ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਦਿਗਜ਼ ਅਭਿਨੇਤਾ ਦੇਵ ਆਨੰਦ ਦਾ ਜਨਮ 26 ਸਤੰਬਰ ,1923 ਨੂੰ ਪੰਜਾਬ ਦੇ ਗੁਰਦਾਸਪੁਰ 'ਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਪਿਸ਼ੌਰੀ ਲਾਲ ਆਨੰਦ ਗੁਰਦਾਸਪੁਰ ਦੇ ਮੰਨੇ ਪ੍ਰਮੰਨੇ ਵਕੀਲ ਸਨ। ਉਨ੍ਹਾਂ ਦੀ ਸਕੂਲਿੰਗ ਡਲਹੌਜ਼ੀ ਵਿੱਚ ਹੋਈ ਜਦੋਂ ਕਿ ਲਾਹੌਰ ਤੋਂ ਉੁਨ੍ਹਾਂ ਨੇ ਇੰਗਲਿਸ਼ ਲਿਟਰੇਚਰ ਵਿੱਚ ਗ੍ਰੈਜੁਏਸ਼ਨ ਕੀਤੀ। ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਦੇਵ ਆਨੰਦ ਨੇ ਮੁੰਬਈ ਜਾਣ ਦਾ ਫੈਸਲਾ ਕੀਤਾ ਅਤੇ ਉਹ 1940 ਦੇ ਦਹਾਕੇ ਵਿੱਚ ਮੁੰਬਈ ਆ ਗਏ। ਇੱਥੇ ਗੁਜਾਰਾ ਕਰਨ ਦੇ ਲਈ ਉਨ੍ਹਾਂ ਨੇ ਨੌਕਰੀ ਲੱਭੀ ਅਤੇ ਉਨ੍ਹਾਂ ਨੂੰ ਮਿਲਿਟਰੀ ਸੈਂਸਰ ਆਫਿਸ ਵਿੱਚ ਕਲਰਕ ਦੀ ਨੌਕਰੀ ਮਿਲ ਗਈ।
ਇਸ ਨੌਕਰੀ ਦੀ ਖਾਸ ਗੱਲ ਸੀ ਕਿ ਉਨ੍ਹਾਂ ਨੇ ਸੈਨਿਕਾਂ ਦੇ ਚਿੱਠੀਆਂ ਨੂੰ ਪੜ੍ਹਨਾ ਹੁੰਦਾ ਸੀ। ਜੇਕਰ ਉਨ੍ਹਾਂ ਕੋਈ ਗੁਪਤ ਜਾਣਕਾਰੀ ਹੈ ਤਾਂ ਸੈਂਸਰ ਕਰਨਾ ਉਨ੍ਹਾਂ ਦੀ ਨੌਕਰੀ ਦਾ ਹਿੱਸਾ ਸੀ। ਉਨ੍ਹਾਂ ਨੇ ਕੁੱਝ ਸਮੇਂ ਤੱਕ ਇਸ ਨੌਕਰੀ ਨੂੰ ਕੀਤਾ। ਇਸ ਤੋਂ ਬਾਅਦ ਉਹ ਅਕਾਊਟਿੰਗ ਫਰਮ ਦੇ ਨਾਲ ਜੁੜ ਗਏ ਅਤੇ ਉਨ੍ਹਾਂ ਨੇ ਉੱਥੇ ਵੀ ਕਲਰਕ ਦੀ ਨੌਕਰੀ ਕੀਤੀ।ਦੇਵ ਆਨੰਦ ਨੂੰ ਅਦਾਕਾਰ ਬਣਨ ਦਾ ਸੌਂਕ ਅਸ਼ੋਕ ਕੁਮਾਰ ਨੂੰ ਦੇਖ ਕੇ ਪੈਦਾ ਹੋਇਆ।ਉਨ੍ਹਾਂ ਨੇ ਅਸ਼ੋਕ ਕੁਮਾਰ ਦੀ 'ਅਛੂਤ ਕੰਨਿਆ' ਅਤੇ 'ਕਿਸਮਤ' ਦੇਖੀ ਤਾਂ ਉਸ ਤੋਂ ਬਾਅਦ ਫੈਸਲਾ ਕਰ ਲਿਆ ਕਿ ਉਹ ਅਦਾਕਾਰ ਬਣਨਗੇ।
ਇਸ ਤਰ੍ਹਾਂ ਐਕਟਿੰਗ ਵਿੱਚ ਜਾਣ ਦਾ ਉਨ੍ਹਾਂ ਨੇ ਮਨ ਬਣਾਇਆ ਤਾਂ ਉਹ ਪ੍ਰਭਾਸ ਫਿਲਮਜ਼ ਦੇ ਦਫਤਰ ਵਿੱਚ ਜ਼ਬਰਦਸਤੀ ਵੜ ਗਏ। ਉਹ ਸਟੂਡੀਓ ਦੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਣ ਵਿੱਚ ਸਫਲ ਰਹੇ।
ਸਟੂਡੀਓ ਦੇ ਲੋਕਾਂ ਨੂੰ ਉਨ੍ਹਾਂ ਦੀ ਮੁਸਕਾਨ, ਅਦਾਕਾਰੀ ਅਤੇ ਆਤਮਵਿਸ਼ਵਾਸ ਬਹੁਤ ਪਸੰਦ ਆਇਆ ।ਇਸ ਤਰ੍ਹਾਂ 1946 ਵਿੱਚ ਉਨ੍ਹਾਂ ਨੂੰ ਪਹਿਲੀ ਡੈਬਿਊ ਫਿਲਮ 'ਹਮ ਏਕ ਹੈਂ' ਮਿਲੀ ਅਤੇ ਬਾਲੀਵੁੱਡ ਇੰਡਸਟਰੀ ਨੂੰ ਇੱਕ ਰੋਮਾਂਟਿਕ ਹੀਰੋ ਮਿਲ ਗਿਆ।
