ਨਵੀਂ ਦਿੱਲੀ(ਬਿਊਰੋ)— ਅਦਾਕਾਰਾ ਬਿਪਾਸ਼ਾ ਬਾਸੂ ਦਾ ਕਹਿਣਾ ਹੈ ਕਿ ਮਾਡਲਿੰਗ ਹੁਣ ਗੰਭੀਰ ਅਤੇ ਚੁਣੌਤੀ ਭਰਪੂਰ ਪੇਸ਼ਾ ਬਣ ਗਿਆ ਹੈ। ਮਾਡਲਿੰਗ ਦੀ ਦੁਨੀਆ ਤੋਂ ਬਾਲੀਵੁੱਡ ਵਿਚ ਆਈ ਬਿਪਾਸ਼ਾ ਬਾਸੂ ਦਾ ਕਹਿਣਾ ਹੈ ਕਿ ਮਾਡਲਿੰਗ ਹੁਣ ਗੰਭੀਰ ਅਤੇ ਚੁਣੌਤੀ ਭਰਪੂਰ ਪੇਸ਼ਾ ਬਣ ਗਿਆ ਹੈ। ਬਿਪਾਸ਼ਾ ਤੋਂ ਜਦੋਂ ਮਾਡਲਿੰਗ ਵਿਚ ਆਏ ਬਦਲਾਅ ਬਾਰੇ ਪੁੱਛਿਆ ਗਿਆ ਤਾਂ ਉਸਨੇ ਕਿਹਾ ਕਿ ਇਹ ਗੰਭੀਰ ਕਾਰੋਬਾਰ ਬਣ ਗਿਆ ਹੈ।
ਇਸ ਖੇਤਰ ਵਿਚ ਹਮੇਸ਼ਾ ਬਿਹਤਰੀਨ ਲੋਕਾਂ ਦੀ ਲੋੜ ਹੁੰਦੀ ਹੈ ਕਿਉਂਕਿ ਇਹ ਇਕ ਚੁਣੌਤੀ ਭਰਪੂਰ ਪੇਸ਼ਾ ਹੈ। ਜਿਹੜੇ ਲੋਕ ਪ੍ਰਵੇਸ਼ ਕਰ ਰਹੇ ਹਨ, ਉਨ੍ਹਾਂ ਲਈ ਸਿਹਤ ਦੀ ਦੇਖਭਾਲ, ਸਹੀ ਖਾਣਾ ਤੇ ਫਿੱਟ ਰਹਿਣਾ ਜ਼ਰੂਰੀ ਹੈ।
ਬਿਪਾਸ਼ਾ ਨੇ ਕ੍ਰਿਸ਼ਮਾ ਤੇ ਦੀਪਾ ਸੋਂਧੀ ਦੇ ਸੰਗ੍ਰਹਿ 'ਰਸਭਰੀ' ਲਈ ਵਾਕ ਕੀਤਾ। ਲਾਲ ਰੰਗ ਦਾ ਲਹਿੰਗਾ ਤੇ ਬਲਾਊਜ਼ ਪਹਿਨੇ ਬਿਪਾਸ਼ਾ ਰਾਜਧਾਨੀ ਵਿਚ ਪਰਤਣ 'ਤੇ ਬੇਹੱਦ ਖੁਸ਼ ਨਜ਼ਰ ਆਈ।
ਉਸ ਨੇ ਕਿਹਾ, ''ਮੈਂ ਦਿੱਲੀ ਵਾਪਸ ਆ ਕੇ ਖੁਸ਼ ਹਾਂ। ਮੇਰਾ ਮਾਡਲਿੰਗ ਦੇ ਦਿਨਾਂ ਵਾਲਾ ਅਹਿਸਾਸ ਤਰੋਤਾਜ਼ਾ ਹੋ ਗਿਆ।