ਮੁੰਬਈ— ਟੀ. ਵੀ. ਡਾਂਸਿੰਗ ਸ਼ੋਅ 'ਨੱਚ ਬੱਲੀਏ 8' 'ਚ ਆਪਣੇ ਜਲਵੇ ਬਿਖੇਰਨ ਤੋਂ ਬਾਅਦ ਹੁਣ ਮੋਨਾਲਿਸਾ ਅਤੇ ਭਾਰਤੀ ਸਿੰਘ ਇੱਕ ਵਾਰ ਮੁੜ ਇਕ-ਦੂਜੀ ਨੂੰ ਟੱਕਰ ਦੇਣਗੀਆਂ। 'ਬਿੱਗ ਬੌਸ' ਦੇ ਫੇਮ ਮੋਨਾਲਿਸਾ ਹੁਣ ਕਾਮੇਡੀ ਦੇ ਮੈਦਾਨ 'ਚ ਵੀ ਉਤਰ ਰਹੀ ਹੈ। ਖਬਰਾਂ ਦੀ ਮੰਨੀਏ ਤਾਂ ਸ਼ੋਅ 'ਕਾਮੇਡੀ ਦੰਗਲ' 'ਚ ਦੋ ਟੀਮ ਬਣਗੀਆਂ, ਜਿਸ 'ਚ 2 ਜੱਜ ਹੋਣਗੇ।
ਇਕ ਅਨੁ ਮਲਿਕ ਤਾਂ ਦੂਜਾ ਟੀਮ ਦੀ ਪਾਰੀ ਭਾਰਤੀ ਸਿੰਘ ਸੰਭਾਲੇਗੀ। ਇਸ ਸ਼ੋਅ 'ਚ ਸੁਰਭੀ ਜੋਤੀ, ਦੋਬਿਨਾ ਚੌਧਰੀ ਅਤੇ ਲਵੀਨਾ ਟੰਡਨ ਵੀ ਹੋਣਗੇ। ਉਥੇ ਹੀ ਮੋਨਾਲਿਸਾ ਭਾਰਤੀ ਸਿੰਘ ਖਿਲਾਫ ਯਾਨੀ ਅਨੁ ਮਲਿਕ ਦੀ ਟੀਮ ਨਾਲ ਮੈਦਾਨ 'ਚ ਉਤਰੇਗੀ। ਦੱਸ ਦਈਏ ਕਿ 'ਸ਼ੋਅ ਕਾਮੇਡੀ ਦੰਗਲ' ਦਾ ਪ੍ਰੋਮੋ ਰਿਲੀਜ਼ ਹੋ ਚੁੱਕਾ ਹੈ।
ਜਿਸ 'ਚ ਅਨੁ ਮਲਿਕ ਅਤੇ ਭਾਰਤੀ ਸਿੰਘ ਨੋਕਝੋਕ ਕਰਦੇ ਨਜ਼ਰ ਆਉਣਗੇ। 'ਬਿੱਗ ਬੌਸ 10' ਅਤੇ 'ਨੱਚ ਬੱਲੀਏ 8' ਤੋਂ ਬਾਅਦ ਮੋਨਾਲਿਸਾ ਦਾ ਇਹ ਤੀਸਰਾ ਰਿਐਲਿਟੀ ਸ਼ੋਅ ਹੋਵੇਗਾ।
