ਮੁੰਬਈ (ਬਿਊਰੋ)— ਸਲਮਾਨ ਖਾਨ ਨੇ ਬਾਲੀਵੁੱਡ 'ਚ ਕਈ ਨਵੇਂ ਚਿਹਰਿਆਂ ਨੂੰ ਲਾਂਚ ਕੀਤਾ ਹੈ। ਹੁਣ ਉਹ ਬੌਬੀ ਦਿਓਲ ਦਾ ਕਰੀਅਰ ਬਣਾਉਣ 'ਚ ਲੱਗੇ ਹੋਏ ਹਨ। ਸਭ ਤੋਂ ਪਹਿਲਾਂ ਤਾਂ ਉਨ੍ਹਾਂ ਨੇ ਆਪਣੀ ਫਿਲਮ 'ਰੇਸ 3' 'ਚ ਬੌਬੀ ਨੂੰ ਮੌਕਾ ਦਿੱਤਾ। ਟਰੇਲਰ 'ਚ ਪ੍ਰਸ਼ੰਸਕਾਂ ਨੇ ਬੌਬੀ ਨੂੰ ਖੂਬ ਪਸੰਦ ਕੀਤਾ ਹੈ। ਖਬਰ ਹੈ ਕਿ ਬੌਬੀ, ਸਲਮਾਨ ਦੀ 'ਦਬੰਗ 3' 'ਚ ਵੀ ਮੁੱਖ ਭੂਮਿਕਾ 'ਚ ਨਜ਼ਰ ਆਉਣਗੇ।
ਇਸ ਤੋਂ ਇਲਾਵਾ ਸਲਮਾਨ ਨੇ ਬੌਬੀ ਨੂੰ ਇਕ ਸੋਲੋ ਫਿਲਮ ਲਈ ਵੀ ਅਪ੍ਰੋਚ ਕੀਤਾ ਹੈ। ਅਸਲ 'ਚ ਇਹ ਫਿਲਮ ਪਹਿਲਾਂ ਸਲਮਾਨ ਨੂੰ ਦਿੱਤੀ ਗਈ ਸੀ। ਸਲਮਾਨ ਨੇ ਸਕ੍ਰਿਪਟ ਪੜ੍ਹੀ ਅਤੇ ਉਨ੍ਹਾਂ ਨੂੰ ਲੱਗਾ ਕਿ ਇਸ ਕਿਰਦਾਰ ਲਈ ਬੌਬੀ ਫਿੱਟ ਹੋਣਗੇ। ਜਦੋਂ ਸਲਮਾਨ ਨੇ ਬੌਬੀ ਨੂੰ ਇਹ ਗੱਲ ਦੱਸੀ ਤਾਂ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ। ਬੌਬੀ ਦਾ ਕਹਿਣਾ ਹੈ ਕਿ ਅਜੇ ਉਨ੍ਹਾਂ ਨੇ ਕਮਬੈਕ ਕੀਤਾ ਹੈ। ਅਜਿਹੇ 'ਚ ਉਹ ਮਲਟੀਸਟਾਰਰ ਫਿਲਮਾਂ ਹੀ ਕਰਨੀਆਂ ਚਾਹੀਦੀਆਂ ਹਨ।
ਉਹ ਨਹੀਂ ਚਾਹੁੰਦੇ ਕਿ ਉਨ੍ਹਾਂ 'ਤੇ ਕਿਸੇ ਵੀ ਤਰ੍ਹਾਂ ਦਾ ਪ੍ਰੈਸ਼ਰ ਰਹੇ। ਹਾਲਾਂਕਿ ਸਲਮਾਨ ਨੇ ਉਨ੍ਹਾਂ ਨੂੰ ਇਕ ਵਾਰ ਫਿਰ ਸੋਚਣ ਲਈ ਕਿਹਾ ਹੈ। ਸਲਮਾਨ ਦੀ ਇਹ ਦਿਆਲਗੀ ਕਿਤੇ ਸਲਮਾਨ ਨੂੰ ਭਾਰੀ ਨਾ ਪੈ ਜਾਵੇ। ਬੌਬੀ ਕੋਲ 'ਰੇਸ 3' ਤੋਂ ਇਲਾਵਾ 'ਹਾਊਸਫੁੱਲ 4' ਅਤੇ 'ਯਮਲਾ ਪਗਲਾ ਦੀਵਾਨਾ ਫਿਰ ਸੇ' ਵੀ ਹੈ।
ਬੌਬੀ ਦਿਓਲ ਨੇ ਹਾਲ ਹੈ 'ਚ ਦਿੱਤੇ ਇੰਟਰਵਿਊ 'ਚ ਦੱਸਿਆ ਸੀ ਕਿ ਜਦੋਂ ਸਲਮਾਨ ਦਾ ਕਰੀਅਰ ਡਗਮਗਾਇਆ ਸੀ ਤਾਂ ਉਹ ਸੰਨੀ ਦਿਓਲ ਅਤੇ ਸੰਜੇ ਦੱਤ ਦੀ ਪਿੱਠ 'ਤੇ ਚੜ੍ਹ ਗਏ ਸਨ। ਇਸ ਲਈ ਮੈਂ ਮਾਮੂ (ਸਲਮਾਨ) ਨੂੰ ਕਿਹਾ ਕਿ ਹੁਣ ਮੈਨੂੰ ਪਿੱਠ 'ਤੇ ਚੜ੍ਹਣ ਦਿਓ। ਮੈਨੂੰ ਫਿਲਮਾਂ 'ਚ ਕੰਮ ਦਿਓ। ਬੌਬੀ ਨੇ ਇਕ ਵਾਰ ਬੇਨਤੀ ਕੀ ਕੀਤੀ, ਸਲਮਾਨ ਉਨ੍ਹਾਂ ਲਈ ਫਿਲਮਾਂ ਦੀ ਲਾਈਨ ਲਗਾਉਂਦੇ ਜਾ ਰਹੇ ਹਨ ਪਰ ਬੌਬੀ ਫਿਲਹਾਲ ਸੋਲੋ ਹੀਰੋ ਵਾਲੀ ਫਿਲਮ ਨਹੀਂ ਕਰਨਾ ਚਾਹੁੰਦੇ।