ਮੁੰਬਈ(ਬਿਊਰੋ)— 'ਕਬੂਤਰਬਾਜ਼ੀ' ਦੇ ਦੋਸ਼ 'ਚ 2 ਸਾਲ ਦੀ ਸਜ਼ਾ ਦਾ ਸ਼ਿਕਾਰ ਹੋਏ ਪੌਪ ਸਿੰਗਰ ਤੇ ਭੰਗੜਾ ਕਿੰਗ ਦਲੇਰ ਮਹਿੰਦੀ ਦੇ ਪਰਿਵਾਰ ਬਾਰੇ 'ਚ ਘੱਟ ਹੀ ਲੋਕ ਜਾਣਦੇ ਹਨ।
ਹਾਲਾਂਕਿ ਉਨ੍ਹਾਂ ਦੇ ਛੋਟੇ ਭਰਾ ਮੀਕਾ ਸਿੰਘ ਨੂੰ ਤਾਂ ਸਾਰੇ ਹੀ ਜਾਣਦੇ ਹਨ ਪਰ ਪਤਨੀ ਤੇ ਬੱਚਿਆਂ ਦੇ ਬਾਰੇ 'ਚ ਘੱਟ ਹੀ ਲੋਕਾਂ ਨੂੰ ਪਤਾ ਹੈ।
ਦਲੇਰ ਨੇ ਕੀਤੇ ਹਨ ਦੋ ਵਿਆਹ
ਘੱਟ ਲੋਕ ਹੀ ਜਾਣਦੇ ਹਨ ਕਿ ਦਲੇਰ ਨੇ ਦੋ ਵਿਆਹ ਕੀਤੇ ਹਨ। ਉਨ੍ਹਾਂ ਦਾ ਪਹਿਲਾ ਵਿਆਹ ਅਮਰਜੀਤ ਮਹਿੰਦੀ ਨਾਲ ਹੋਇਆ ਸੀ।
ਉਨ੍ਹਾਂ ਤੋਂ ਬੇਟਾ ਗੁਰਦੀਪ ਮਹਿੰਦੀ ਤੇ ਬੇਟੀ ਅਜੀਤ ਮਹਿੰਦੀ ਹੋਏ। ਗੁਰਦੀਪ ਤੇ ਅਜੀਤ ਦੋਵੇਂ ਹੀ ਪਲੇਅਬੈਕ ਸਿੰਗਰ ਹਨ।
ਉਨ੍ਹਾਂ ਦਾ ਦੂਜਾ ਵਿਆਹ ਆਰਕੀਟੈਕਟ ਤੇ ਸਿੰਗਰ ਤਰਨਪ੍ਰੀਤ ਨਾਲ ਹੋਇਆ, ਜਿਨ੍ਹਾਂ ਨੂੰ ਨਿੱਕੀ ਮਹਿੰਦੀ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ।
ਨੂੰਹ ਰਹਿ ਚੁੱਕੀ ਹੈ ਮਿਸ ਇੰਡੀਆ ਯੂਰਪ ਰਨਰਅੱਪ
ਫਿਨਲੈਂਡ 'ਚ ਜਨਮੀ ਜੈਸੀਕਾ ਪੇਸ਼ੇ ਤੋਂ ਮਾਡਲ ਤੇ ਅਦਾਕਾਰਾ ਹੈ। ਉਹ ਮਿਸ ਇੰਡੀਆ ਯੂਰਪ ਦੀ ਪਹਿਲੀ ਰਨਰਅੱਪ ਵੀ ਰਹਿ ਚੁੱਕੀ ਹੈ। ਗੁਰਦੀਪ ਆਪਣੇ ਪਿਤਾ ਦਲੇਰ ਮਹਿੰਦੀ ਵਾਂਗ ਹੀ ਗਾਇਕ ਤੇ ਅਦਾਕਾਰ ਹਨ।
ਉਨ੍ਹਾਂ ਨੇ 2013 'ਚ ਸਈਦ ਨੂਰ ਦੀ ਫਿਲਮ 'ਮੇਰੀ ਸ਼ਾਦੀ ਕਰਾਓ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਇਹ ਵੀ ਦੱਸ ਦੇਈਏ ਕਿ ਵਿਆਹ ਤੋਂ ਪਹਿਲਾਂ ਜੈਸੀਕਾ, ਗੁਰਦੀਪ ਦੇ ਆਪੋਜ਼ਿਟ ਫਿਲਮ 'ਦਿੱਲੀ 1984' 'ਚ ਲੀਡ ਰੋਲ ਵੀ ਕਰ ਚੁੱਕੀ ਹੈ। ਦੋਹਾਂ ਨੇ ਲਵ ਮੈਰਿਜ ਕੀਤੀ ਸੀ।
2013 'ਚ ਕੁੜਮ ਬਣੇ ਸਨ ਹੰਸ ਰਾਜ ਹੰਸ
ਪੰਜਾਬ ਦੇ ਮਸ਼ਹੂਰ ਗਾਇਕ ਹੰਸ ਰਾਜ ਹੰਸ ਤੇ ਦਲੇਰ ਮਹਿੰਦੀ ਇਕ-ਦੂਜੇ ਦੇ ਕੁੜਮ ਹਨ। ਹੰਸ ਦੇ ਬੇਟੇ ਨਵਰਾਜ ਤੇ ਦਲੇਰ ਦੀ ਬੇਟੀ ਅਜੀਤ ਕੌਰ ਨੇ ਸਾਲ 2013 'ਚ ਵਿਆਹ ਕੀਤਾ ਸੀ। ਨਵਰਾਜ ਤੇ ਅਜੀਤ ਖੁਦ ਵੀ ਗਾਇਕ ਹਨ। ਦੋਹਾਂ ਨੇ ਬਹੁਤ ਘੱਟ ਸਮੇਂ 'ਚ ਹੀ ਆਪਣੀ ਗਾਇਕੀ ਨਾਲ ਖਾਸ ਮੁਕਾਮ ਬਣਾ ਲਿਆ ਹੈ।
ਦੋਹਾਂ ਦੇ ਵਿਆਹ 'ਚ ਕਈ ਵੱਡੇ ਸੈਲੇਬਸ ਸ਼ਾਮਲ ਹੋਏ ਸਨ, ਜਿਨ੍ਹਾਂ 'ਚ ਡਿਪਟੀ ਸੀ. ਐੱਮ. ਸੁਖਬੀਰ ਬਾਦਲ, ਗੁਰਦਾਸ ਮਾਣ ਗਜ਼ਲ ਗਾਇਕ ਗੁਲਾਮ ਅਲੀ, ਸਿਰਦੂਲ ਸਿਕੰਦਰ, ਅਦਾਕਾਰਾ ਨੀਤੂ ਸਿੰਘ ਤੇ ਪਤੀ ਰਿਸ਼ੀ ਕਪੂਰ ਦੇ ਨਾਂ ਸ਼ਾਮਲ ਹਨ।