ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਨੇ ਬੀਤੇ ਦਿਨੀਂ ਭਾਵ 5 ਜਨਵਰੀ ਨੂੰ 32ਵਾਂ ਜਨਮਦਿਨ ਮਨਾਇਆ। ਦੀਪਿਕਾ ਨੇ ਫ਼ਿਲਮ ਇੰਡਸਟਰੀ 'ਚ ਬਹੁਤ ਨਾਮ ਕਮਾਇਆ ਹੈ। ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਦੀਪਿਕਾ ਕਾਫੀ ਚਰਚਾ 'ਚ ਰਹੀ। ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਦੀਪਿਕਾ ਦਾ ਕਿਨ੍ਹਾਂ-ਕਿਨ੍ਹਾਂ ਨਾਲ ਅਫੇਅਰ ਰਿਹਾ।…ਸਭ ਤੋਂ ਪਹਿਲਾਂ ਦੀਪਿਕਾ ਪਾਦੂਕੋਣ ਜਿਸ ਵਿਅਕਤੀ ਦੇ ਪਿਆਰ ਵਿੱਚ ਪਈ ਉਹ ਹੈ ਨਿਹਾਰ ਪਾਂਡਿਆ। ਦੋਹਾਂ ਦੀ ਮੁਲਾਕਾਤ ਇੱਕ ਐਕਟਿੰਗ ਸਕੂਲ ਵਿੱਚ ਹੋਈ ਅਤੇ ਇੱਥੋਂ ਹੀ ਦੋਹਾਂ ਦੇ ਵਿੱਚ ਪਿਆਰ ਦੀ ਸ਼ੁਰੂਆਤ ਹੋਈ।
ਖ਼ਬਰਾਂ ਮੁਤਾਬਕ ਉਸ ਸਮੇਂ ਦੀਪਿਕਾ ਨਿਹਾਰ ਨਾਲ ਲਿਵ ਇਨ ਵਿੱਚ ਰਹਿ ਰਹੀ ਸੀ। ਦੀਪਿਕਾ ਉਸ ਸਮੇਂ ਇੰਡਸਟਰੀ ਵਿੱਚ ਆਪਣੇ ਕਦਮ ਜਮਾਉਣ ਦੀ ਤਿਆਰੀ ਕਰ ਰਹੀ ਸੀ ਅਤੇ ਮਾਡਲਿੰਗ ਵਿੱਚ ਵੀ ਆਪਣਾ ਹੱਥ ਅਜ਼ਮਾ ਰਹੀ ਸੀ ਪਰ ਤਿੰਨ ਸਾਲ ਦੇ ਅਫੇਅਰ ਤੋਂ ਬਾਅਦ ਉਹ ਸਮਾਂ ਵੀ ਆਇਆ ਜਦੋਂ ਦੋਨਾਂ ਦਾ ਬ੍ਰੇਕਅੱਪ ਹੋ ਗਿਆ।
ਨਿਹਾਰ ਪਾਂਡਿਆ ਤੋਂ ਬਾਅਦ ਦੀਪਿਕਾ ਦਾ ਨਾਂ ਅਦਾਕਾਰ ਉਪੇਨ ਪਟੇਲ ਨਾਲ ਵੀ ਜੁੜਿਆ।
