ਮੁੰਬਈ— ਬਾਲੀਵੁੱਡ ਸੁਪਰਸਟਾਰ ਆਮਿਰ ਖਾਨ ਦੀ ਫਿਲਮ 'ਦੰਗਲ' ਦੀ ਬਾਕਸ ਆਫਿਸ 'ਤੇ ਧਮਾਕੇਦਾਰ ਕਮਾਈ ਦਾ ਸਿਲਸਿਲਾ ਜਾਰੀ ਹੈ। ਫਿਲਮ ਨੇ ਹੁਣ ਤਕ ਘਰੇਲੂ ਬਾਕਸ ਆਫਿਸ 'ਤੇ 372.75 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਜੇਕਰ ਫਿਲਮ ਦੀ ਕੁੱਲ (ਗਰੋਸ) ਕਮਾਈ ਦੀ ਗੱਲ ਕੀਤੀ ਜਾਵੇ ਤਾਂ ਫਿਲਮ ਨੇ 521.85 ਕਰੋੜ ਦੀ ਕਮਾਈ ਕਰ ਲਈ ਹੈ। ਫਿਲਮੀ ਵੈੱਬਸਾਈਟ 'ਕੋਈਮੋਈ' ਨੇ 'ਦੰਗਲ' ਦੀ ਕੁੱਲ ਕਮਾਈ ਦੀ ਜਾਣਕਾਰੀ ਦਿੱਤੀ ਹੈ।
ਟਰੈਂਡ ਐਨਾਲਿਸਟ ਤਰਣ ਆਦਰਸ਼ ਮੁਤਾਬਕ ਫਿਲਮ ਦੀ ਹੁਣ ਤਕ ਦੀ ਵਰਲਡਵਾਈਡ ਕਮਾਈ 195.33 ਕਰੋੜ ਹੈ। ਵਰਲਡਵਾਈਡ ਤੇ ਕੁੱਲ ਕਮਾਈ ਨੂੰ ਜੋੜ ਦਿੱਤਾ ਜਾਵੇ ਤਾਂ ਕਮਾਈ ਦਾ ਅੰਕੜਾ 717.18 ਕਰੋੜ ਬਣਦਾ ਹੈ, ਜੋ ਬੇਹੱਦ ਹੀ ਸ਼ਾਨਦਾਰ ਹੈ।
ਦੱਸਣਯੋਗ ਹੈ ਕਿ 'ਦੰਗਲ' ਘਰੇਲੂ ਬਾਕਸ ਆਫਿਸ 'ਤੇ ਕਮਾਈ ਦੇ ਮਾਮਲੇ 'ਚ ਸਲਮਾਨ ਖਾਨ ਦੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫਿਲਮ 'ਬਜਰੰਗੀ ਭਾਈਜਾਨ' ਨੂੰ ਪਹਿਲਾਂ ਹੀ ਪਿੱਛੇ ਛੱਡ ਚੁੱਕੀ ਹੈ। 'ਬਜਰੰਗੀ ਭਾਈਜਾਨ' ਦੀ ਘਰੇਲੂ ਬਾਕਸ ਆਫਿਸ ਕਮਾਈ 320.34 ਕਰੋੜ ਹੈ, ਜਦਕਿ ਵਰਲਡਵਾਈਡ ਕਮਾਈ 626 ਕਰੋੜ ਰੁਪਏ ਹੈ।