ਮੁੰਬਈ(ਬਿਊਰੋ)— ਕੰਨੜ ਟੀ. ਵੀ. ਸ਼ੋਅ ਦੇ ਮਸ਼ਹੂਰ ਐਂਕਰ ਤੇ ਐਕਟਰ ਚੰਦਨ ਉਰਫ ਚੰਦਰਸ਼ੇਖਰ ਦਾ ਕਾਰ ਹਾਦਸੇ 'ਚ ਦਿਹਾਂਤ ਹੋ ਗਿਆ ਹੈ। ਇਹ ਘਟਨਾ ਦਾਵਣਗੇਰੇ ਜਿਲੇ ਦੇ ਹੰਗਵਾੜੀ 'ਚ ਹੋਈ। ਇਥੇ ਚੰਦਨ ਆਪਣੇ 4 ਦੋਸਤਾਂ ਨਾਲ ਬੇਂਗਲੁਰੂ ਤੋਂ ਹੁਬਲੀ ਲਈ ਜਾ ਰਹੇ ਸਨ। ਚੰਦਨ ਨਾਲ ਦੁਰਘਟਨਾ 'ਚ ਉਸ ਦੇ ਦੋ ਦੋਸਤਾਂ ਦੀ ਵੀ ਮੌਤ ਹੋ ਗਈ ਹੈ, ਜਦੋਂਕਿ ਬਾਕੀ ਦੋਵੇਂ ਦੋਸਤਾਂ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਦੋਵਾਂ ਨੇ ਨੇੜੇ ਦੇ ਇਕ ਨਿੱਜੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ।
ਫਿਲਹਾਲ ਅਜੇ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਇਹ ਹਾਦਸਾ ਕਿਵੇਂ ਹੋਇਆ। ਪੁਲਸ ਨੇ ਘਟਨਾ ਦੇ ਸਾਰੇ ਪਹਿਲੂਆਂ 'ਤੇ ਜਾਂਚ ਪੜਤਾਲ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਐਂਕਰ ਚੰਦਨ ਕੰਨੜਾ ਟੀ. ਵੀ. ਸ਼ੋਅ ਦਾ ਮਸ਼ਹੂਰ ਚਿਹਰਾ ਸੀ। ਉਨ੍ਹਾਂ ਨੇ ਕਈ ਫਿਲਮਾਂ 'ਚ ਵੀ ਕੰਮ ਕੀਤਾ ਸੀ। 'ਪੋਕੀ' ਉਸ ਦੀਆਂ ਸ਼ਾਨਦਾਰ ਫਿਲਮਾਂ 'ਚੋਂ ਇਕ ਸੀ।