ਜਲੰਧਰ— ਪੰਜਾਬੀ ਫਿਲਮਾਂ ਦੇ ਸੁਪਰਮਾਸਟਰ ਅਤੇ ਗਾਇਕ ਦਿਲਜੀਤ ਦੋਸਾਂਝ ਨੇ ਆਪਣੀ ਆਉਣ ਵਾਲੀ ਫਿਲਮ 'ਸੁਪਰ ਸਿੰਘ' ਲਈ 11 ਕਿਲੋ ਦਾ ਕਾਸਟਿਊਮ ਪਾਇਆ ਹੈ। ਦਿਲਜੀਤ ਦੋਸਾਂਝ ਇਨ੍ਹੀ ਦਿਨੀਂ ਆਪਣੀ ਅਗਲੀ ਪੰਜਾਬੀ ਫਿਲਮ 'ਸੁਪਰ ਸਿੰਘ' ਨੂੰ ਲੈ ਕੇ ਚਰਚਾ 'ਚ ਹਨ।
ਏਕਤਾ ਕਪੂਰ ਦੀ ਬਾਲਾਜੀ, ਅਨੁਰਾਗ ਸਿੰਘ ਅਤੇ ਪਵਨ ਗਿਲ ਦੀ ਬ੍ਰੈਟ ਫਿਲਸਜ਼ ਦੇ ਬੈਨਰ 'ਚ ਤਿਆਰ ਫਿਲਮ 'ਸੁਪਰ ਸਿੰਘ' 'ਚ ਦਿਲਜੀਤ ਦੇ ਨਾਲ ਸੋਨਮ ਬਾਜਵਾ ਮੁੱਖ ਭੂਮਿਕਾ 'ਚ ਨਜ਼ਰ ਆਵੇਗੀ।
ਫਿਲਮ ਦਾ ਨਿਰਦੇਸ਼ਨ ਨੈਸ਼ਨਲ ਐਵਾਰਡ ਜੇਤੂ ਅਨੁਰਾਗ ਸਿੰਘ ਨੇ ਕੀਤਾ ਹੈ। ਦਿਲਜੀਤ ਨੇ ਬਾਲੀਵੁੱਡ 'ਚ 'ਉੱਡਦਾ ਪੰਜਾਬ' ਅਤੇ 'ਫਿਲੌਰੀ' ਵਰਗੀ ਫਿਲਮਾਂ 'ਚ ਕੰਮ ਕੀਤਾ ਹੈ। ਦਿਲਜੀਤ ਇਸ ਸਮੇਂ ਆਪਣੇ ਕੈਰੀਅਰ ਦੇ ਸਭ ਤੋਂ ਚੰਗੇ ਦੌਰ ਤੋਂ ਗੁਜ਼ਰ ਰਿਹਾ ਹੈ।
ਦਿਲਜੀਤ ਪਹਿਲੀ ਵਾਰ ਇੱਕ ਸਰਦਾਰ ਸੁਪਰ ਹੀਰੋ ਦੇ ਕਿਰਦਾਰ 'ਚ ਨਜ਼ਰ ਆਉਣਗੇ। ਇਹ ਪਹਿਲੀ ਪੰਜਾਬੀ ਸੁਪਰ ਹੀਰੋ ਫਿਲਮ ਹੈ।
ਫਿਲਮ ਲਈ ਦਿਲਜੀਤ ਨੇ ਖੂਬ ਮਿਹਨਤ ਕੀਤੀ ਹੈ। ਫਿਲਮ 'ਚ ਜੋ ਸੁਪਰ ਹੀਰੋ ਦਾ ਕਾਸਟਿਊਮ ਹੈ, ਉਹ ਤਕਰੀਬਨ 11 ਕਿਲੋ ਭਾਰ ਦਾ ਹੈ। ਦਿਲਜੀਤ ਨੇ ਆਪਣੀ ਇਸ ਫਿਲਮ ਨੂੰ ਹਾਲੀਵੁੱਡ ਦੇ ਸੁਪਰ ਹੀਰੋ ਦੇ ਲੈਵਲ 'ਤੇ ਬਣਾਇਆ ਹੈ।
ਫਿਲਮ ਦੇ ਗ੍ਰਾਫਿਕਸ ਦਾ ਪੂਰਾ ਕੰਮ ਭਾਰਤ 'ਚ ਕੀਤਾ ਗਿਆ ਹੈ। ਸੁਪਰ ਸਿੰਘ ਦੇ ਕਾਸਟਿਊਮ ਨੂੰ ਵੀ ਭਾਰਤ 'ਚ ਹੀ ਬਣਾਇਆ ਗਿਆ ਹੈ। ਇਹ ਫਿਲਮ 16 ਜੂਨ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ।