ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਬਾਮਸੇਲ ਅਦਾਕਾਰਾ ਬਿਪਾਸ਼ਾ ਬਾਸੁ ਅੱਜ ਆਪਣੀ 39ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਸ ਦਾ ਜਨਮ 7 ਜਨਵਰੀ ਨੂੰ ਹੋਇਆ ਸੀ। ਬੋਲਡ ਤੇ ਸੈਕਸੀ ਇਮੇਜ਼ ਲਈ ਫਿਲਮੀ ਦੁਨੀਆ 'ਚ ਮਸ਼ਹੂਰ ਬਿਪਾਸ਼ਾ ਦੇ ਕਰੀਅਰ ਨਾਲ ਹੀ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਖੂਬ ਚਰਚਾ 'ਚ ਰਹੀ। ਦੱਸ ਦੇਈਏ ਕਿ ਪਿਛਲੇ ਦਿਨੀਂ ਇਕ ਇੰਟਰਵਿਊ ਦੌਰਾਨ ਬਿਪਾਸ਼ਾ ਨੇ ਜਾਨ ਅਬਰਾਹਿਮ ਲਈ ਕਿਹਾ ਸੀ ਕਿ ਜੇਕਰ ਤੁਹਾਡਾ ਐਕਸ... ਹੋਵੇ ਤਾਂ ਉਸ ਨਾਲ ਦੋਸਤੀ ਰੱਖਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ।
ਸਾਧਾਰਨ ਜਿਹੀ ਦਿਖਣ ਵਾਲੀ ਬਿਪਾਸ਼ਾ ਨੇ 16 ਸਾਲ ਦੀ ਉਮਰ ਨਾਲ ਹੀ ਮਾਡਲਿੰਗ ਸ਼ੁਰੂ ਕਰ ਦਿੱਤੀ ਸੀ। ਇੰਨੀ ਘੱਟ ਉਮਰ 'ਚ ਹੀ ਬਿਪਾਸ਼ਾ ਨੇ ਗੋਦਰੇਜ ਸਿੰਥੌਲ ਸੁਪਰ ਮਾਡਲ ਕੰਟੈਸਟ ਜਿੱਤਿਆ। ਇਸ ਤੋਂ ਬਾਅਦ ਬਿਪਾਸ਼ਾ ਨੇ ਕਈ ਮਾਡਲਿੰਗ ਅਸਾਈਨਮੈਂਟਸ ਕੀਤੇ ਅਤੇ ਫਿਰ ਫਿਲਮਾਂ 'ਚ ਕਦਮ ਰੱਖਿਆ। ਬਿਪਾਸ਼ਾ ਨੇ ਫਿਲਮ 'ਅਜਨਬੀ' ਨਾਲ ਬਾਲੀਵੁੱਡ 'ਚ ਸ਼ੁਰੂਆਤ ਕੀਤੀ ਤੇ ਹੁਣ ਅਜਿਹਾ ਸਮਾਂ ਆ ਗਿਆ ਹੈ ਕਿ ਜਦੋਂ ਮੋਹਤਰਮਾ ਕਿਸੇ ਲਈ ਅਜਨਬੀ ਨਹੀਂ ਹੈ।
ਆਪਣੀ ਫਿਟਨੈੱਸ ਤੇ ਬੇਹੱਦ ਸੈਕਸੀ ਬਾਡੀ ਕਰਕੇ ਬਿਪਾਸ਼ਾ ਹਮੇਸ਼ਾ ਤੋਂ ਹੀ ਬਾਲੀਵੁੱਡ ਦੇ ਡਾਇਰੈਕਟਰਸ ਤੇ ਪ੍ਰੋਡਿਊਸਰ ਦੀ ਮਨਪਸੰਦ 'ਚ ਰਹੀ ਹੈ। 'ਰਾਜ', 'ਜਿਸਮ', 'ਨੋ ਐਂਟਰੀ', 'ਫਿਰ ਹੇਰਾ ਫੇਰੀ', 'ਅਪਹਰਣ', 'ਰੇਸ' ਤੇ 'ਧੂਮ 2' ਬਿਪਾਸ਼ਾ ਦੀ ਸਫਲ ਫਿਲਮਾਂ ਹਨ, ਜਿਨ੍ਹਾਂ ਨੇ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕੀਤੀ।
