ਮੁੰਬਈ(ਬਿਊਰੋ)— ਇਕ ਵਾਰ ਫਿਰ ਡੇਜ਼ੀ ਸ਼ਾਹ ਸਿਲਵਰ ਸਕ੍ਰੀਨ 'ਤੇ ਬੋਲਡ ਅੰਦਾਜ਼ 'ਚ ਨਜ਼ਰ ਆਉਣ ਵਾਲੀ ਹੈ। ਹਾਲ ਹੀ 'ਚ ਸੁਪਰਸਟਾਰ ਸਲਮਾਨ ਖਾਨ ਨੇ 'ਰੇਸ 3' 'ਚ ਡੇਜ਼ੀ ਸ਼ਾਹ ਦੇ ਕਿਰਦਾਰ ਨੂੰ ਪੇਸ਼ ਕੀਤਾ ਹੈ। ਸਲਮਾਨ ਨੇ ਵਾਅਦਾ ਕੀਤਾ ਸੀ ਕਿ ਉਹ ਇਸ ਹਫਤੇ ਇਕ-ਇਕ ਕਰਕੇ 'ਰੇਸ 3' ਦੇ ਮੈਂਬਰਾਂ ਨਾਲ ਰੂ-ਬ-ਰੂ ਕਰਵਾਉਣਗੇ।
ਇਸ ਵਾਅਦੇ ਮੁਤਾਬਕ ਉਨ੍ਹਾਂ ਨੇ ਵੀਰਵਾਰ ਨੂੰ ਸੋਸ਼ਲ ਮੀਡੀਆ 'ਤੇ ਡੇਜ਼ੀ ਸ਼ਾਹ ਦੇ ਕਿਰਦਾਰ ਬਾਰੇ ਦੱਸਿਆ ਹੈ।
ਫਿਲਮ 'ਹੇਟ ਸਟੋਰੀ 3' ਦੀ ਅਦਾਕਾਰਾ ਡੇਜ਼ੀ ਸ਼ਾਹ 'ਰੇਸ 3' 'ਚ ਆਪਣੀਆਂ ਹੌਟ ਅਦਾਵਾਂ ਦਾ ਜਲਵਾ ਬਿਖੇਰਨ ਵਾਲੀ ਹੈ।
ਦੱਸ ਦੇਈਏ ਕਿ ਇਸ ਫਿਲਮ 'ਚ ਡੇਜ਼ੀ ਸ਼ਾਹ, ਜੈਕਲੀਨ ਫਰਨਾਂਡਿਜ਼ ਤੇ ਬੌਬੀ ਦਿਓਲ ਵਰਗੇ ਸਿਤਾਰੇ ਨਜ਼ਰ ਆਉਣਗੇ। 'ਰੇਸ 3' 'ਚ ਡੇਜ਼ੀ ਸ਼ਾਹ ਸੰਜਨਾ ਦੀ ਭੂਮਿਕਾ 'ਚ ਨਜ਼ਰ ਆਵੇਗੀ।
ਦੱਸਿਆ ਜਾ ਰਿਹਾ ਹੈ ਕਿ ਉਸ ਦਾ ਕਿਰਦਾਰ ਕਾਫੀ ਬੋਲਡ ਹੋਵੇਗਾ। ਸਲਮਾਨ ਖਾਨ ਨੇ ਪੋਸਟਰ ਸ਼ੇਅਰ ਕਰਦੇ ਹੋਏ ਲਿਖਿਆ, ''ਸਿਜ਼ਲਿੰਗ ਸੰਜਨਾ ਧਮਾਕਾ ਕਰਨ ਦਾ ਇੰਤਜ਼ਾਰ ਕਰ ਰਹੀ ਹੈ।''
ਫਿਲਮ 'ਚ ਜੈਕਲੀਨ ਨੂੰ ਜੈਸਿਕਾ ਦੇ ਰੂਪ 'ਚ ਤੇ ਬੌਬੀ ਦਿਓਲ ਨੂੰ ਯਸ਼ ਦੇ ਕਿਰਦਾਰ 'ਚ ਦੇਸ਼ ਦੀ ਜਨਤਾ ਸਾਹਮਣੇ ਪੇਸ਼ ਕੀਤਾ ਜਾਵੇਗਾ।
ਜੈਸਿਕਾ ਦੇ ਰੂਪ 'ਚ ਜੈਕਲੀਨ ਐਕਸ਼ਨ ਸੀਨ ਕਰਦੀ ਨਜ਼ਰ ਆਵੇਗੀ। ਡੇਜ਼ੀ ਨੇ ਸਲਮਾਨ ਨਾਲ 'ਜੈ ਹੋ' ਫਿਲਮ ਨਾਲ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
