ਮੁੰਬਈ— ਹਾਲ ਹੀ 'ਚ ਬਿਪਾਸ਼ਾ ਬਸੂ ਤੇ ਉਸ ਦੇ ਪਤੀ ਕਰਨ ਸਿੰਘ ਗਰੋਵਰ ਨੂੰ ਜੁਹੂ ਵਿਖੇ ਦੇਖਿਆ ਗਿਆ। ਅਸਲ 'ਚ ਇਹ ਦੋਵੇਂ ਇਥੇ ਸਪਾ ਸੈਸ਼ਨ ਲਈ ਆਏ ਸਨ। ਸੈਸ਼ਨ ਤੋਂ ਬਾਅਦ ਇਨ੍ਹਾਂ ਨੂੰ ਕੈਮਰੇ 'ਚ ਕੈਦ ਕਰ ਲਿਆ ਗਿਆ। ਇਹ ਕੱਪਲ ਬਹੁਤ ਸਕੂਨ ਭਰਿਆ ਨਜ਼ਰ ਆ ਰਿਹਾ ਸੀ। ਇਸ ਦੌਰਾਨ ਬਿਪਾਸ਼ਾ ਕਾਲਾ ਫੁੱਲਾਂ ਵਾਲੇ ਜੰਪ ਸੂਟ ਪਹਿਨੀ ਹੋਈ ਨਜ਼ਰ ਆਈ, ਉਥੇ ਕਰਨ ਕਾਲੇ ਤੇ ਸਫੈਦ ਰੰਗ ਦੇ ਪਹਿਰਾਵੇ 'ਚ ਨਜ਼ਰ ਆਏ। ਦੱਸਣਯੋਗ ਹੈ ਕਿ ਕਰਨ ਤੇ ਬਿਪਾਸ਼ਾ ਖੁਦ ਨੂੰ ਫਿੱਟ ਰੱਖਣ ਲਈ ਸਪਾ ਤੋਂ ਇਲਾਵਾ ਰੋਜ਼ਾਨਾ ਕਸਰਤ ਵੀ ਕਰਦੇ ਹਨ। ਦੋਵੇਂ ਅਕਸਰ ਸੋਸ਼ਲ ਮੀਡੀਆ 'ਤੇ ਕਸਰਤ ਦੌਰਾਨ ਦੀਆਂ ਤਸਵੀਰਾਂ ਅਪਲੋਡ ਕਰਦੇ ਰਹਿੰਦੇ ਹਨ।