ਮੁੰਬਈ (ਬਿਊਰੋ)— ਕਲਰਸ ਟੀ. ਵੀ. 'ਤੇ ਆਉਣ ਵਾਲਾ ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਦਾ ਸ਼ੋਅ 'ਬਿੱਗ ਬੌਸ 11' ਟੀ. ਆਰ. ਪੀ. ਦੇ ਮਾਮਲੇ 'ਚ ਨੰਬਰ 1 'ਤੇ ਹੈ। ਇਸ ਵਾਰ 'ਬਿੱਗ ਬੌਸ' ਸੀਜ਼ਨ 11 'ਚ ਆਮ ਮੁਕਾਬਲੇਬਾਜ਼ਾਂ ਨੂੰ ਜ਼ਿਆਦਾ ਭੇਜਿਆ ਗਿਆ ਹੈ। ਸੈਲੀਬ੍ਰਿਟੀ ਦੀ ਗੱਲ ਕਰੀਏ ਤਾਂ ਹਿਤੇਨ ਤੇਜ਼ਵਾਨੀ, ਸ਼ਿਲਪਾ ਸ਼ਿੰਦੇ, ਹਿਨਾ ਖਾਨ, ਵਿਕਾਸ ਗੁਪਤਾ ਇਹ ਚਾਰ ਮੁਕਾਬਲੇਬਾਜ਼ ਇਸ ਘਰ 'ਚ ਹਨ। ਅਜਿਹੇ 'ਚ ਫੈਨਜ਼ ਦੇ ਦਿਲਾਂ 'ਚ ਇਹ ਸਵਾਲ ਜ਼ਰੂਰ ਆਉਂਦਾ ਹੋਵੇਗਾ ਕਿ ਫੀਸ ਦੇ ਤੌਰ 'ਤੇ ਇਨ੍ਹਾਂ ਸੈਲੀਬ੍ਰਿਟੀਆਂ ਨੂੰ ਕਲਰਸ ਟੀ. ਵੀ. ਕਿੰਨੇ ਰੁਪਏ ਦਿੰਦੇ ਹੈ।
ਹਿਨਾ ਖਾਨ
ਹਿਨਾ ਖਾਨ ਟੀ. ਵੀ. ਦੀ ਮਸ਼ਹੂਰ ਨੂੰਹ ਹੈ। ਇਸ ਸਮੇਂ ਹਿਨਾ ਘਰ 'ਚ ਆਪਣੇ ਵਿਵਾਦਿਤ ਬਿਆਨਾਂ ਨੂੰ ਲੈ ਕੇ ਕਾਫੀ ਚਰਚਾ 'ਚ ਹੈ। ਹਿਨਾ ਖਾਨ ਨੂੰ ਬਿੱਗ ਬੌਸ ਦੇ ਘਰ 'ਚ ਰਹਿਣ ਲਈ ਇਕ ਹਫਤੇ 'ਚ 8 ਲੱਖ ਰੁਪਏ ਮਿਲਦੇ ਹਨ।
ਹਿਤੇਨ ਤੇਜ਼ਵਾਨੀ
ਪਿਛਲੇ 15 ਸਾਲ ਤੋਂ ਹਿਤੇਨ ਤੇਜ਼ਵਾਨੀ ਛੋਟੇ ਪਰਦੇ 'ਤੇ ਕੰਮ ਕਰ ਰਹੇ ਹਨ। ਇਕ ਮਸ਼ਹੂਰ ਅਭਿਨੇਤਾ ਦੇ ਨਾਲ-ਨਾਲ ਹਿਤੇਨ ਨੇ ਆਪਣੀ ਪਛਾਣ ਇਕ ਚੰਗੇ ਸ਼ਖਸ ਦੀ ਤਰ੍ਹਾਂ ਬਣਾਈ ਹੋਈ ਹੈ। ਸ਼ੋਅ 'ਚ ਹਿਤੇਨ ਨੂੰ ਇਕ ਹਫਤੇ ਲਈ 7.5 ਲੱਖ ਰੁਪਏ ਮਿਲਦੇ ਹਨ।
ਸ਼ਿਲਪਾ ਸ਼ਿੰਦੇ
ਅੰਗੂਰੀ ਭਾਬੀ ਦੇ ਨਾਂ ਨਾਲ ਮਸ਼ਹੂਰ ਸ਼ਿਲਪਾ ਸ਼ਿੰਦੇ ਆਪਣੇ ਵਿਵਾਦਿਤ ਬਿਆਨਾਂ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੀ ਹੈ। ਇਸ ਸਮੇਂ ਬਿੱਗ ਬੌਸ ਦੇ ਘਰ 'ਚ ਸ਼ਿਲਪਾ ਬਾਕੀ ਮੁਕਾਬਲੇਬਾਜ਼ਾਂ ਨੂੰ ਕਾਫੀ ਸਖਤ ਟੱਕਰ ਦੇ ਰਹੀ ਹੈ। ਇਕ ਹਫਤੇ ਲਈ ਸ਼ਿਲਪਾ ਨੂੰ 6.5 ਲੱਖ ਰੁਪਏ ਫੀਸ ਮਿਲਦੀ ਹੈ।
ਵਿਕਾਸ ਗੁਪਤਾ
ਪਹਿਲੇ ਦਿਨ ਤੋਂ ਹੀ ਵਿਕਾਸ ਗੁਪਤਾ ਨੇ ਬਿੱਗ ਬੌਸ ਦੇ ਘਰ 'ਚ ਤਹਿਲਕਾ ਮਚਾਇਆ ਹੋਇਆ ਹੈ। ਸ਼ਿਲਪਾ ਸ਼ਿੰਦੇ ਨਾਲ ਵਿਕਾਸ ਦੀ ਤਕਰਾਰ ਹਮੇਸ਼ਾ ਬਣੀ ਰਹਿੰਦੀ ਹੈ। ਇਸ ਸ਼ੋਅ ਲਈ ਇਕ ਹਫਤੇ 'ਚ ਵਿਕਾਸ 6.5 ਲੱਖ ਲੈਂਦੇ ਹਨ।