ਉਹ ਗੱਲ ਵੱਖਰੀ ਹੈ ਕਿ ਇਹ ਰੋਮਾਂਸ ਸਿਰਫ ਕੁੱਝ ਸਮੇਂ ਲਈ ਹੀ ਰਿਹਾ ਅਤੇ ਫਿਰ ਦੀਪਿਕਾ ਦੀ ਜਿੰਦਗੀ ਵਿੱਚ ਐਂਟਰੀ ਮਾਰੀ ਕ੍ਰਿਕਟਰ ਅਤੇ ਲੱਖਾਂ ਦਿਲਾਂ ਦੀ ਧੜਕਨ ਯੁਵਰਾਜ ਸਿੰਘ ਨੇ। ਯੁਵਰਾਜ ਅਤੇ ਦੀਪਿਕਾ ਦਾ ਰਿਲੇਸ਼ਨ ਵੀ ਜ਼ਿਆਦਾ ਲੰਬਾ ਨਹੀਂ ਚੱਲਿਆ ਅਤੇ ਕੁੱਝ ਸਮੇਂ ਬਾਅਦ ਹੀ ਦੋਵੇਂ ਵੱਖ ਹੋ ਗਏ। ਦੋਹਾਂ ਨੂੰ ਇੱਕਠੇ ਕਈ ਜਗ੍ਹਾਵਾਂ 'ਤੇ ਘੁੰਮਦੇ ਹੋਏ ਵੀ ਵੇਖਿਆ ਗਿਆ ਸੀ।
ਕਿਹਾ ਜਾਂਦਾ ਹੈ ਕਿ ਇਕ ਸਮਾਂ ਅਜਿਹਾ ਵੀ ਆਇਆਾ ਜਦੋਂ ਦੀਪਿਕਾ ਕ੍ਰਿਕਟਰ ਮਹਿੰਦਰ ਸਿੰਘ ਧੋਨੀ ਨੂੰ ਡੇਟ ਕਰਨ ਲੱਗੀ ਪਰ ਕੁਝ ਸਮੇਂ ਬਾਅਦ ਉਨ੍ਹਾਂ ਨਾਲ ਵੀ ਦੀਪਿਕਾ ਨੇ ਰਿਸ਼ਤਾ ਤੋੜ ਲਿਆ।
ਵਿਜੇ ਮਾਲਿਆ ਦੇ ਬੇਟੇ ਸਿੱਧਾਰਥ ਮਾਲਿਆ ਦੇ ਨਾਲ ਵੀ ਦੀਪਿਕਾ ਦਾ ਕਾਫ਼ੀ ਲੰਮਾ ਅਫੇਅਰ ਰਿਹਾ। ਦੋਹਾਂ ਨੂੰ ਅਕਸਰ ਇੱਕਠੇ ਘੁੰਮਦੇ ਅਤੇ ਪਾਰਟੀ ਕਰਦੇ ਹੋਏ ਦੇਖਿਆ ਜਾਂਦਾ ਸੀ। ਖਬਰਾਂ ਤਾਂ ਇੱਹ ਵੀ ਆਈਆਂ ਸੀ ਕਿ ਸਿੱਧਾਰਥ ਮਾਲਿਆ ਨੇ ਦੀਪਿਕਾ ਨੂੰ ਇੱਕ ਫਲੈਟ ਵੀ ਗਿਫਟ ਕੀਤਾ ਸੀ। ਦੀਪਿਕਾ ਸਿੱਧਾਰਥ ਦੇ ਪਿਆਰ ਵਿੱਚ ਇਸ ਕਦਰ ਪਾਗਲ ਸੀ ਕਿ ਮਾਲਿਆ ਦੀ ਹਰ ਕਿੰਗਫਿਸ਼ਰ ਪਾਰਟੀ ਅਤੇ ਫ਼ੈਸ਼ਨ ਸ਼ੋਅ ਵਿੱਚ ਉਹ ਨਜ਼ਰ ਆਉਂਦੀ ਸੀ ਪਰ ਕਿਸਮਤ ਨੂੰ ਸ਼ਾਇਦ ਕੁੱਝ ਹੋਰ ਹੀ ਮਨਜ਼ੂਰ ਸੀ ਕਿਉਂਕਿ ਇਨ੍ਹਾਂ ਦੋਹਾਂ ਦਾ ਰਿਲੇਸ਼ਨ ਵੀ ਜ਼ਿਆਦਾ ਨਹੀਂ ਚੱਲਿਆ ਅਤੇ ਵੱਖ ਹੋ ਗਏ।
