ਨਵੀਂ ਦਿੱਲੀ(ਬਿਊਰੋ)— ਰਿਐਲਿਟੀ ਸ਼ੋਅ 'ਬਿੱਗ ਬੌਸ ਸੀਜ਼ਨ 11' ਦੇ ਖਤਮ ਹੋਣ ਦੇ ਬਾਅਦ ਐਕਸ ਮੁਕਾਬਲੇਬਾਜ਼ ਲਗਾਤਾਰ ਪਾਰਟੀ ਕਰਦੇ ਹੋਏ ਨਜ਼ਰ ਆਉਂਦੇ ਹਨ ਪਰ ਸੀਜ਼ਨ 11 ਦੇ ਸਭ ਤੋਂ ਵਧੀਆਂ ਮੁਕਾਬਲੇਬਾਜ਼ ਦਾ ਖਿਤਾਬ ਹਾਸਲ ਕਰਨ ਵਾਲੇ ਹਿਤੇਨ ਤੇਜ਼ਵਾਨੀ ਨੇ ਇਨ੍ਹਾਂ ਪਾਰਟੀਆਂ ਤੋਂ ਦੂਰੀ ਬਣਾਈ ਹੋਈ ਸੀ।
'ਬਿੱਗ ਬੌਸ 11' ਤੋਂ ਬਾਹਰ ਹੋਣ ਦੇ ਬਾਅਦ ਹਿਤੇਨ ਤੇਜ਼ਵਾਨੀ ਪਹਿਲੀ ਵਾਰ ਕਿਸੇ ਕੰਟੈਸਟੇਂਟ ਨਾਲ ਮਿਲਣ ਪਹੁੰਚੇ। ਵਿਕਾਸ ਗੁਪਤਾ ਅਤੇ ਹਿਤੇਨ ਤੇਜ਼ਵਾਨੀ ਨੇ ਆਪਣੀ ਮੁਲਾਕਾਤ ਦੀ ਤਸਵੀਰ ਇੰਸਟਾਗ੍ਰਾਮ ਤੇ ਸ਼ੇਅਰ ਕੀਤੀ ਹੈ। 'ਬਿੱਗ ਬੌਸ 11' ਦੇ ਦੌਰਾਨ ਹਿਤੇਨ ਤੇਜ਼ਵਾਨੀ ਅਤੇ ਵਿਕਾਸ ਗੁਪਤਾ ਵਿਚ ਚੰਗੀ ਦੋਸਤੀ ਦੇਖਣ ਨੂੰ ਮਿਲੀ। ਇਸ ਮੁਲਾਕਾਤ 'ਚ ਵੀ ਦੋਵਾਂ ਨੇ ਆਪਣੀ ਦੋਸਤੀ ਨੂੰ 'ਛੋਲੇ' ਦੇ 'ਜੈ-ਵੀਰੂ' ਦਾ ਨਾਮ ਦਿੱਤਾ ਹੈ।
ਦੱਸ ਦੇਈਏ ਕਿ ਹਿਤੇਨ ਤੇਜ਼ਵਾਨੀ ਜਲਦ ਹੀ ਨਵੀਂ ਬੇਬ ਸੀਰੀਜ਼ 'ਚ ਨਜ਼ਰ ਆਉਣ ਵਾਲੇ ਹਨ। ਵਿਕਾਸ ਗੁਪਤਾ ਅਤੇ ਹਿਤੇਨ ਦੀ ਦੋਸਤੀ ਨੂੰ ਦੇਖ ਕੇ ਇਸ ਗੱਲ ਦੀ ਉਮੀਦ ਕੀਤੀ ਜਾ ਸਕਦੀ ਹੈ ਕਿ ਜਲਦ ਹੀ ਦੋਵੇਂ ਇਕੱਠੇ ਕਿਸੇ ਪ੍ਰਾਜੈਕਟ 'ਚ ਕੰਮ ਕਰਦੇ ਹੋਏ ਨਜ਼ਰ ਆਉਣਗੇ।
'ਬਿੱਗ ਬੌਸ' ਦੇ ਘਰ 'ਚ ਵਿਕਾਸ ਗੁਪਤਾ ਅਤੇ ਹਿਤੇਨ ਤੇਜ਼ਵਾਨੀ ਹਰ ਸਮੇਂ ਇਕ-ਦੂਜੇ ਦਾ ਸਾਥ ਦਿੰਦੇ ਸੀ। ਜਦੋਂ ਹਿਤੇਨ ਦੇ ਬੇਘਰ ਹੋਣ ਦਾ ਸਮਾਂ ਸੀ ਉਦੋਂ ਵਿਕਾਸ ਗੁਪਤਾ ਨੇ ਪ੍ਰਿਆਂਕ ਗੁਪਤਾ ਦੀ ਬਜਾਏ ਉਨ੍ਹਾਂ ਦਾ ਹੀ ਸਾਥ ਦਿੱਤਾ ਸੀ।