ਲਾਂਸ ਏਂਜਿਲਸ(ਬਿਊਰੋ)— ਹਾਲੀਵੁੱਡ ਦੀ ਮਸ਼ਹੂਰ ਗਾਇਕਾ ਤੇ ਅਦਾਕਾਰਾ ਡੇਮੀ ਲੋਵਾਟੋ ਆਪਣੀ ਖੂਬਸੂਰਤੀ, ਅਦਾਕਾਰੀ ਤੇ ਸ਼ਾਨਦਾਰ ਗਾਇਕੀ ਨਾਲ ਆਪਣੀ ਸਿਹਤ ਲਈ ਵੀ ਜਾਣੀ ਜਾਂਦੀ ਹੈ। ਹਰ ਕੋਈ ਡੇਮੀ ਲੋਵਾਟੋ ਦੀ ਸਿਹਤ ਦਾ ਰਾਜ਼ ਜਾਣਨਾ ਚਾਹੁੰਦਾ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਡੇਮੀ ਲੋਵਾਟੋ ਪਿਛਲੇ ਕਈ ਮਹੀਨਿਆਂ ਤੋਂ ਡਾਈਟ 'ਤੇ ਚੱਲ ਰਹੀ ਸੀ ਤੇ ਇਹ ਗੱਲ ਸਾਰਿਆਂ ਤੋਂ ਲੁਕਾ ਕੇ ਰੱਖੀ ਗਈ ਸੀ। ਜੀ ਹਾਂ, ਹਾਲ ਹੀ 'ਚ ਇਸ ਗੱਲ ਦਾ ਖੁਲਾਸਾ ਹੋਇਆ ਹੈ ਕਿ ਡੇਮੀ ਲੋਵਾਟੋ ਡਾਈਟਿੰਗ ਕਰ ਰਹੀ ਸੀ। ਇਹ ਰਾਜ਼ ਸਾਰਿਆਂ ਸਾਹਮਣੇ ਪੁਰੇ 5 ਮਹੀਨੇ ਬਾਅਦ ਖੁੱਲ੍ਹਿਆ ਹੈ। ਅਦਾਕਾਰਾ ਜਲਦ ਹੀ 25 ਸਾਲ ਦੀ ਹੋਣ ਵਾਲੀ ਹੈ ਤੇ ਇਸ ਉਮਰ 'ਚ ਵੀ ਉਹ ਕਾਫੀ ਜਵਾਨ ਹੈ। ਹਾਲ ਹੀ 'ਚ ਡੇਮੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਹ ਫਿੱਟ ਨਜ਼ਰ ਆ ਰਹੀ ਹੈ। ਇਨ੍ਹਾਂ ਤਸਵੀਰਾਂ 'ਚ ਅਦਾਕਾਰਾ ਕਾਫੀ ਬੋਲਡ ਨਜ਼ਰ ਆ ਰਹੀ ਹੈ। ਉਸ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਫੈਨਜ਼ ਵਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਹਾਲ ਹੀ 'ਚ ਡੇਮੀ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ ਹੈ ਕਿ, ਕਈ ਵਾਰ ਉਹ ਕੁਝ ਲੋਕਾਂ ਨੂੰ ਦੇਖ ਕੇ ਸ਼ਰਮਿੰਦਾ ਮਹਿਸੂਸ ਕਰਦੀ ਹੈ ਪਰ ਫਿਰ ਉਹ ਅਜਿਹਾ ਸੋਚਦੀ ਹੈ ਤਿ ਉਹ ਖੁਦ ਤੋਂ ਖੁਸ਼ ਹੈ? ਕਿਉਂਕਿ ਇਹ ਉਸ ਲਈ ਸਭ ਤੋਂ ਜ਼ਿਆਦਾ ਜ਼ਰੂਰੀ ਹੈ। ਅੱਗੇ ਅਦਾਕਾਰਾ ਨੇ ਕਿਹਾ, ਮੈਂ ਬੇਹੱਦ ਖੁਸ਼ ਹਾਂ ਕਿਉਂਕਿ ਮੇਰੇ ਫੈਨਜ਼ ਖੁਸ਼ ਹਨ।''