ਮੁੰਬਈ (ਬਿਊਰੋ)— ਟੀ.ਵੀ. ਸੀਰੀਅਲ 'ਬਾਲਿਕਾ ਵਧੂ' 'ਚ ਆਨੰਦੀ ਦਾ ਕਿਰਦਾਰ ਨਿਭਾਉਣ ਵਾਲੀ ਅਵਿਕਾ ਗੌਰ ਜਲਦ ਹੀ ਟੀ. ਵੀ. ਦਾ ਸਭ ਤੋਂ ਪੰਸਦੀਦਾ ਰਿਐਲਿਟੀ ਸ਼ੋਅ 'ਖਤਰੋਂ ਕੇ ਖਿਲਾੜੀ' 'ਚ ਨਜ਼ਰ ਆਉਣ ਵਾਲੀ ਹੈ। ਹੁਣ ਤੋਂ ਹੀ ਸ਼ੋਅ ਦੇ ਨਿਰਮਾਤਾ ਟੀ. ਵੀ. ਦੇ ਮਸ਼ਹੂਰ ਚਿਹਰਿਆਂ ਨੂੰ ਅਪ੍ਰੋਚ ਵੀ ਕਰ ਚੁੱਕੇ ਹਨ।
ਬੀਤੇ ਦਿਨੀਂ ਖਬਰਾਂ ਸਾਹਮਣੇ ਆਈਆਂ ਸਨ ਕਿ 'ਖਤਰੋਂ ਕੇ ਖਿਲਾੜੀ' ਸੀਜ਼ਨ 9 ਲਈ ਕਰਣ ਮੁਖੀਆ, ਦੇਵੋਲਿਨਾ ਭੱਟਾਚਾਰਜੀ, ਮੰਦਾਨਾ ਕਰੀਮੀ ਅਤੇ ਕ੍ਰਿਕੇਟਰ ਸ਼੍ਰੀਸੰਤ ਹਿੱਸਾ ਲੈ ਸਕਦੇ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਅਵਿਕਾ ਨੂੰ 'ਖਤਰੋਂ ਕੇ ਖਿਲਾੜੀ' ਲਈ ਅਪ੍ਰੋਚ ਕੀਤਾ ਗਿਆ ਸੀ ਅਤੇ ਉਨ੍ਹਾਂ ਨੇ ਇਸ ਦੇ ਲਈ ਹਾਮੀ ਵੀ ਭਰ ਦਿੱਤੀ ਹੈ। ਦੱਸ ਦੇਈਏ ਕਿ ਇਨੀਂ ਦਿਨੀਂ ਅਵਿਕਾ ਕਲਰਸ ਚੈਨਲ ਦੇ ਸੀਰੀਅਲ 'ਲਾਡੋ 2' ਵਿਚ ਨਜ਼ਰ ਆ ਰਹੀ ਹੈ।