ਨਵੀਂ ਦਿੱਲੀ— ਪੁਰਾਣੀ ਕਹਾਵਤ ਹੈ ਕਿ ਦੂਜਿਆਂ ਨੂੰ ਨਸੀਹਤ ਦੇਣ ਤੋਂ ਪਹਿਲਾਂ ਖੁਦ ਦੇ ਗਿਰੇਬਾਨ 'ਚ ਝਾਕ ਲੈਣਾ ਚਾਹੀਦਾ ਹੈ। ਅਜਿਹਾ ਹੀ ਕੁਝ ਹੋਇਆ ਭਾਜਪਾ ਦੇ ਮਾਲਵੀ ਨਗਰ ਮੰਡਲ ਪ੍ਰਧਾਨ ਦੇ ਨਾਲ। ਕੱਲ ਤਕ ਲੋਕਾਂ ਨੂੰ ਪੋਰਨ ਮੂਵੀਜ਼ ਅਤੇ ਸੰਨੀ ਲਿਓਨ 'ਤੇ ਉਪਦੇਸ਼ ਦੇਣ ਵਾਲੇ ਮੰਡਲ ਪ੍ਰਧਾਨ ਜੀ ਨੇ ਭਾਜਪਾ ਨਵੀਂ ਦਿੱਲੀ ਜ਼ਿਲਾ ਨਾਂ ਦੇ ਵ੍ਹਟਸਐਪ ਗਰੁੱਪ 'ਚ ਅਸਲੀ ਬਾਹੂਬਲੀ ਨਾਂ ਨਾਲ ਇਕ ਪੋਸਟ ਕੀਤਾ ਜਿਸ 'ਚ ਉਨ੍ਹਾਂ ਨੇ ਸਨੀ ਲਿਓਨ ਨੂੰ ਅਸਲੀ ਬਾਹੂਬਲੀ ਦੇ ਰੂਪ 'ਚ ਦਿਖਾਇਆ ਹੈ।
ਸੰਨੀ ਲਿਓਨ ਦੀਆਂ ਅਸ਼ਲੀਲ ਪਿਕਸ ਪੋਸਟ ਕਰਨ ਤੋਂ ਪਹਿਲਾਂ ਪ੍ਰਧਾਨ ਜੀ ਨੇ ਇਹ ਵੀ ਨਹੀਂ ਸੋਚਿਆ ਕਿ ਇਸ ਗਰੁੱਪ 'ਚ ਨਵੀਂ ਦਿੱਲੀ ਸੰਸਦ ਮੈਂਬਰ ਮੀਨਾਕਸ਼ੀ ਲੇਖੀ ਸਮੇਤ ਤਮਾਮ ਔਰਤਾਂ ਨਿਗਮ ਕੌਂਸਲ 'ਚ ਵੀ ਸ਼ਾਮਿਲ ਹਨ।
ਗੱਲ ਬੀਤੇ ਸ਼ਨੀਵਾਰ ਦੀ ਹੈ। ਵ੍ਹਟਸਐੱਪ ਗਰੁੱਪ 'ਚ ਸ਼ਾਂਤੀ ਸੀ ਪਰ ਗਰੁੱਪ 'ਚ ਮੈਂਬਰਾਂ ਦੇ ਗੁੱਸੇ ਦਾ ਗੁਬਾਰ ਫੁੱਟ ਪਿਆ। ਮੰਡਲ ਦੇ ਪ੍ਰਧਾਨ ਨੇ 'ਅਸਲੀ ਬਾਹੂਬਲੀ' ਨਾਂ ਦਾ ਪੋਸਟ ਕੀਤਾ, ਪੋਸਟ ਕਰਨ ਤੋਂ ਬਾਅਦ ਲੋਕਾਂ ਨੇ ਜਿਵੇਂ ਹੀ ਉਸ ਨੂੰ ਡਾਊਨਲੋਡ ਕੀਤਾ ਉਂਝ ਹੀ ਉਨ੍ਹਾਂ ਦਾ ਗੁੱਸਾ ਫੁੱਟ ਪਿਆ।
ਗਰੁੱਪ ਦੇ ਮੈਂਬਰਾਂ ਨੇ ਮੰਡਲ ਦੇ ਪ੍ਰਧਾਨ ਨੂੰ ਨੈਤਿਕਤਾ ਦਾ ਪਾਠ ਪੜ੍ਹਾਇਆ। ਮਾਮਲਾ ਵਧਦਾ ਦੇਖ ਕੇ ਗਰੁੱਪ ਨੇ ਮੰਡਲ ਪ੍ਰਧਾਨ ਨੂੰ ਗਰੁੱਪ ਤੋਂ ਬਾਹਰ ਕਰ ਦਿੱਤਾ ਪਰ ਗਰੁੱਪ ਦੇ ਹੋਰ ਮੈਂਬਰਾਂ ਦੀ ਡਿਮਾਂਡ 'ਤੇ ਉਨ੍ਹਾਂ ਨੂੰ ਫਿਰ ਤੋਂ ਗਰੁੱਪ 'ਚ ਇਸ ਲਈ ਜੋੜਿਆ ਗਿਆ ਤਾਂ ਕਿ ਉਹ ਲੋਕਾਂ ਦੇ ਕਮੈਂਟਸ ਪੜ੍ਹ ਸਕੇ।