ਮੁੰਬਈ (ਬਿਊਰੋ)— ਜਸਟਿਨ ਬੀਬਰ ਤੋਂ ਬਾਅਦ ਹੁਣ ਇਕ ਹੋਰ ਇੰਟਰਨੈਸ਼ਨਲ ਸਿੰਗਰ ਮੁੰਬਈ 'ਚ ਧਮਾਲ ਮਚਾਉਣ ਲਈ ਤਿਆਰ ਹੈ। ਇਹ ਕੋਈ ਹੋਰ ਨਹੀਂ, ਸਗੋਂ 'ਸ਼ੇਪ ਆਫ ਯੂ' ਫੇਮ ਐਡ ਸ਼ੀਰਨ ਹਨ, ਜੋ ਕੱਲ ਰਾਤ ਹੀ ਮੁੰਬਈ ਪਹੁੰਚੇ ਹਨ। ਕੱਲ ਏਅਰਪੋਰਟ ਤੋਂ ਉਨ੍ਹਾਂ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ 'ਚ ਉਹ ਹੁਡੀ ਪਹਿਨੇ ਦਿਖੇ ਤੇ ਸਿਰ 'ਤੇ ਟੋਪੀ ਕਾਰਨ ਉਨ੍ਹਾਂ ਦੀਆਂ ਸਾਫ ਤਸਵੀਰਾਂ ਨਹੀਂ ਕਲਿਕ ਕੀਤੀਆਂ ਜਾ ਸਕੀਆਂ। ਦੱਸਣਯੋਗ ਹੈ ਕਿ 26 ਸਾਲ ਦੇ ਐਡ ਸ਼ੀਰਨ ਆਪਣੀ ਨਵੀਂ ਐਲਬਮ 'ਡਿਵਾਈਡ' ਦੇ ਪ੍ਰਚਾਰ ਲਈ ਮੁੰਬਈ 'ਚ ਇਹ ਕੰਸਰਟ ਕਰਨ ਵਾਲੇ ਹਨ। ਐਡ ਸ਼ੀਰਨ ਮੁੰਬਈ ਦੇ ਬਾਂਦਰਾ ਕੁਰਲਾ ਕੰਪਲੈਕਸ ਦੇ ਜਿਓ ਗਾਰਡਨ 'ਚ ਪੇਸ਼ਕਾਰੀ ਦੇਣਗੇ। ਇਸ ਕੰਸਰਟ ਦੀਆਂ ਟਿਕਟਾਂ ਦੀ ਪੂਰੀ ਵਿਕਰੀ ਹੋ ਚੁੱਕੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਕੰਸਰਟ 'ਚ ਸ਼ੀਰਨ ਦੇ ਲਗਭਗ 10 ਹਜ਼ਾਰ ਫੈਨਜ਼ ਉਸ ਨੂੰ ਸੁਣਨ ਲਈ ਪਹੁੰਚਗੇ। ਐਡ ਸ਼ੀਰਨ ਦੀ ਇਹ ਦੂਜੀ ਭਾਰਤ ਯਾਤਰਾ ਹੈ। ਇਸ ਤੋਂ ਪਹਿਲਾਂ 2015 'ਚ ਵੀ ਸ਼ੀਰਨ ਆਪਣਾ ਇਕ ਕੰਸਰਟ ਕਰਨ ਇਥੇ ਪਹੁੰਚੇ ਸਨ। ਇਸ ਵਾਰ ਸ਼ੀਰਨ ਆਪਣੇ ਕੰਸਰਟ 'ਚ ਦੋ ਦਿਨ ਪਹਿਲਾਂ ਇਥੇ ਪਹੁੰਚੇ ਹਨ ਤਾਂ ਕਿ ਉਹ ਮੁੰਬਈ 'ਚ ਘੁੰਮ ਸਕਣ। ਸ਼ੀਰਨ ਨਾਲ ਲਗਭਗ 45 ਲੋਕ ਹਨ, ਜਿਨਵਾਂ ਲਈ 20 ਲਗਜ਼ਰੀ ਕਾਰਾਂ ਦੀ ਵਿਵਸਥਾ ਕੀਤੀ ਗਈ ਹੈ ਤੇ ਨਾਲ ਹੀ ਮੁੰਬਈ ਦੇ ਇਕ ਹੋਟਲ 'ਚ ਲਗਭਗ 60 ਕਮਰੇ ਬੁੱਕ ਕੀਤੇ ਗਏ ਹਨ।