ਜਲੰਧਰ(ਬਿਊਰੋ)— ਪੰਜਾਬੀ ਦੇ ਮਸ਼ਹੂਰ ਰੈਪਰ ਆਦਿੱਤਿਆ ਪ੍ਰਤੀਕ ਸਿੰਘ ਸਿਸੋਦੀਆ, ਜਿਸ ਨੂੰ ਅਸੀਂ ਬਾਦਸ਼ਾਹ ਦੇ ਨਾਂ ਨਾਲ ਜਾਣਦੇ ਹਾਂ, ਅੱਜ ਉਨ੍ਹਾਂ ਦਾ ਜਨਮਦਿਨ ਹੈ। ਉਨ੍ਹਾਂ ਦਾ ਜਨਮ 19 ਨਵੰਬਰ ਨੂੰ ਹੋਇਆ। ਬਾਦਸ਼ਾਹ ਦਾ ਪਹਿਲਾ ਗੀਤ 'ਗੈੱਟ ਅੱਪ ਜਵਾਨੀ' ਨਾਮੀ ਗਾਇਕ ਤੇ ਰੈਪਰ ਯੋ ਯੋ ਹਨੀ ਸਿੰਘ ਨਾਲ ਸਾਲ 2006 'ਚ ਰਿਲੀਜ਼ ਹੋਇਆ ਸੀ।
ਇਸ ਤੋਂ ਬਾਅਦ ਬਾਦਸ਼ਾਹ ਦੀ ਰੈਪਿੰਗ, ਮਿਊਜ਼ਿਕ ਤੇ ਗਾਇਕੀ ਦਾ ਸਫਰ ਤੇਜ਼ ਰਫਤਾਰ ਨਾਲ ਸਫਲਤਾ ਵੱਲ ਵਧਦਾ ਰਿਹਾ।
ਬਾਦਸ਼ਾਹ ਨੇ ਪਾਲੀਵੁੱਡ ਦੇ ਨਾਲ-ਨਾਲ ਬਾਲੀਵੁੱਡ ਦੀਆਂ ਕਈ ਹਿੱਟ ਫਿਲਮਾਂ ਦੇ ਗੀਤਾਂ ਨੂੰ ਆਪਣੀ ਆਵਾਜ਼ ਦਿੱਤੀ।
ਉਨ੍ਹਾਂ ਦੇ ਗੀਤ 'ਡੀ ਜੇ ਵਾਲੇ ਬਾਬੂ' ਨੇ ਕਾਫੀ ਪ੍ਰਸਿੱਧੀ ਖੱਟੀ।
ਇਹ ਗੀਤ ਅੱਜ ਵੀ ਵਿਆਹ-ਪਾਰਟੀਆਂ ਦੀ ਰੌਣਕ ਬਣਦਾ ਹੈ।
ਬਾਦਸ਼ਾਹ ਨੇ ਪਾਲੀਵੁੱਡ ਦੇ ਨਾਲ-ਨਾਲ ਬਾਲੀਵੁੱਡ ਇੰਡਸਟਰੀ ਨੂੰ ਕਦੇ ਨਾ ਭੁੱਲਣ ਵਾਲੇ ਸੁਪਰਹਿੱਟ ਗੀਤ ਦਿੱਤੇ ਹਨ।
ਫਿਲਹਾਲ ਅੱਜ ਅਸੀਂ ਤੁਹਾਨੂੰ ਬਾਦਸ਼ਾਹ ਦੇ ਗੀਤਾਂ ਬਾਰੇ ਨਹੀਂ ਦੱਸਣ ਜਾ ਰਹੇ ਕਿਉਂਕਿ ਇਨ੍ਹਾਂ ਬਾਰੇ ਤਾਂ ਤੁਸੀਂ ਪਹਿਲਾਂ ਹੀ ਜਾਣਦੇ ਹੋਵੋਗੇ।
ਅੱਜ ਤੁਹਾਨੂੰ ਅਸੀਂ ਬਾਦਸ਼ਾਹ ਦੀਆਂ ਪਤਨੀ ਨਾਲ ਕੁਝ ਤਸਵੀਰਾਂ ਦਿਖਾਉਣ ਜਾ ਰਹੇ ਹਾਂ।
ਬਾਦਸ਼ਾਹ ਦਾ ਵਿਆਹ ਜੈਸਮੀਨ ਨਾਲ 18 ਅਕਤੂਬਰ 2012 'ਚ ਹੋਇਆ। ਬਾਦਸ਼ਾਹ ਕਦੇ-ਕਦੇ ਆਪਣੀ ਪਤਨੀ ਨਾਲ ਤਸਵੀਰ ਸਾਂਝੀਆਂ ਕਰਦੇ ਰਹਿੰਦੇ ਹਨ।