ਇਸ ਤੋਂ ਬਾਅਦ ਦੀਪਿਕਾ ਨੂੰ ਮਿਲੇ ਰਣਬੀਰ ਕਪੂਰ। ਦੋਹਾਂ ਦੀ ਸਾਲ 2008 ਵਿੱਚ ਆਈ ਫਿਲਮ 'ਬਚਨਾ ਐ ਹਸੀਨੋਂ' 'ਚ ਇੱਕਠੇ ਕੰਮ ਕੀਤਾ ਅਤੇ ਇਸ ਦੌਰਾਨ ਦੋਨਾਂ ਦੇ ਵਿੱਚ ਨਜ਼ਦੀਕੀਆਂ ਆ ਗਈਆਂ। ਦੋਨਾਂ ਨੇ ਆਪਣੇ ਅਫੇਅਰ ਨੂੰ ਲਕਾਉਂਣ ਦੀ ਬੇਹੱਦ ਕੋਸ਼ਿਸ਼ ਕੀਤੀ ਅਤੇ ਹਰ ਜਗ੍ਹਾ ਇੱਕਠੇ ਹੀ ਨਜ਼ਰ ਆਉਂਦੇ। ਇੰਨਾ ਹੀ ਨਹੀਂ ਦੀਪਿਕਾ ਨੇ ਰਣਬੀਰ ਦੇ ਨਾਂ ਦਾ ਟੈਟੂ ਵੀ ਬਣਵਾਇਆ ਜੋ ਅਜੇ ਵੀ ਉਨ੍ਹਾਂ ਦੀ ਗਰਦਨ ਦੇ ਪਿਛਲੇ ਹਿੱਸੇ ਵਿੱਚ ਵੇਖਿਆ ਜਾ ਸਕਦਾ ਹੈ ਪਰ ਇੱਕ-ਦੋ ਸਾਲ ਬਾਅਦ ਹੀ ਦੋਨਾਂ ਦਾ ਬ੍ਰੇਕਅੱਪ ਹੋ ਗਿਆ, ਜਿਸ ਦੀ ਵਜ੍ਹਾ ਬਣਿਆ ਰਣਬੀਰ ਦਾ ਧੋਖਾ। ਹਾਲਾਂਕਿ ਹੁਣ ਦੋਵੇਂ ਸਿਰਫ ਚੰਗੇ ਦੋਸਤ ਹਨ। ਇਸ ਦੌਰ ਵਿੱਚ ਦੀਪਿਕਾ ਲਗਭਗ ਕਾਫ਼ੀ ਇੱਕਲੀ ਹੋ ਗਈ ਸੀ।
ਵਾਰ ਵਾਰ ਪਿਆਰ ਵਿੱਚ ਮਿਲੇ ਧੋਖੇ ਕਾਰਨ ਉਹ ਉਦਾਸ ਹੋ ਗਈ ਪਰ ਫਿਰ ਰਣਵੀਰ ਸਿੰਘ ਉਨ੍ਹਾਂ ਦੀ ਜਿੰਦਗੀ ਵਿੱਚ ਆਏ ਅਤੇ ਹੁਣ ਦੋਵੇਂ ਇੱਕਠੇ ਹਨ। ਹਾਲਾਂਕਿ ਪਹਿਲਾਂ ਅਜਿਹੀਆਂ ਖਬਰਾਂ ਆਈਆਂ ਸੀ ਕਿ ਦੋਨਾਂ ਦਾ ਬ੍ਰੇਕਅੱਪ ਹੋ ਗਿਆ ਹੈ ਪਰ ਅਜਿਹਾ ਕੁੱਝ ਨਹੀਂ ਹੋਇਆ। ਅਕਸਰ ਦੋਵੇਂ ਇਕੱਠੇ ਹੀ ਘੁੰਮਦੇ ਨਜ਼ਰ ਆਉਂਦੇ ਰਹੇ ਹਨ।