਕੋਈ ਆਲੀਸ਼ਾਨ ਮਕਾਨ ਨਹੀਂ, ਛੋਟਾ ਜਿਹਾ ਕਵਾਰਟਰ ਭਰਿਆ ਸੀ। ਇਕ ਚਾਰਪਾਈ ਸੀ, ਦੋ-ਤਿੰਨ ਟੀਨ ਦੀਆਂ ਕੁਰਸੀਆਂ ਤੇ ਫਿਰ ਘਰ ਦੇ ਚਾਰੋਂ ਪਾਸੇ ਸੰਘਣਾ ਜੰਗਲ ਫੈਲਿਆ ਹੋਇਆ ਸੀ। ਉਨ੍ਹਾਂ ਨੇ ਕਿਹਾ, ''ਰਾਤ ਦੇ ਹਨੇਰੇ 'ਚ ਜੇਕਰ ਕੋਈ ਚੋਰ ਆ ਜਾਵੇ ਤਾਂ ਉਸ ਨੂੰ ਇਸ ਗੱਲ ਦਾ ਪਤਾ ਲੱਗ ਜਾਵੇ ਕਿ ਮੇਰੇ ਕੋਲ ਇੰਨੇ ਰੁਪਏ ਹਨ ਤਾਂ ਮੇਰੀ ਕੀ ਹਾਲਤ ਹੋਵੇਗੀ, ਮੈਂ ਇਹੀ ਸੋਚਣ 'ਚ ਲੱਗਾ ਰਿਹਾ ਸੀ।''
ਆਸ਼ੋਕ ਕੁਮਾਰ ਨੇ ਘਰ ਪਰਤਦੇ ਹੀ ਬਹੁਤ ਸਾਰੀਆਂ ਸਕੀਮਾਂ ਬਣਾ ਲਈਆਂ। ਫਿਰ ਉਥੇ ਪੁੱਜਦੇ ਹੀ ਮੈਂ ਉਨ੍ਹਾਂ ਨੋਟਾਂ ਨੂੰ ਚਾਰਪਾਈ ਦੇ ਹੇਠਾਂ ਵਿਸ਼ੀ ਦਰੀ ਹੇਠਾਂ ਛੁਪਾ ਦਿੱਤੇ। ਸਾਰੀ ਰਾਤ ਮੈਨੂੰ ਡਰਾਉਣੇ ਸੁਪਨੇ ਹੀ ਆਉਂਦੇ ਰਹੇ ਤੇ ਸਵੇਰੇ ਉੱਠ ਕੇ ਸਭ ਤੋਂ ਪਹਿਲਾਂ ਮੈਂ ਉਨ੍ਹਾਂ ਨੋਟਾਂ ਨੂੰ ਡਾਕਖਾਨੇ 'ਚ ਜਮ੍ਹਾ ਕਰਵਾ ਕੇ ਆਇਆ।