ਮੁੰਬਈ (ਬਿਊਰੋ)— ਟੀ. ਵੀ. ਅਦਾਕਾਰਾ ਦਿਵਿਆਂਕਾ ਤ੍ਰਿਪਾਠੀ ਦੀ ਦੋਸਤ ਅਤੇ ਅਦਾਕਾਰਾ ਸਨੇਹਲ ਸਹਾਏ ਮਾਂ ਬਣ ਗਈ ਹੈ। ਇਸ ਖੁਸ਼ਖਬਰੀ ਨੂੰ ਦਿਵਿਆਂਕਾ ਨੇ ਆਪਣੇ ਅਧਿਕਾਰਕ ਇੰਸਟਾਗ੍ਰਾਮ 'ਤੇ ਤਸਵੀਰ ਰਾਹੀਂ ਸ਼ੇਅਰ ਕੀਤਾ ਹੈ। ਇਸ ਤਸਵੀਰ 'ਚ ਦਿਵਿਆਂਕਾ ਸਨੇਹਲ ਦੇ ਪਤੀ ਕਿਰਣ ਗਿਰੀ ਅਤੇ ਨਵੇਂ ਮਹਿਮਾਨ ਨਾਲ ਨਜ਼ਰ ਆ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਸਨੇਹਲ ਅਤੇ ਕਿਰਣ ਦਾ ਇਹ ਪਹਿਲਾ ਬੱਚਾ ਹੈ। ਕਿਰਣ ਅਤੇ ਸਨੇਹਲ ਦਾ ਵਿਆਹ ਸਾਲ 2012 'ਚ ਹੋਇਆ ਸੀ।
ਦਿਵਿਆਂਕਾ ਨੇ ਇਹ ਤਸਵੀਰ ਹਸਪਤਾਲ ਤੋਂ ਸ਼ੇਅਰ ਕੀਤੀ ਹੈ। ਦੋਸਤ ਦੇ ਮਾਂ ਬਣਨ 'ਤੇ ਦਿਵਿਆਂਕਾ ਬੇਹੱਦ ਖੁਸ਼ ਹੈ। ਸਨੇਹਲ ਅਤੇ ਦਿਵਿਆਂਕਾ 'ਬਨੁ ਮੈਂ ਤੇਰੀ ਦੁਲਹਨ' ਸ਼ੋਅ 'ਚ ਇਕੱਠੇ ਕੰਮ ਕਰ ਚੁੱਕੇ ਹਨ। ਇਸ ਸ਼ੋਅ ਤੋਂ ਬਾਅਦ ਦੋਹਾਂ ਵਿਚਕਾਰ ਚੰਗੀ ਦੋਸਤੀ ਹੋ ਗਈ ਸੀ ਜੋ ਅੱਜ ਤੱਕ ਜਾਰੀ ਹੈ। ਇਸ ਤੋਂ ਇਲਾਵਾ ਸਨੇਹਲ ਨੂੰ ਆਖਰੀ ਵਾਰ 'ਸਸੁਰਾਲ ਸਿਮਰ ਕਾ' ਸ਼ੋਅ 'ਚ ਦੇਖਿਆ ਗਿਆ ਸੀ।