ਮੁੰਬਈ (ਬਿਊਰੋ)— ਸਾਲ 2018 ਦੀ ਸ਼ੁਰੂਆਤ ਦੀ ਹੁਣ ਤਕ ਦੀ ਵਿਵਾਦਿਤ ਫਿਲਮ 'ਪਦਮਾਵਤ' ਨੂੰ ਲੈ ਕੇ ਖੂਬ ਚਰਚਾ 'ਚ ਰਹੀ ਅਭਿਨੇਤਰੀ ਦੀਪਿਕਾ ਪਾਦੁਕੋਣ ਆਪਣੇ ਬੋਲਡ ਦੇ ਬਿੰਦਾਸ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਹਾਲ ਹੀ 'ਚ ਦੀਪਿਕਾ ਨੂੰ ਏਅਰਪੋਰਟ 'ਤੇ ਦੇਖਿਆ ਗਿਆ। ਦੀਪਿਕਾ ਦੀਆਂ ਤਸਵੀਰਾਂ 'ਚ ਉਸ ਦੀ ਗਰਦਨ 'ਤੇ ਕੁਝ ਪੱਟੀਆਂ ਲੱਗੀਆਂ ਦਿਖਾਈ ਦਿੱਤੀਆਂ। ਖਬਰਾਂ ਦੀ ਮੰਨੀਏ ਤਾਂ ਦੀਪਿਕਾ ਨੂੰ ਵਰਕਆਊਟ ਦੌਰਾਨ ਇਹ ਸੱਟ ਲੱਗੀ ਹੈ। ਦੀਪਿਕਾ ਦੀ ਸੱਟ ਜ਼ਿਆਦਾ ਸੀਰੀਅਸ ਨਹੀਂ ਹੈ ਪਰ ਉਸ ਦੇ ਚਿਹਰੇ 'ਤੇ ਸੱਟ ਦੇ ਦਰਦ ਦੀ ਜਗ੍ਹਾ ਮੁਸਕਰਾਹਟ ਨਜ਼ਰ ਆ ਰਹੀ ਹੈ। ਕੁਝ ਦਿਨ ਪਹਿਲਾਂ ਦੀਪਿਕਾ ਦੀ ਜਿਮ ਟਰੇਨਰ ਯਾਸਮੀਨ ਕਰਾਚੀਵਾਲਾ ਨੇ ਇਕ ਵੀਡੀਓ ਵੀ ਸ਼ੇਅਰ ਕੀਤੀ ਸੀ, ਜਿਸ 'ਚ ਦੀਪਿਕਾ ਸਵੌਨ ਡਾਈਵ ਐਕਸਰਸਾਈਜ਼ ਕਰਦੀ ਨਜ਼ਰ ਆ ਰਹੀ ਸੀ। ਦੱਸਣਯੋਗ ਹੈ ਕਿ ਰਾਣੀ ਪਦਮਾਵਤੀ ਦੇ ਰੋਲ ਲਈ ਦੀਪਿਕਾ ਨੂੰ ਫੈਨਜ਼ ਦੀ ਸੁਪੋਰਟ ਤੇ ਤਾਰੀਫ ਦੋਵੇਂ ਹੀ ਖੂਬ ਮਿਲੀਆਂ ਹਨ। ਫਿਲਮ ਨੇ ਬਾਕਸ ਆਫਿਸ 'ਤੇ ਕਾਫੀ ਬਿਹਤਰੀਨ ਕਮਾਈ ਕੀਤੀ ਹੈ, ਜਿਸ ਦੀ ਸੈਲੀਬ੍ਰੇਸ਼ਨ ਪਾਰਟੀ ਵੀ ਛੇਤੀ ਹੋਣ ਜਾ ਰਹੀ ਹੈ।