ਮੁੰਬਈ (ਬਿਊਰੋ)— ਰਿਐਲਿਟੀ ਸ਼ੋਅ 'ਬਿੱਗ ਬੌਸ' ਸੀਜ਼ਨ 11 'ਚ ਇਨ੍ਹੀਂ ਦਿਨੀਂ ਸੈਮੀ ਫਿਨਾਲੇ ਵੀਕ ਚੱਲ ਰਿਹਾ ਹੈ। ਨਾਮੀਨੇਸ਼ਨ ਪ੍ਰਕਿਰਿਆ ਅਤੇ ਟਿਕਟ-ਟੂ-ਫਿਨਾਲੇ ਟਾਸਕ ਪੂਰਾ ਹੋਣ ਤੋਂ ਬਾਅਦ ਬਿੱਗ ਬੌਸ ਨੇ ਮੁਕਾਬਲੇਬਾਜ਼ਾਂ ਨੂੰ ਲਗਜ਼ਰੀ ਬਜਟ ਟਾਸਕ ਦਿੱਤਾ। ਬਿੱਗ ਬੌਸ ਨੇ ਇਸ ਹਫਤੇ ਲਗਜ਼ਰੀ ਬਜਟ ਟਾਸਕ ਬੇਹੱਦ ਖਾਸ ਰੱਖਿਆ। ਲਗਜ਼ਰੀ ਬਜਟ ਟਾਸਕ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮੁਕਾਬਲੇਬਾਜ਼ਾਂ ਕੋਲ ਜੇਤੂ ਰਕਮ ਵਾਪਸ ਹਾਸਲ ਕਰਨ ਦਾ ਇਕ ਹੋਰ ਮੌਕਾ ਹੈ।
ਇਸ ਟਾਸਕ ਦੌਰਾਨ ਬੀਬੀ ਮਾਊਂਟੇਨ ਟਾਸਕ ਜਿੱਤਣ ਵਾਲੇ ਪੁਨੀਸ਼ ਸ਼ਰਮਾ ਅਤੇ ਲਵ ਤਿਆਗੀ ਨੂੰ ਚੋਰ ਬਣਨ ਲਈ ਕਿਹਾ ਗਿਆ, ਜਦਕਿ ਬਾਕੀ ਘਰ ਵਾਲਿਆਂ ਨੂੰ ਮਿਊਜ਼ਿਮ 'ਚ ਰੱਖੀਆਂ ਗਈਆਂ ਇਨ੍ਹਾਂ ਚੀਜ਼ਾਂ ਨੂੰ ਚੋਰੀ ਤੋਂ ਬਚਾਉਣ ਦਾ ਕੰਮ ਦਿੱਤਾ ਗਿਆ।
ਟਾਸਕ ਦੌਰਾਨ ਵਿਕਾਸ ਦੀ ਸਮਝਦਾਰੀ ਨਾਲ ਪੁਨੀਸ਼ ਤੇ ਲਵ ਕੋਈ ਵੀ ਸਮਾਨ ਚੋਰੀ ਕਰਨ 'ਚ ਅਸਫਲ ਰਹੇ। ਇਸ ਤੋਂ ਬਾਅਦ ਬਿੱਗ ਬੌਸ ਨੇ ਟਾਸਕ ਖਤਮ ਕਰਨ ਦਾ ਐਲਾਨ ਕਰ ਦਿੱਤਾ। ਮੁਕਾਬਲੇਬਾਜ਼ ਜਦੋਂ ਸਾਰੀਆਂ ਚੀਜ਼ਾਂ ਨੂੰ ਬਚਾਉਣ 'ਚ ਸਫਲ ਰਹੇ ਤਾਂ ਬਿੱਗ ਬੌਸ ਨੇ ਕਿਹਾ ਕਿ ਤੁਹਾਨੂੰ ਇਕ ਵਾਰ ਫਿਰ 50 ਲੱਖ ਰੁਪਏ ਜੇਤੂ ਰਕਮ ਵਾਪਸ ਦਿੱਤੀ ਜਾ ਰਹੀ ਹੈ।
ਦੱਸਣਯੋਗ ਹੈ ਕਿ ਸ਼ੁਰੂਆਤੀ ਹਫਤਿਆਂ 'ਚ ਲਗਜ਼ਰੀ ਬਜਟ ਟਾਸਕ ਦੌਰਾਨ ਘਰ ਵਾਲੇ ਸਾਰਾ ਸਾਰੀ ਜੇਤੂ ਰਕਮ ਹਾਰ ਗਏ ਸਨ।