ਮੁੰਬਈ(ਬਿਊਰੋ)— ਮਸ਼ਹੂਰ ਅਦਾਕਾਰਾ ਦੀਪਿਕਾ ਪਾਦੂਕੋਣ ਦੀ ਹਾਲ ਹੀ ਆਈ ਫਿਲਮ 'ਪਦਮਾਵਤ' ਚਾਰ ਰਾਜਾਂ 'ਚ ਰਿਲੀਜ਼ ਨਾ ਹੋਣ ਦੇ ਬਾਵਜੂਦ ਚੰਗੀ ਕਮਾਈ ਕਰ ਰਹੀ ਹੈ। ਫਿਲਮ ਲਈ ਦੀਪਿਕਾ ਨੇ 11 ਕਰੋੜ ਰੁਪਏ ਚਾਰਜ ਕੀਤੇ ਹਨ।
ਰਿਲੀਜ਼ ਤੋਂ ਪਹਿਲਾਂ ਫਿਲਮ ਦੀ ਸਕ੍ਰੀਨਿੰਗ ਰੱਖੀ ਗਈ ਸੀ, ਜਿਸ 'ਚ ਦੀਪਿਕਾ ਨੇ ਅਨਾਮੀਕਾ ਖੰਨਾ ਦਾ ਡਿਜ਼ਾਈਨ ਕੀਤਾ ਹੋਇਆ ਆਫ ਵ੍ਹਾਈਟ ਕਲਰ ਦਾ ਅਨਾਰਕਲੀ ਸੂਟ ਪਾਇਆ ਸੀ।
ਖਾਸ ਗੱਲ ਇਹ ਹੈ ਕਿ ਇਹੀ ਸੂਟ ਦੀਪਿਕਾ ਪਹਿਲਾਂ ਵੀ ਪਹਿਨ ਚੁੱਕੀ ਹੈ। 2013 'ਚ ਦੀਪਿਕਾ ਨੇ 'ਚੇਨਈ ਐਕਸਪਰੈੱਸ' ਦੇ ਪ੍ਰਮੋਸ਼ਨਲ ਇਵੈਂਟ 'ਚ ਵੀ ਇਸ ਨੂੰ ਪਾਇਆ ਸੀ।
ਉਂਝ ਇਹ ਪਹਿਲਾਂ ਮੌਕਾ ਨਹੀਂ ਹੈ, ਜਦੋਂ ਦੀਪਿਕਾ ਨੇ ਆਪਣੀ ਡਰੈੱਸ ਰਿਪੀਟ ਕੀਤੀ ਹੋਵੇ। ਇਸ ਤੋਂ ਪਹਿਲਾਂ ਇਕ-ਦੋ ਵਾਰ ਨਹੀਂ ਬਲਕਿ 12 ਵਾਰ ਉਹ ਆਪਣੀਆਂ ਡਰੈੱਸਿਜ਼ ਰਿਪੀਟ ਕਰ ਚੁੱਕੀ ਹੈ।