ਸਾਲ 2011 'ਚ ਕਰਵਾਏ ਗਏ ਸਰਵੇ 50 ਮੋਸਟ ਡਿਜ਼ਾਅਰੇਬਲ ਵੂਮੈਨ 'ਚ ਬਿਪਾਸ਼ਾ 8ਵੇਂ ਨੰਬਰ 'ਤੇ ਰਹੀ ਹੈ। ਸਾਲ 2013 'ਚ ਉਸ ਨੇ 7ਵਾਂ ਸਥਾਨ ਪ੍ਰਾਪਤ ਕੀਤਾ। ਇੰਨਾ ਹੀ ਨਹੀਂ ਸਾਲ 2005 ਤੇ 2007 'ਚ ਯੂ ਕੇ ਦੀ ਇਸਟਰਨ ਆਈ ਮੈਗਜ਼ੀਨ ਨੇ ਬਿਪਾਸ਼ਾ ਨੂੰ ਸੈਕਸੀਐਸਟ ਵੂਮੈਨ ਇੰਨ ਏਸ਼ੀਆ ਦੇ ਖਿਤਾਬ ਨਾਲ ਨਵਾਜਿਆ ਗਿਆ।
ਜੇਕਰ ਗੱਲ ਕਰੀਏ ਬਿਪਾਸ਼ਾ ਦੀ ਨਿੱਜੀ ਜ਼ਿੰਦਗੀ ਦੀ ਤਾਂ ਫਿਲਮ 'ਰਾਜ਼' ਦੌਰਾਨ ਬਿਪਾਸ਼ਾ ਤੇ ਡੀਨੋ ਮੋਰੀਆ ਇਕ-ਦੂਜੇ ਕਰੀਬ ਆਏ ਤੇ ਫਿਰ ਇਨ੍ਹਾਂ 'ਚ ਪਿਆਰ ਵੀ ਹੋਇਆ, ਹਾਲਾਂਕਿ 6 ਸਾਲ ਤੱਕ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਦੋਹਾਂ ਨੇ ਆਪਣੇ ਰਾਹ ਵੱਖਰੇ-ਵੱਖਰੇ ਕਰ ਲਏ। ਦੋਵੇਂ ਸਾਲ 2002 'ਚ ਆਈ ਫਿਲਮ 'ਗੁਨਾਹ' 'ਚ ਆਖਰੀ ਵਾਰ ਦਿਖੇ। ਬੇਹੱਦ ਬੋਲਡ ਫਿਲਮ ਤੇ ਦੋਵਾਂ ਦੀ ਹੌਟ ਕੈਮਿਸਟਰੀ ਹੋਣ ਦੇ ਬਾਵਜੂਦ ਫਿਲਮ ਫਲਾਪ ਰਹੀ।
ਡੀਨੋ ਮੋਰੀਆ ਤੇ ਬਿਪਾਸ਼ਾ ਬਾਸੁ ਅੱਜ ਵੀ ਖਾਸ ਦੋਸਤ ਹਨ ਤੇ ਇਕ-ਦੂਜੇ ਦੇ ਬੇਹੱਦ ਕਰੀਬ ਹਨ। ਜਾਨ ਤੇ ਬਿਪਾਸ਼ਾ ਦਾ ਰਿਲੇਸ਼ਨ 10 ਸਾਲ ਤੱਕ ਚੱਲਿਆ। ਇੰਨੀ ਦਿਨੀਂ ਦੀ ਕੈਮਿਸਟਰੀ ਫਿਲਮੀ ਪਰਦੇ 'ਤੇ ਕਾਫੀ ਪਸੰਦ ਦੀ ਜਾਂਦੀ ਹੈ। ਦੋਹਾਂ ਦੇ ਪਿਆਰ ਦੀ ਸ਼ੁਰੂਆਤ ਸਾਲ 2003 ਦੀ ਫਿਲਮ 'ਜਿਸਮ' ਦੌਰਾਨ ਹੋਈ ਸੀ। ਫਿਲਮ ਦੇ ਸੈੱਟ ਤੋਂ ਸ਼ੁਰੂ ਹੋਈ ਇਸ ਲਵ ਸਟੋਰੀ 'ਤੇ 10 ਸਾਲ ਬਾਅਦ ਬ੍ਰੇਕ ਲੱਗਾ।
ਦੋਹਾਂ ਦਾ ਪਿਆਰ ਤੇ ਬੌਨਿੰਗ ਦੇਖ ਕੇ ਲੱਗਦਾ ਸੀ ਕਿ ਇੰਨਾਂ ਦਾ ਰਿਸ਼ਤਾ ਵਿਆਹ ਦੇ ਮੰਡਪ ਤੱਕ ਜਾਵੇਗਾ ਪਰ ਕਿਸਮਤ ਨੂੰ ਸ਼ਾਇਦ ਕੁਝ ਹੋਰ ਹੀ ਮਨਜ਼ੂਰ ਹੈ। ਜਾਨ ਨਾਲ ਬ੍ਰੇਕਅੱਪ ਤੋਂ ਬਾਅਦ ਬਿਪਾਸ਼ਾ ਦਾ ਹਰਮਨ ਬਾਵੇਜ ਨਾਲ ਵੀ ਨਾਂ ਜੁੜਿਆ ਸੀ।
ਹਾਲਾਂਕਿ ਦੋਹਾਂ ਦਾ ਅਫੇਅਰ ਲੰਬੇ ਸਮੇਂ ਤੱਕ ਨਹੀਂ ਚੱਲ ਸਕਿਆ। ਇਸ ਤੋਂ ਬਾਅਦ ਬਿਪਾਸ਼ਾ ਦੀ ਜ਼ਿੰਦਗੀ 'ਚ ਕਰਨ ਸਿੰਘ ਗਰੋਵਰ ਦੀ ਐਂਟਰੀ ਹੋਈ। ਸਾਲ 2016 'ਚ ਹੀ ਉਸ ਨੇ ਕਰਨ ਸਿੰਘ ਗਰੋਵਰ ਨਾਲ ਵਿਆਹ ਕਰਵਾਇਆ।