ਮੁੰਬਈ(ਬਿਊਰੋ)— ਉਂਝ ਤਾਂ ਬਾਲੀਵੁੱਡ ਅਭਿਨੇਤਰੀਆਂ ਮੰਗਲਸੂਤਰ ਘੱਟ ਹੀ ਪਾਉਂਦੀਆਂ ਹਨ। ਇਸ ਦਾ ਮਤਲਬ ਇਹ ਨਹੀਂ ਕਿ ਉਨ੍ਹਾਂ ਲਈ ਮੰਗਲਸੂਤਰ ਦੀ ਕੋਈ ਕੀਮਤ ਨਹੀਂ ਹੈ। ਦੱਸ ਦੇਈਏ ਕਿ ਬਾਲੀਵੁੱਡ ਅਭਿਨੇਤਰੀਆਂ ਕੋਲ੍ਹ ਕਾਫੀ ਮਹਿੰਗੇ ਮੰਗਲਸੂਤਰ ਹਨ। ਅੱਜ ਅਸੀਂ ਤੁਹਾਨੂੰ ਇਸ ਰਾਹੀਂ ਬਾਲੀਵੁੱਡ ਅਭਿਨੇਤਰੀਆਂ ਦੇ ਮੰਗਲਸੂਤਰਾਂ ਦੀ ਕੀਮਤ ਦੱਸਦੇ ਹਾਂ।
ਅਨੁਸ਼ਕਾ ਸ਼ਰਮਾ ਦੀ ਮੰਗਲਸੂਤਰ ਦੀ ਕੀਮਤ 52 ਲੱਖ ਰੁਪਏ ਹੈ। ਇਹ ਮੰਗਲਸੂਤਰ ਡਾਇਮੰਡ ਦਾ ਹੈ। ਅਨੁਸ਼ਕਾ-ਵਿਰਾਟ ਦਾ ਵਿਆਹ 11 ਦਸੰਬਰ 2017 'ਚ ਹੋਇਆ ਸੀ।
ਐਸ਼ਵਰਿਆ ਰਾਏ ਬੱਚਨ ਵੀ ਕਦੇ ਕਦੇ ਸਿੰਦੂਰ ਤੇ ਮੰਗਲਸੂਤਰ ਪਹਿਨੇ ਦਿਖ ਜਾਂਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਉਨ੍ਹਾਂ ਦੇ ਮੰਗਲਸੂਤਰ ਦੀ ਕੀਮਤ 45 ਲੱਖ ਰੁਪਏ ਹੈ। ਉਨ੍ਹਾਂ ਦੇ ਮੰਗਲਸੂਤਰ 'ਚ ਡਾਇਮੰਡ ਲੱਗੇ ਹਨ। ਐਸ਼ ਤੇ ਅਭਿਸ਼ੇਕ ਬੱਚਨ ਦਾ ਵਿਆਹ 20 ਅਪ੍ਰੈਲ 2007 'ਚ ਹੋਇਆ ਸੀ।
ਸ਼ਿਲਪਾ ਸ਼ੈਟੀ ਵਧੇਰੇ ਵੈਸਟਰਨ ਆਊਟਫਿੱਟਜ਼ 'ਚ ਦਿਖਦੀ ਹੈ। ਰਿਵਾਇਤੀ ਕੱਪੜਿਆਂ 'ਚ ਉਹ ਘੱਟ ਹੀ ਦਿਖਦੀ ਹੈ। ਸ਼ਿਲਪਾ ਮੰਗਲਸੂਤਰ ਨੂੰ ਕਦੇ ਗਲੇ 'ਚ ਤਾਂ ਕਦੇ ਆਪਣੀ ਗੁੱਟ 'ਤੇ ਬੰਨ੍ਹ ਲੈਂਦੀ ਹੈ। ਉਨ੍ਹਾਂ ਦੇ ਇਸ ਮੰਗਲਸੂਤਰ ਦੀ ਕੀਮਤ 30 ਲੱਖ ਰੁਪਏ ਹੈ। ਸ਼ਿਲਪਾ ਨੇ ਬਿਜ਼ਨੈੱਸਮੈਨ ਰਾਜ ਕੁੰਦਰਾ ਨਾਲ 22 ਨਵੰਬਰ 2009 'ਚ ਵਿਆਹ ਕੀਤਾ ਸੀ।
ਅਦਾਕਾਰਾ ਕਾਜੋਲ ਦੇ ਕੋਲ੍ਹ 21 ਲੱਖ ਰੁਪਏ ਦਾ ਮੰਗਲਸੂਤਰ ਹੈ। ਉਨ੍ਹਾਂ ਦੇ ਮੰਗਲਸੂਤਰ 'ਚ ਡਾਇਮੰਡ ਲੱਗੇ ਹਨ। ਕਾਜੋਲ ਨੇ ਐਕਟਰ ਅਜੈ ਦੇਵਗਨ ਨਾਲ 24 ਫਰਵਰੀ, 1999 'ਚ ਵਿਆਹ ਕੀਤਾ ਸੀ।
ਮਾਧੁਰੀ ਦੀਕਸ਼ਿਤ ਦੇ ਕੋਲ੍ਹ ਤਕਰੀਬਨ 8.5 ਲੱਖ ਰੁਪਏ ਦੀ ਕੀਮਤ ਦਾ ਮੰਗਲਸੂਤਰ ਹੈ। ਉਨ੍ਹਾਂ ਦਾ ਮੰਗਲਸੂਤਰ ਗੋਲਡ ਤੇ ਕਾਲੇ ਮੋਤੀਆਂ ਨਾਲ ਬਣਿਆ ਹੈ, ਜਿਸ 'ਚ ਰੁਦਰਾਕਸ਼ ਦੇ ਮੋਤੀ ਵੀ ਲੱਗੇ ਹਨ। ਹਾਲਾਂਕਿ ਉਹ ਘੱਟ ਹੀ ਮੰਗਲਸੂਤਰ ਪਾਉਂਦੀ ਹੈ। ਮਾਧੁਰੀ ਨੇ ਅਮਰੀਕੀ ਡਾਕਟਰ ਸ਼੍ਰੀਰਾਮ ਨੇਨੇ ਨਾਲ 17 ਅਕਤੂਬਰ 1999 'ਚ ਵਿਆਹ ਕੀਤਾ ਸੀ।
ਕਰਿਸ਼ਮਾ ਕਪੂਰ ਦੇ ਮੰਗਲਸੂਤਰ ਦੀ ਕੀਮਤ 17 ਲੱਖ ਰੁਪਏ ਹੈ। ਕਰਿਸ਼ਮਾ ਨੇ ਬਿਜ਼ਨੈੱਸਮੈਨ ਸੰਜੇ ਕਪੂਰ ਨਾਲ 29 ਸਤੰਬਰ, 2003 'ਚ ਵਿਆਹ ਕੀਤਾ ਸੀ। ਹਾਲਾਂਕਿ ਹੁਣ ਉਨ੍ਹਾਂ ਦਾ ਤਲਾਕ ਹੋ ਚੁੱਕਾ ਹੈ।